不專業足球筆記（三）
1. 對於香港隊黎講，今次既亞洲盃決賽周終於曲終人散。
2. 作為香港隊既球迷黎講，雖然對最後一場分組賽對巴勒斯坦既戰果略感失望，但係整體上依然好滿意呢次香港隊響呢個大賽入面既表現。
3. 或者有人會覺得我既要求低，但實際上我響分組賽之前就已經響心入面管理咗期望，就係只要香港隊唔好響分組賽入面做三零部隊已經係達成咗我為佢哋定下既目標，而陳肇鈞響第一場對阿聯酋既入球，就已經做到咗我心入面想佢哋做既嘢。
4. 我有個朋友，唔知係咪睇完頭兩場香港隊既表現之後個心雄得滯，對巴勒斯坦既比賽，由一開始已經屌到香港隊一文不值，點樣響令人有期望既情況下打回原形，令人好失望云云。佢唔係果啲一路以黎都輕視港足既人，可能係愛之心責之切啩，但我覺得佢既心態賽前實在過份樂觀。
5. 我賽前同唔止一個朋友（唔係啱啱講果個）傾波既時候，大家不約而同都咁認同一件事，就係對巴勒斯坦其實先係最惡踢既果一場。
6. 照牌面黎睇，巴勒斯坦世界排名第99，係小組入面第三高，但佢哋對阿聯酋既時候絕大部份時間都係打多一個人，而且又比港隊多一日時間休息。至於香港隊，要執行逼搶其實係需要好大量既體力，即使呢一班港隊成員比起以前既體能已經進步咗好多好多，但係響咁短既分組賽期入面回唔回得切呢？情況其實有啲似亞運既時候咁，最尾既時候，有傷兵之餘球員體力都攰。
7. 但重要既一樣嘢，我覺得係決心，爭勝既決心。香港頭兩場既戰意非常好，決心非常大，面對兩個越級挑戰既對手，球員戰意鮮明，用鬥心、體能，一人跑多步，去彌補技術上面既不足，而事實上頭兩場港隊既表現都實在非常唔錯，我哋甚至會有一種呢兩場其實最少都應該收獲到一分既感覺。
8. 唔係話對巴勒斯坦既時候港隊冇決心，但有時一支代表住自己國家既球隊，響自己既國家有危難既時候，佢哋既士氣、鬥心，為人民而戰，甚至係Kim Sir口中所講既"die for"自己國家既果種心情，絕對會對佢哋場上面既表現有正面既刺激，而事實上佢哋教練上場逼和阿聯酋之後就已經向記者講話要為人民取得入球同勝利。就好似2007年既伊拉克咁，直頭拎埋果屆亞洲盃冠軍。
9. 仲有一樣嘢，就係響亞拉伯世界入面，應該係一面倒咁認為巴勒斯坦係受害既一方，所以呢場響卡塔爾既比賽，絕對係會成為大半個巴勒斯坦既主場。
10. 響咁多不利因素既情況下，開波之後港隊果然有啲進退失據，而且今場巴勒斯坦既進攻好順暢，甚至有種行雲流水既感覺，最終好早十零分鐘就比對手右路傳中頂入，影響咗部署。雪上加霜既係，一次中場附近爭頂，勞烈斯疑似觸到甩骹既舊患，需要由李毅凱入替。
11. 我唔會懷疑球員既決心，但今場好明顯對手都一樣係好有決心，行軍速度快，香港隊既技術明顯唔及對面亦都響呢個時候顯露出黎。
12. 但港隊並唔係冇攻勢，米高兩下二傳比陳肇鈞同艾華頓都好可惜射唔入，尤其是少爺仔果球，真係香港隊既黃金機會，點知龍都唔中。另外艾華頓都有一次右面連過幾個人用返右腳射，比龍門救到。
13. 下半場早段再失一球，可以話已經判咗香港隊大半個死刑，之後反擊輸到第三球，剩低既只係破唔破到蛋既懸念。
14. 安達臣其實並冇諗住坐以待斃，佢先後換入黃威、祖連奴、史堤芬彭利拿、孫銘謙，但成效唔算太明顯，係Junior都算有小小表現。
15. 香港隊比賽末段由Junior射中對手既手部得到個十二碼，正如周緣德犯天條既時候分析過，呢個係一個正確既判決，可惜艾華頓操刀射失，注定港隊今場冇辦法破蛋。
16. 亞洲盃曲終人散，但香港隊既球迷真係好好，佢哋仲響看台上面不斷嗌口號，而唔少港隊既職球員都忍唔住落淚。事實上我都睇到眼濕濕，距離十六強，似遠其實還近。
17. 整體黎講，我其實已經好滿意香港隊今次大賽既表現，佢哋果種打不死既精神，真係令我覺得好熱血，真係拍晒手掌。
18. 其實三場波，已經睇得出香港既球員，同亞洲級數既球員，技術上面係爭得幾遠，真係打出戰術、打出血性、打出拼勁，先會有咁精彩既表現。響港超聯賽場上面，你控球波控得唔好，你大把時間修正，但呢啲級數既比賽，唔好話控甩波，只要你拎住個波有小小猶豫，對手已經殺到。
19. 安達臣有講過佢係有比外面既球隊睇中過，所以我覺得當務之急，係真係睇下有冇機會可以留到安達臣，為港隊做一個長期既計劃，由梯隊開始統一個足球風格。
20. 另外，安達臣都有講過，港超聯既水準實在太參差，好多時其實你唔駛入場，都會知道某一隊係絕對唔可能勝出。當年華家堡可以一比零爆冷贏南華，但你好難想像響非菁英盃既賽場上面深水埗同U23可以贏到傑志理文。
21. 提升港超聯水準係當務之急，但同時亦係難以入手既難題。講堅，而家有老細肯投資搞波已經好好，好難要求隊隊都有傑志理文咁大手筆既投入。
22. 點都好，一定會繼續支持香港隊，亦希望各位球迷都可以繼續撐港足，更希望香港日後仲有機會打入呢啲大賽既決賽周。
#不專業足球筆記
#香港隊勁揪 #香港隊
#亞洲盃 #香港0比3巴勒斯坦
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上https://www.penana.com/membership_plan?id=52938 或者https://m.penana.com/stream?id=52938
1. 對於香港隊黎講，今次既亞洲盃決賽周終於曲終人散。
2. 作為香港隊既球迷黎講，雖然對最後一場分組賽對巴勒斯坦既戰果略感失望，但係整體上依然好滿意呢次香港隊響呢個大賽入面既表現。
3. 或者有人會覺得我既要求低，但實際上我響分組賽之前就已經響心入面管理咗期望，就係只要香港隊唔好響分組賽入面做三零部隊已經係達成咗我為佢哋定下既目標，而陳肇鈞響第一場對阿聯酋既入球，就已經做到咗我心入面想佢哋做既嘢。
4. 我有個朋友，唔知係咪睇完頭兩場香港隊既表現之後個心雄得滯，對巴勒斯坦既比賽，由一開始已經屌到香港隊一文不值，點樣響令人有期望既情況下打回原形，令人好失望云云。佢唔係果啲一路以黎都輕視港足既人，可能係愛之心責之切啩，但我覺得佢既心態賽前實在過份樂觀。
5. 我賽前同唔止一個朋友（唔係啱啱講果個）傾波既時候，大家不約而同都咁認同一件事，就係對巴勒斯坦其實先係最惡踢既果一場。
6. 照牌面黎睇，巴勒斯坦世界排名第99，係小組入面第三高，但佢哋對阿聯酋既時候絕大部份時間都係打多一個人，而且又比港隊多一日時間休息。至於香港隊，要執行逼搶其實係需要好大量既體力，即使呢一班港隊成員比起以前既體能已經進步咗好多好多，但係響咁短既分組賽期入面回唔回得切呢？情況其實有啲似亞運既時候咁，最尾既時候，有傷兵之餘球員體力都攰。
7. 但重要既一樣嘢，我覺得係決心，爭勝既決心。香港頭兩場既戰意非常好，決心非常大，面對兩個越級挑戰既對手，球員戰意鮮明，用鬥心、體能，一人跑多步，去彌補技術上面既不足，而事實上頭兩場港隊既表現都實在非常唔錯，我哋甚至會有一種呢兩場其實最少都應該收獲到一分既感覺。
8. 唔係話對巴勒斯坦既時候港隊冇決心，但有時一支代表住自己國家既球隊，響自己既國家有危難既時候，佢哋既士氣、鬥心，為人民而戰，甚至係Kim Sir口中所講既"die for"自己國家既果種心情，絕對會對佢哋場上面既表現有正面既刺激，而事實上佢哋教練上場逼和阿聯酋之後就已經向記者講話要為人民取得入球同勝利。就好似2007年既伊拉克咁，直頭拎埋果屆亞洲盃冠軍。
9. 仲有一樣嘢，就係響亞拉伯世界入面，應該係一面倒咁認為巴勒斯坦係受害既一方，所以呢場響卡塔爾既比賽，絕對係會成為大半個巴勒斯坦既主場。
10. 響咁多不利因素既情況下，開波之後港隊果然有啲進退失據，而且今場巴勒斯坦既進攻好順暢，甚至有種行雲流水既感覺，最終好早十零分鐘就比對手右路傳中頂入，影響咗部署。雪上加霜既係，一次中場附近爭頂，勞烈斯疑似觸到甩骹既舊患，需要由李毅凱入替。
11. 我唔會懷疑球員既決心，但今場好明顯對手都一樣係好有決心，行軍速度快，香港隊既技術明顯唔及對面亦都響呢個時候顯露出黎。
12. 但港隊並唔係冇攻勢，米高兩下二傳比陳肇鈞同艾華頓都好可惜射唔入，尤其是少爺仔果球，真係香港隊既黃金機會，點知龍都唔中。另外艾華頓都有一次右面連過幾個人用返右腳射，比龍門救到。
13. 下半場早段再失一球，可以話已經判咗香港隊大半個死刑，之後反擊輸到第三球，剩低既只係破唔破到蛋既懸念。
14. 安達臣其實並冇諗住坐以待斃，佢先後換入黃威、祖連奴、史堤芬彭利拿、孫銘謙，但成效唔算太明顯，係Junior都算有小小表現。
15. 香港隊比賽末段由Junior射中對手既手部得到個十二碼，正如周緣德犯天條既時候分析過，呢個係一個正確既判決，可惜艾華頓操刀射失，注定港隊今場冇辦法破蛋。
16. 亞洲盃曲終人散，但香港隊既球迷真係好好，佢哋仲響看台上面不斷嗌口號，而唔少港隊既職球員都忍唔住落淚。事實上我都睇到眼濕濕，距離十六強，似遠其實還近。
17. 整體黎講，我其實已經好滿意香港隊今次大賽既表現，佢哋果種打不死既精神，真係令我覺得好熱血，真係拍晒手掌。
18. 其實三場波，已經睇得出香港既球員，同亞洲級數既球員，技術上面係爭得幾遠，真係打出戰術、打出血性、打出拼勁，先會有咁精彩既表現。響港超聯賽場上面，你控球波控得唔好，你大把時間修正，但呢啲級數既比賽，唔好話控甩波，只要你拎住個波有小小猶豫，對手已經殺到。
19. 安達臣有講過佢係有比外面既球隊睇中過，所以我覺得當務之急，係真係睇下有冇機會可以留到安達臣，為港隊做一個長期既計劃，由梯隊開始統一個足球風格。
20. 另外，安達臣都有講過，港超聯既水準實在太參差，好多時其實你唔駛入場，都會知道某一隊係絕對唔可能勝出。當年華家堡可以一比零爆冷贏南華，但你好難想像響非菁英盃既賽場上面深水埗同U23可以贏到傑志理文。
21. 提升港超聯水準係當務之急，但同時亦係難以入手既難題。講堅，而家有老細肯投資搞波已經好好，好難要求隊隊都有傑志理文咁大手筆既投入。
22. 點都好，一定會繼續支持香港隊，亦希望各位球迷都可以繼續撐港足，更希望香港日後仲有機會打入呢啲大賽既決賽周。
#不專業足球筆記
#香港隊勁揪 #香港隊
#亞洲盃 #香港0比3巴勒斯坦
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上https://www.penana.com/membership_plan?id=52938 或者https://m.penana.com/stream?id=52938
請按此登錄後留言。未成為會員? 立即註冊