不專業足球筆記 (一)
1. 哈囉大家好，我都好耐時間冇響呢度寫專欄，因為實在太忙，不過黎緊生活上都有啲變化，到時可能會多啲時間寫下足球嘢。
2. 好，既然咁忙，點解突然又返出黎寫嘢呢？因為香港隊再次歷史性打入咗亞洲盃決賽周吖嘛，身為香港人，點都一定要睇波支持下既。
3. 不過話晒個專欄名都叫做不專業足球筆記，咪當聽下我吹下水講下波，我冇識波牌架嘛，唔好介意啊吓。
4. 第一場波既對手，係世界排名第64既阿聯酋，而香港只係響亞洲盃決賽周咁多隊波入面世界排名最低既150。有留意港隊既相信都會認同，港隊響安達臣既調教之下，整體感覺係同以前唔同咗，尤其是係主打逼搶戰術，我自己覺得係一種進步黎，不過當然我都有聽過唔同意見，覺得出到去比賽，香港隊通常都係弱旅，逼乜鬼搶吖，防反仲好喇。咁每個人有唔同睇法，我都唔可以話佢錯晒。
5. 呢場波就真係好睇得出香港既戰術唔係單純既逼搶，而係真係有收有放，而我覺得都有成效，中前場間中可以逼到阿聯酋犯錯，再加上所以球員五五波甚至四六波都去盡，完全唔驚你啲西亞佬，踢得算好硬淨，呢點真係好難得。
6. 因為傷兵問題，一對中堅臨危受命，意外地踢得非常之好，李毅凱自從亞運返黎之後，表現就越黎越好，今場一樣殺唔少波。至於周緣德，個人覺得雖然冇阿凱咁出，但一樣係踢得非常好，只係有啲不必要咁犯下咗一個手球，呢球下面會再講詳細啲。
7. 香港其實響失波之前有唔少機會，尤其是潘沛軒有球禁區入面接應橫傳如果可以即時一腳射埋去，我覺得中龍就入，但佢選擇控一腳先想再射，響呢啲級數既比賽入面，一下多餘既動作，就足以比對手足夠時間去解圍。但整體黎講，香港比到阿聯酋既壓力係唔細既，至少個鏡頭成日影到阿聯酋既教練好肉緊又愁眉不展咁，我諗佢都未必估到香港隊可以同自己隊踼到五五波唔輸蝕。
8. 不過好可惜，呢個時候香港輸咗球十二碼。今場波有幾個VAR既爭議，第一個就係周緣德既手球，呢個其實我自己反而覺得雖然不幸，但係都係一個正確既判決黎，因為佢隻手其實真係好冇必要咁遞出黎，而響近幾年球例改變之下，判十二碼其實一啲都唔出奇。
9. 半場落後一球返更衣室，以今場波香港隊既表現黎講，係好可惜既。
10. 不過下半場一返出黎，就見到香港隊果種決心想去追和，結果就憑住艾華頓右面傳中，陳肇鈞近門入攝射入。不得不說，呢球少爺仔既走位同入攝真係好靚，對手後衛完全唔為意佢可以攝到入黎，而少爺仔不嬲都真係有呢啲後上入攝既波，真係香港隊既殺著。
11. 可惜之後一次遠射，雖然葉鴻輝連番撲救，但最後都救唔到最後既門前執雞。呢球有小小嘢可以彈，第一下阿輝如果係將球波撲出底線既話，就唔會有之後既連環施射，但當然咁樣對連番撲救既阿輝係有啲harsh，事實上佢救到連環施射已經好唔錯。另外就係最尾個波彈返出黎既時候，陳晉一既反應係遲咗小小，先比人執雞成功。當然，呢個又係好harsh既評語，始終呢個係電光火石之間發生。
12. 落後之後既港隊好快變陣，換入米高、史堤芬彭利拿，同埋之後既黃威，但唔知係因為陣式變咗既關係定體力下降既問題，呢段時間港隊既攻勢反而冇咁銳利，仲爭啲失多球十二碼。
13. 補時階段失第三球又係有啲可惜，冇記錯好似係黃威傳個波比幾個包圍緊既余在言比人逼甩，再逼一仔犯規。啱啱咪講過有幾個爭議VAR既，第二個係一仔既犯規，我睇VAR慢鏡反而覺得佢踢埋去個勢雖然凶，但實際上碰撞得唔大，我仲以為唔會吹。只能夠講話輸經驗，就好似旁述和仔所講，呢球既解圍其實唔駛拉晒弓咁去晒，當踢中人既時候就個勢就會變得好肉酸。
14. 雖然輸到三比一，但港隊冇放棄，仲好快由米高追返一球，點知入完波之後VAR又吹返轉頭，應該係話米高手球，呢個係第三球爭議VAR。但呢下我覺得個畫面既角度根本就唔清楚，而同周緣德唔同，就當真係有彈到手都好，米高隻手唔算不自然咁打開，我覺得球證至少要走埋去自己睇下咩事，唔好亂咁吹走個入波。
15. 不過講到最後，其實我好滿意港隊今日既表現，響亞洲盃決賽周呢個舞台，同亞洲盃四強常客互有攻守，幾年前點估得到？體能響應付全場既逼搶戰術下，雖然有個別球員抽筋，但其實整體而言係睇唔出有啲咩體能跌Watt既情況。相反，我覺得今場香港比到阿聯酋既壓力絕對唔少，如果唔係兩個都叫做有啲爭議既十二碼，加埋米高既入波被吹走，結果可能會完全唔同。
16. 收筆之前，仲想點名讚一下防中胡晉銘，佢又係自從亞運之後，表現越黎越好，真係完全擔到大旗，防守好硬爭。
17. 下場波星期五踢，繼續支持香港隊！
#香港隊勁揪 #香港隊#亞洲盃 #香港1比3亞聯酋
#陳肇鈞
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
1. 哈囉大家好，我都好耐時間冇響呢度寫專欄，因為實在太忙，不過黎緊生活上都有啲變化，到時可能會多啲時間寫下足球嘢。
2. 好，既然咁忙，點解突然又返出黎寫嘢呢？因為香港隊再次歷史性打入咗亞洲盃決賽周吖嘛，身為香港人，點都一定要睇波支持下既。
3. 不過話晒個專欄名都叫做不專業足球筆記，咪當聽下我吹下水講下波，我冇識波牌架嘛，唔好介意啊吓。
4. 第一場波既對手，係世界排名第64既阿聯酋，而香港只係響亞洲盃決賽周咁多隊波入面世界排名最低既150。有留意港隊既相信都會認同，港隊響安達臣既調教之下，整體感覺係同以前唔同咗，尤其是係主打逼搶戰術，我自己覺得係一種進步黎，不過當然我都有聽過唔同意見，覺得出到去比賽，香港隊通常都係弱旅，逼乜鬼搶吖，防反仲好喇。咁每個人有唔同睇法，我都唔可以話佢錯晒。
5. 呢場波就真係好睇得出香港既戰術唔係單純既逼搶，而係真係有收有放，而我覺得都有成效，中前場間中可以逼到阿聯酋犯錯，再加上所以球員五五波甚至四六波都去盡，完全唔驚你啲西亞佬，踢得算好硬淨，呢點真係好難得。
6. 因為傷兵問題，一對中堅臨危受命，意外地踢得非常之好，李毅凱自從亞運返黎之後，表現就越黎越好，今場一樣殺唔少波。至於周緣德，個人覺得雖然冇阿凱咁出，但一樣係踢得非常好，只係有啲不必要咁犯下咗一個手球，呢球下面會再講詳細啲。
7. 香港其實響失波之前有唔少機會，尤其是潘沛軒有球禁區入面接應橫傳如果可以即時一腳射埋去，我覺得中龍就入，但佢選擇控一腳先想再射，響呢啲級數既比賽入面，一下多餘既動作，就足以比對手足夠時間去解圍。但整體黎講，香港比到阿聯酋既壓力係唔細既，至少個鏡頭成日影到阿聯酋既教練好肉緊又愁眉不展咁，我諗佢都未必估到香港隊可以同自己隊踼到五五波唔輸蝕。
8. 不過好可惜，呢個時候香港輸咗球十二碼。今場波有幾個VAR既爭議，第一個就係周緣德既手球，呢個其實我自己反而覺得雖然不幸，但係都係一個正確既判決黎，因為佢隻手其實真係好冇必要咁遞出黎，而響近幾年球例改變之下，判十二碼其實一啲都唔出奇。
9. 半場落後一球返更衣室，以今場波香港隊既表現黎講，係好可惜既。
10. 不過下半場一返出黎，就見到香港隊果種決心想去追和，結果就憑住艾華頓右面傳中，陳肇鈞近門入攝射入。不得不說，呢球少爺仔既走位同入攝真係好靚，對手後衛完全唔為意佢可以攝到入黎，而少爺仔不嬲都真係有呢啲後上入攝既波，真係香港隊既殺著。
11. 可惜之後一次遠射，雖然葉鴻輝連番撲救，但最後都救唔到最後既門前執雞。呢球有小小嘢可以彈，第一下阿輝如果係將球波撲出底線既話，就唔會有之後既連環施射，但當然咁樣對連番撲救既阿輝係有啲harsh，事實上佢救到連環施射已經好唔錯。另外就係最尾個波彈返出黎既時候，陳晉一既反應係遲咗小小，先比人執雞成功。當然，呢個又係好harsh既評語，始終呢個係電光火石之間發生。
12. 落後之後既港隊好快變陣，換入米高、史堤芬彭利拿，同埋之後既黃威，但唔知係因為陣式變咗既關係定體力下降既問題，呢段時間港隊既攻勢反而冇咁銳利，仲爭啲失多球十二碼。
13. 補時階段失第三球又係有啲可惜，冇記錯好似係黃威傳個波比幾個包圍緊既余在言比人逼甩，再逼一仔犯規。啱啱咪講過有幾個爭議VAR既，第二個係一仔既犯規，我睇VAR慢鏡反而覺得佢踢埋去個勢雖然凶，但實際上碰撞得唔大，我仲以為唔會吹。只能夠講話輸經驗，就好似旁述和仔所講，呢球既解圍其實唔駛拉晒弓咁去晒，當踢中人既時候就個勢就會變得好肉酸。
14. 雖然輸到三比一，但港隊冇放棄，仲好快由米高追返一球，點知入完波之後VAR又吹返轉頭，應該係話米高手球，呢個係第三球爭議VAR。但呢下我覺得個畫面既角度根本就唔清楚，而同周緣德唔同，就當真係有彈到手都好，米高隻手唔算不自然咁打開，我覺得球證至少要走埋去自己睇下咩事，唔好亂咁吹走個入波。
15. 不過講到最後，其實我好滿意港隊今日既表現，響亞洲盃決賽周呢個舞台，同亞洲盃四強常客互有攻守，幾年前點估得到？體能響應付全場既逼搶戰術下，雖然有個別球員抽筋，但其實整體而言係睇唔出有啲咩體能跌Watt既情況。相反，我覺得今場香港比到阿聯酋既壓力絕對唔少，如果唔係兩個都叫做有啲爭議既十二碼，加埋米高既入波被吹走，結果可能會完全唔同。
16. 收筆之前，仲想點名讚一下防中胡晉銘，佢又係自從亞運之後，表現越黎越好，真係完全擔到大旗，防守好硬爭。
17. 下場波星期五踢，繼續支持香港隊！
#香港隊勁揪 #香港隊#亞洲盃 #香港1比3亞聯酋
#陳肇鈞
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
請按此登錄後留言。未成為會員? 立即註冊