紅魔日報 Laurie Whitwell文章分析福仔前景 爆出福仔多次蒲吧及其他巨嬰表現 4-1-2025
1. 其實尋日先寫完華舒福，本來今日諗住寫下其他嘢，點知福仔又有新聞爆出黎，咁又同大家傾下喇。
2. The Athletic嘅知名記者Laurie Whitwell（可信的）就寫咗一篇專欄文章，去講下究竟福仔嘅未來係點，不過我睇完之後，只係覺得曼聯好似又出咗一位黑人巨嬰。
3. 節錄咗一啲內容比大家睇︰
4. 12月1日星期日，曼聯以4-0擊敗愛華頓，福仔仲攻入咗兩球。睇黎一切都向好，但點知阿莫林唔知點解收到風，喺呢場比賽不足48個鐘之前既11月29日星期五，福仔喺Manchester市內蒲吧，阿莫林絕對唔想自己既球員咁唔敬業，佢就問起福仔呢件事，福仔梗係唔認，信誓旦旦咁話呢啲消息係錯誤既。
5. 而喺12月15號作客曼城嘅打吡戰前夕，幾個消息來源都話福仔最後一課嘅訓練表現差、睇起黎非常冇精神。今次甚至有消息話福仔前一晚離開咗Manchester夜蒲添，但當然福仔又唔認架喇。
6. 於是就住福仔場上既表現（喺對阿仙奴、諾定咸森林同歐霸Viktoria Plzen福仔都有上陣，但踢到pat屎咁，好記得對阿仙奴輸第二球就係因佢而起），阿莫林就決定將福仔剔除出打吡大戰既名單之外，採取強硬措施，希望福仔可以用行動黎回應。
7. 但係福仔唔認為自己嘅行為同其他英超球員有乜嘢唔同，簡單講，佢覺得自己冇錯。
8. 就呢件事既決定，阿莫林同曼聯既高層英力士體育總監Sir Dave Brailsford爵士、CEO Omar Berrada同技術總監Wilcox係一致。
9. 而作為福仔係一個巨嬰既另一個佐證，就係喺一場練習賽入面既反應。
10. 話說時任曼聯助教麥卡倫曾經喺練波時睇曼聯隊內練習賽，當時福仔隊波入咗決賽，麥卡倫就笑住話「我相信福仔果隊會贏啊」，但福仔嘅反應係「點解你要俾壓力我？」（In response, the player questioned why additional pressure was being put on him.）麥卡倫留意到球員嘅反應，有同坦克仲有Sir Dave Brailsford講件事，認為要留意多啲福仔。
11. Sir Dave Brailsford之後向曼聯一隊表示球會上下都要提升標準，點知福仔認為內容係針對佢，之後要求約見Sir Dave，最後兩個人真係傾咗成90分鐘。
12. 尋日先講完話有啲消息話乜嘢福仔訓練表現神勇要取回阿莫林信任，然後阿莫林就響賽前記者會上面踢爆佢已經「病咗」幾日缺操，好大機會唔會進入雙紅會…睇黎福仔今次既PR Team做得唔係幾好…
13. 睇黎曼聯同福仔既緣份都已經去到盡頭，但老實講阿莫林冇講死到啲乜，佢強調既係福仔出唔出得場係靠佢自己。如果福仔真係如佢成日強調所講係咁愛曼聯，唔該真係拎啲行動出黎，唔好得個講字。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 #華舒福 #福仔 #Rashford
#曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 其實尋日先寫完華舒福，本來今日諗住寫下其他嘢，點知福仔又有新聞爆出黎，咁又同大家傾下喇。
2. The Athletic嘅知名記者Laurie Whitwell（可信的）就寫咗一篇專欄文章，去講下究竟福仔嘅未來係點，不過我睇完之後，只係覺得曼聯好似又出咗一位黑人巨嬰。
3. 節錄咗一啲內容比大家睇︰
4. 12月1日星期日，曼聯以4-0擊敗愛華頓，福仔仲攻入咗兩球。睇黎一切都向好，但點知阿莫林唔知點解收到風，喺呢場比賽不足48個鐘之前既11月29日星期五，福仔喺Manchester市內蒲吧，阿莫林絕對唔想自己既球員咁唔敬業，佢就問起福仔呢件事，福仔梗係唔認，信誓旦旦咁話呢啲消息係錯誤既。
5. 而喺12月15號作客曼城嘅打吡戰前夕，幾個消息來源都話福仔最後一課嘅訓練表現差、睇起黎非常冇精神。今次甚至有消息話福仔前一晚離開咗Manchester夜蒲添，但當然福仔又唔認架喇。
6. 於是就住福仔場上既表現（喺對阿仙奴、諾定咸森林同歐霸Viktoria Plzen福仔都有上陣，但踢到pat屎咁，好記得對阿仙奴輸第二球就係因佢而起），阿莫林就決定將福仔剔除出打吡大戰既名單之外，採取強硬措施，希望福仔可以用行動黎回應。
7. 但係福仔唔認為自己嘅行為同其他英超球員有乜嘢唔同，簡單講，佢覺得自己冇錯。
8. 就呢件事既決定，阿莫林同曼聯既高層英力士體育總監Sir Dave Brailsford爵士、CEO Omar Berrada同技術總監Wilcox係一致。
9. 而作為福仔係一個巨嬰既另一個佐證，就係喺一場練習賽入面既反應。
10. 話說時任曼聯助教麥卡倫曾經喺練波時睇曼聯隊內練習賽，當時福仔隊波入咗決賽，麥卡倫就笑住話「我相信福仔果隊會贏啊」，但福仔嘅反應係「點解你要俾壓力我？」（In response, the player questioned why additional pressure was being put on him.）麥卡倫留意到球員嘅反應，有同坦克仲有Sir Dave Brailsford講件事，認為要留意多啲福仔。
11. Sir Dave Brailsford之後向曼聯一隊表示球會上下都要提升標準，點知福仔認為內容係針對佢，之後要求約見Sir Dave，最後兩個人真係傾咗成90分鐘。
12. 尋日先講完話有啲消息話乜嘢福仔訓練表現神勇要取回阿莫林信任，然後阿莫林就響賽前記者會上面踢爆佢已經「病咗」幾日缺操，好大機會唔會進入雙紅會…睇黎福仔今次既PR Team做得唔係幾好…
13. 睇黎曼聯同福仔既緣份都已經去到盡頭，但老實講阿莫林冇講死到啲乜，佢強調既係福仔出唔出得場係靠佢自己。如果福仔真係如佢成日強調所講係咁愛曼聯，唔該真係拎啲行動出黎，唔好得個講字。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 #華舒福 #福仔 #Rashford
#曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊