不專業足球筆記（七）
1. 省港盃兩回合計香港同廣東總比數踢成三比三，最後互射十二碼之下，香港以總比數5比7落敗。
2. 如果你問我，兩個回合計埋，呢隊以後生仔為主既香港隊值唔值得落敗？唔值，佢哋大部份既時間都表現得比起廣東好。但足球就係咁，有好多因素影響戰果，踢得好未必贏，踢得屎未必輸。
3. 次回合老實講，響廣東追平總比數之前，我都好明顯覺得主場雞得幾犀利，同一個動作，廣東球員唔好話比牌，可能foul都冇吹。而廣東追平果球，曾以行好明顯係中波，但佢就吹罰曾以行，之後就係呢球死球攻勢入波。
4. 不過場波總比數平手咗之後，條友既尺度好似正常返，我都唔知究竟係條友鳩吹定真係偏幫。
5. 一開波，香港隊呢班後生仔好明顯真係企都未企得定，人哋就冚冚聲咁黎，而且對手上半場吊好多高波入禁區，入波就係左路傳中，兩個左面既防守球員都stop唔到佢，就比對手攝贏頂入。人哋係傳得靚、攝得靚，但自己右路跟得唔夠好又係事實。
6. 企穩陣腳之後香港隊搶返唔少攻勢，而都憑一個罰球攻勢，艾華趁對方門將打出不遠就執隻靚雞追平。
7. 追平之後雙方快打快，香港隊既逼搶其實都依然做得OK，但問題照舊係組織攻勢果面唔係太好，而輸第二球就係界外球大軍壓上，點知就失咗比人打個大反擊，對手一個長傳沿進攻路線左面推進，李毅凱標咗出去時對方趁機傳中，同阿凱換咗位既曾以行截唔到，比對方有機會起腳射門，謝家榮擋出之後以為阿凱可以清到，點知對手都係快一步督入。呢下阿凱我覺得真係可以做得再好啲。
8. 上半場雙方快打快，其實幾好睇，不過見住廣東班友返到主場，下下都唔收腳又冇牌，今次香港響身體對抗上面稍為輸蝕。對方採用最簡單直接既方式，將個波吊入禁區利用身材優勢，尤其是死球既時候都做到唔少既威脅。上半場香港隊我覺得最有威脅係黎自左路既黃皓雋Anson，左右腳都好得，而且睇落身型唔算大份，但係好實淨。
9. 半場出黎之後，香港比對手控住波黎踢，雖然都有幾腳反擊做到攻勢，但都把握唔到，反而比人哋一個反擊響進攻路線搏到罰球，響帶入幸運成份之下，個波好似波子機咁彈下彈下彈入咗。但老老實實，慢鏡都好明顯曾以行係中波先既，然後條友自己跌，你問我既話，我覺得唔係犯規。
10. 對手入既第二同第三球係有啲幸運成份，但呢兩下波你唔係冇機會解圍，但響混亂中最後都係清唔走，咁後防係咪真係冇責任，又唔係，佢哋真係可以做得好啲。
11. 又，唔知係咪廣東隊既體能去到下半場中段開始跌晒watt，佢哋追返平手之後香港隊返好多攻勢，而且場面上都冇上半場咁火爆。港隊隨後有一次黃金機會，林樂勤遠射中楣，劉智樂補射被閘，佢再set橫比後上既林衍廷撞射，但真係射得太正，冇計。
12. 下半場換咗幾個後備出黎，港隊既表現依然唔錯，仍然控制到戰局，呢個係開心既。其中香港華迪劉智樂同埋左路既吳宇曦既表現非常出眾，前者做足晒一個柱躉中鋒既本份，一次冷靜set橫爭啲造就Fat Gor成為英雄，後者多次左路成功突破，一啲都唔膽怯，完全睇唔出得17歲。
13. 雖然加時上下半場都係港隊主導形勢，但最終都係搵唔到破門既方法，賽事要進入最殘酷既互射十二碼決勝負。
14. 雖然有云十二碼係運氣主宰既，但唔該你都射好小小吖…陳凱柏既果球係有角度，但角度拎得太盡，呢個都可以話唔夠運，但葉卓文果球又冇力又冇角度，真係唔合格喎。
15. 不過我講係咁講，都冇得怪佢既，21歲後生仔，期望你會從今次壓力之中成長喇。記住啊，日後，盡量別教今天的淚白流，今日既失敗，先會成就明天既你。
16. 結果係失望既，但係如果望住場上班球員既表現，其實都收貨，主力既一班後生仔，對住擁有唔少中超球員既廣東，一啲都冇怯場，踢得有板有眼。係唔成熟，係仲需要打磨，但係至少令我哋睇到希望。
17. 除咗省港盃之外，講埋小小花生嘢，今日國際邁阿密對神戶勝利船既比賽，美斯響第60分鐘後備出場，蘇亞雷斯仲正選出戰添。其實都係預計之內吖，美斯響日本全程笑得幾開心？你有冇見到美斯響香港既時候出席活動既時候有笑吖？
18. 香港政府梗係激到生蝦咁跳，又衝出黎要美斯同國際邁阿密出黎解釋又要人哋比市民一個交待，而霍啟剛仲出咗篇千字文黎屌。老老豆豆，一場商業比賽搞到戰狼上身，真係幾肉酸，而且好明顯佢哋只係在乎面子問題。講真，買咗飛既球迷先係大輸家，係想安慰下市民既，不如夾Talter回水比買咗飛既市民仲好喇(OKOK，我知自己只係FF啫)。
19. 今日到呢度先喇，下次有嘢寫再傾。
#不專業足球筆記
#香港隊勁揪 #香港隊
#省港盃 #香港對廣東
#國際邁阿密 #美斯
#回水
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 省港盃兩回合計香港同廣東總比數踢成三比三，最後互射十二碼之下，香港以總比數5比7落敗。
2. 如果你問我，兩個回合計埋，呢隊以後生仔為主既香港隊值唔值得落敗？唔值，佢哋大部份既時間都表現得比起廣東好。但足球就係咁，有好多因素影響戰果，踢得好未必贏，踢得屎未必輸。
3. 次回合老實講，響廣東追平總比數之前，我都好明顯覺得主場雞得幾犀利，同一個動作，廣東球員唔好話比牌，可能foul都冇吹。而廣東追平果球，曾以行好明顯係中波，但佢就吹罰曾以行，之後就係呢球死球攻勢入波。
4. 不過場波總比數平手咗之後，條友既尺度好似正常返，我都唔知究竟係條友鳩吹定真係偏幫。
5. 一開波，香港隊呢班後生仔好明顯真係企都未企得定，人哋就冚冚聲咁黎，而且對手上半場吊好多高波入禁區，入波就係左路傳中，兩個左面既防守球員都stop唔到佢，就比對手攝贏頂入。人哋係傳得靚、攝得靚，但自己右路跟得唔夠好又係事實。
6. 企穩陣腳之後香港隊搶返唔少攻勢，而都憑一個罰球攻勢，艾華趁對方門將打出不遠就執隻靚雞追平。
7. 追平之後雙方快打快，香港隊既逼搶其實都依然做得OK，但問題照舊係組織攻勢果面唔係太好，而輸第二球就係界外球大軍壓上，點知就失咗比人打個大反擊，對手一個長傳沿進攻路線左面推進，李毅凱標咗出去時對方趁機傳中，同阿凱換咗位既曾以行截唔到，比對方有機會起腳射門，謝家榮擋出之後以為阿凱可以清到，點知對手都係快一步督入。呢下阿凱我覺得真係可以做得再好啲。
8. 上半場雙方快打快，其實幾好睇，不過見住廣東班友返到主場，下下都唔收腳又冇牌，今次香港響身體對抗上面稍為輸蝕。對方採用最簡單直接既方式，將個波吊入禁區利用身材優勢，尤其是死球既時候都做到唔少既威脅。上半場香港隊我覺得最有威脅係黎自左路既黃皓雋Anson，左右腳都好得，而且睇落身型唔算大份，但係好實淨。
9. 半場出黎之後，香港比對手控住波黎踢，雖然都有幾腳反擊做到攻勢，但都把握唔到，反而比人哋一個反擊響進攻路線搏到罰球，響帶入幸運成份之下，個波好似波子機咁彈下彈下彈入咗。但老老實實，慢鏡都好明顯曾以行係中波先既，然後條友自己跌，你問我既話，我覺得唔係犯規。
10. 對手入既第二同第三球係有啲幸運成份，但呢兩下波你唔係冇機會解圍，但響混亂中最後都係清唔走，咁後防係咪真係冇責任，又唔係，佢哋真係可以做得好啲。
11. 又，唔知係咪廣東隊既體能去到下半場中段開始跌晒watt，佢哋追返平手之後香港隊返好多攻勢，而且場面上都冇上半場咁火爆。港隊隨後有一次黃金機會，林樂勤遠射中楣，劉智樂補射被閘，佢再set橫比後上既林衍廷撞射，但真係射得太正，冇計。
12. 下半場換咗幾個後備出黎，港隊既表現依然唔錯，仍然控制到戰局，呢個係開心既。其中香港華迪劉智樂同埋左路既吳宇曦既表現非常出眾，前者做足晒一個柱躉中鋒既本份，一次冷靜set橫爭啲造就Fat Gor成為英雄，後者多次左路成功突破，一啲都唔膽怯，完全睇唔出得17歲。
13. 雖然加時上下半場都係港隊主導形勢，但最終都係搵唔到破門既方法，賽事要進入最殘酷既互射十二碼決勝負。
14. 雖然有云十二碼係運氣主宰既，但唔該你都射好小小吖…陳凱柏既果球係有角度，但角度拎得太盡，呢個都可以話唔夠運，但葉卓文果球又冇力又冇角度，真係唔合格喎。
15. 不過我講係咁講，都冇得怪佢既，21歲後生仔，期望你會從今次壓力之中成長喇。記住啊，日後，盡量別教今天的淚白流，今日既失敗，先會成就明天既你。
16. 結果係失望既，但係如果望住場上班球員既表現，其實都收貨，主力既一班後生仔，對住擁有唔少中超球員既廣東，一啲都冇怯場，踢得有板有眼。係唔成熟，係仲需要打磨，但係至少令我哋睇到希望。
17. 除咗省港盃之外，講埋小小花生嘢，今日國際邁阿密對神戶勝利船既比賽，美斯響第60分鐘後備出場，蘇亞雷斯仲正選出戰添。其實都係預計之內吖，美斯響日本全程笑得幾開心？你有冇見到美斯響香港既時候出席活動既時候有笑吖？
18. 香港政府梗係激到生蝦咁跳，又衝出黎要美斯同國際邁阿密出黎解釋又要人哋比市民一個交待，而霍啟剛仲出咗篇千字文黎屌。老老豆豆，一場商業比賽搞到戰狼上身，真係幾肉酸，而且好明顯佢哋只係在乎面子問題。講真，買咗飛既球迷先係大輸家，係想安慰下市民既，不如夾Talter回水比買咗飛既市民仲好喇(OKOK，我知自己只係FF啫)。
19. 今日到呢度先喇，下次有嘢寫再傾。
#不專業足球筆記
#香港隊勁揪 #香港隊
#省港盃 #香港對廣東
#國際邁阿密 #美斯
#回水
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊