David Ornstein︰曼聯想盡早打包古拿同戴立 但從來冇對奧斯美恩感興趣；華舒福尚未決定來季動向 但有英國維拉球迷反對其加盟 (紅魔日報 23-4-2025)
1. 黎到今日，唔止Fabrizio Romano，就連另一位殿堂級既轉會專家David Ornstein都開聲確認古拿可能轉會去曼聯既消息，而且佢更加講明話唔止古拿，連葉士域治既戴立都係曼聯既主要目標。
2. 有趣既係，根據David Ornstein既講法，曼聯喺轉會窗之前，係唔需要賣人已經夠晒資金去買呢兩位球員(even before any sales have been made)。
3. 但係古拿同戴立既情況唔同，縱合暫時可信既消息，古拿應該係本身就非常想加盟曼聯，無論曼聯下季踢唔踢到歐聯都好，都唔會影響佢加盟曼聯既意願；戴立既情況就唔同，雖然佢本身有條release clause，葉士域治一降班就可以用3000萬鎊買咗佢，但係佢並唔係一定要揀曼聯，倒不如話，同古拿相比，佢完全冇表過態想去邊間球會，淨係話希望可以加盟有歐聯踢既球會。
4. 古拿如無意外就可以一筆過比6250萬鎊既買斷費用，又或者比貴少少分期付款。但係戴立真唔知點，因為佢又好多其他球會都想要佢，好似車路士咁，如果大家都係trigger果條release clause，有機會要比額外既錢，例如簽字費咁先可以吸引到佢加盟。當然，歐聯都係好重要喇。
5. 不過講起戴立，喺我個曼聯page講起呢個話題，引黎唔少討論，假設最後真係想買佢，而佢又肯黎，係咪應該真係揀佢？
6. 結果算唔算意外呢？反對既人竟然係接近一面倒，有過賀龍前車之鑑，係咪應該再將個希望放落一個後生仔度呢？畢竟留言一致認為，曼聯前線當務之急，係買一個可以即食同證明咗自己既球員 而唔係再買一個後生仔豪賭。
7. 一個好明確既人選就係奧斯美恩，呢位由拿玻里外借緊去加拉塔沙雷既前鋒殺手。而Fabrizio Romano尋日提過，曼聯係對佢好有興趣，但要視乎有冇歐聯踢先決定會唔會接觸佢。
8. 不過今日David Ornstein就講出另一個消息，以佢既消息來源，話曼聯從來都冇將奧斯美恩放落Agenda度，意味住曼聯喺任何情況都好，都唔會出手買奧斯美恩。今次兩個轉會大神講既消息有出入，個人黎講偏向相信David Ornstein，不過最後係乜嘢情況，就要放長雙眼睇，又或者都唔駛睇，萬一曼聯喺歐霸出咗局既，咁兩個大神講既嘢都係會導致返同一個結局︰唔買。
9. 呢兩個球員之外，如果再要買其他人，就要賣人籌旗，而呢一刻有價有市又肯定會賣既，相信得安東尼同埋華舒福，至於自由戰士辛祖，好可惜我覺得佢會比車路士彈鐘。
10. 福仔尋日對曼城時射入咗球十二碼，已經累計幫維拉喺所有比賽入咗4球6助攻，不過究竟維拉會唔會買佢，佢自己又想唔想留，都有好多唔同講法。縱合消息，下季有冇得踢歐聯，係維拉會唔會keep福仔既一個好大影響因素，而福仔就對所以既option包括回歸曼聯持開放態度，不過就偏向加盟有歐聯踢既球隊。
11. 有趣既係X上面有唔少維拉球迷留言， 係反對球隊買福仔，佢哋覺得與其買福仔，不如比返多啲機會屈堅斯，畢竟後者呢幾季冇功都有勞，而且佢哋覺得福仔如果真係加盟既話會有一啲對球隊負面既影響。
12. 嗱，我唔係維拉球迷，真係唔知，但如果有維拉球迷係同樣諗法既話，都不妨話聲比我知，我都想聽下你哋既諗法。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 黎到今日，唔止Fabrizio Romano，就連另一位殿堂級既轉會專家David Ornstein都開聲確認古拿可能轉會去曼聯既消息，而且佢更加講明話唔止古拿，連葉士域治既戴立都係曼聯既主要目標。
2. 有趣既係，根據David Ornstein既講法，曼聯喺轉會窗之前，係唔需要賣人已經夠晒資金去買呢兩位球員(even before any sales have been made)。
3. 但係古拿同戴立既情況唔同，縱合暫時可信既消息，古拿應該係本身就非常想加盟曼聯，無論曼聯下季踢唔踢到歐聯都好，都唔會影響佢加盟曼聯既意願；戴立既情況就唔同，雖然佢本身有條release clause，葉士域治一降班就可以用3000萬鎊買咗佢，但係佢並唔係一定要揀曼聯，倒不如話，同古拿相比，佢完全冇表過態想去邊間球會，淨係話希望可以加盟有歐聯踢既球會。
4. 古拿如無意外就可以一筆過比6250萬鎊既買斷費用，又或者比貴少少分期付款。但係戴立真唔知點，因為佢又好多其他球會都想要佢，好似車路士咁，如果大家都係trigger果條release clause，有機會要比額外既錢，例如簽字費咁先可以吸引到佢加盟。當然，歐聯都係好重要喇。
5. 不過講起戴立，喺我個曼聯page講起呢個話題，引黎唔少討論，假設最後真係想買佢，而佢又肯黎，係咪應該真係揀佢？
6. 結果算唔算意外呢？反對既人竟然係接近一面倒，有過賀龍前車之鑑，係咪應該再將個希望放落一個後生仔度呢？畢竟留言一致認為，曼聯前線當務之急，係買一個可以即食同證明咗自己既球員 而唔係再買一個後生仔豪賭。
7. 一個好明確既人選就係奧斯美恩，呢位由拿玻里外借緊去加拉塔沙雷既前鋒殺手。而Fabrizio Romano尋日提過，曼聯係對佢好有興趣，但要視乎有冇歐聯踢先決定會唔會接觸佢。
8. 不過今日David Ornstein就講出另一個消息，以佢既消息來源，話曼聯從來都冇將奧斯美恩放落Agenda度，意味住曼聯喺任何情況都好，都唔會出手買奧斯美恩。今次兩個轉會大神講既消息有出入，個人黎講偏向相信David Ornstein，不過最後係乜嘢情況，就要放長雙眼睇，又或者都唔駛睇，萬一曼聯喺歐霸出咗局既，咁兩個大神講既嘢都係會導致返同一個結局︰唔買。
9. 呢兩個球員之外，如果再要買其他人，就要賣人籌旗，而呢一刻有價有市又肯定會賣既，相信得安東尼同埋華舒福，至於自由戰士辛祖，好可惜我覺得佢會比車路士彈鐘。
10. 福仔尋日對曼城時射入咗球十二碼，已經累計幫維拉喺所有比賽入咗4球6助攻，不過究竟維拉會唔會買佢，佢自己又想唔想留，都有好多唔同講法。縱合消息，下季有冇得踢歐聯，係維拉會唔會keep福仔既一個好大影響因素，而福仔就對所以既option包括回歸曼聯持開放態度，不過就偏向加盟有歐聯踢既球隊。
11. 有趣既係X上面有唔少維拉球迷留言， 係反對球隊買福仔，佢哋覺得與其買福仔，不如比返多啲機會屈堅斯，畢竟後者呢幾季冇功都有勞，而且佢哋覺得福仔如果真係加盟既話會有一啲對球隊負面既影響。
12. 嗱，我唔係維拉球迷，真係唔知，但如果有維拉球迷係同樣諗法既話，都不妨話聲比我知，我都想聽下你哋既諗法。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊