24-25 曼聯球員評分 (一)
其實呢個系列喺我既曼聯page已經開始咗一段時間，不過都係未寫晒，開季前寫得幾多得幾多喇，唔知寫唔寫得晒，盡量喇。每個球員表現好唔好除咗場上既表現之外，仲會考慮埋佢哋本身喺球會既定位，即係青年軍既Amass如果用佢青年軍身份去睇，咁上季就梗係合格，但如果用Shaw既水準去睇，咁就唔夠好喇，最後頭盔︰篇文當然只係我個人睇法，歡迎大家分享自己意見，如果我同你既意見有唔同，以閣下自己既意見為準。仲有，就係評分次序我係跟號碼去排既。
1. 巴恩迪亞 5/10
我猶豫咗一陣應該比4定比5佢，最後考慮到佢既定位實力再黎評價佢表現，我諗我會比個5分佢。
Onana表現不穩，季中一度有呼聲希望比個機會巴恩，不過相信而家大家都會知道點解無論坦克定阿摩連都比較少出佢喇。上季出場機會太少，今季多咗好多，不過除咗足總盃對阿仙奴踢出代表作之外，其餘時間出親場都係表現平平，腳下功夫頗差好似踢炸彈咁，係間中會有精彩撲救，但蝦碌情況都唔少，尋日都差啲出事。我記得對紐卡素比佢試之前講過，其實佢喺土耳其同埋對熱刺既時候都出現唔少失誤，所以希望大家做好期望管理，到最後不幸言中。
對完阿仙奴明明係top fit，提升咗好多自信心，但係又唔好彩傷咗，如果唔係佢喺果輪代替Onana上陣，有機會可能真係會打起咗，所以都算有啲唔好彩。
不過都係果句，以後備門將黎講，我覺得佢既表現算係咁，所以5/10，啱啱合格喇。
2. 連迪路夫 5/10
全季養傷既時間都幾多，而講表現，都唔算得特別好，尤其是作客紐卡素既災難級演出，真係幾恐怖。既然上陣唔多，間中出場表現又唔見得好，但係點解我仲會比個5分啱啱合格既分數佢？咁係因為佢喺季尾啲中堅、閘位傷晒既時候，臨危受命踢得好好，尤其是作客畢爾包果場，係佢今季既代表作，甚至乎如果淨係計踢中堅呢個位置黎講，佢比人既感覺仲穩陣過Shaw。我有時喺度諗，如果歐霸係佢踢中堅，Shaw踢LWB，結果最後會唔會有唔同呢？
同巴恩一樣，5分呢個評分，係睇埋佢喺球隊既定位去作出既，要佢長期正選，佢可能靠唔住，但如果講臨危受命出場既時候，佢既表現都唔失禮。
最後加多一句，多謝你既付出，wish you all the best(除咗對返曼聯既時候)🤣
3. 馬沙拉維 7/10
其實我有少少猶豫比6定7佢，因為佢季尾真係回落咗唔少，不過考慮到佢接近全勤，而且身價只係15M歐元左右+add on，我依然係會比7佢。
季初喺坦克手下踢右閘發揮可謂超級神勇，助攻助守全部都係冇得彈，加上當時球隊都仲排緊前7，如果呢個時候完結既話我會比8/10佢添。不過可惜既係自從阿摩連上任之後，佢既表現就稍為倒退咗少少，咁當然絕對唔係差，佢依然係陣中表現穩定唔錯既球員之一，按佢踢右中堅時既表現，只係7分同8分既分別。但係馬沙拉維踢右翼衛既時候明顯係冇達洛治咁好，有時會出現進退失據既情況，而歐霸輸果球，其實佢有啲責任，人哋喺右路傳中既時候，佢完全冇比壓力人，得個望字，再加上季尾幾場好多時啲波吊入禁區曼聯防守位置較右既位佢都係失咗位包唔切入去，我就覺得呢方面要扣返少少分。講係咁講，佢依然係我心目中今季曼聯表現最好既球員之一。
講住三個咁多先，我哋下期繼續。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
其實呢個系列喺我既曼聯page已經開始咗一段時間，不過都係未寫晒，開季前寫得幾多得幾多喇，唔知寫唔寫得晒，盡量喇。每個球員表現好唔好除咗場上既表現之外，仲會考慮埋佢哋本身喺球會既定位，即係青年軍既Amass如果用佢青年軍身份去睇，咁上季就梗係合格，但如果用Shaw既水準去睇，咁就唔夠好喇，最後頭盔︰篇文當然只係我個人睇法，歡迎大家分享自己意見，如果我同你既意見有唔同，以閣下自己既意見為準。仲有，就係評分次序我係跟號碼去排既。
1. 巴恩迪亞 5/10
我猶豫咗一陣應該比4定比5佢，最後考慮到佢既定位實力再黎評價佢表現，我諗我會比個5分佢。
Onana表現不穩，季中一度有呼聲希望比個機會巴恩，不過相信而家大家都會知道點解無論坦克定阿摩連都比較少出佢喇。上季出場機會太少，今季多咗好多，不過除咗足總盃對阿仙奴踢出代表作之外，其餘時間出親場都係表現平平，腳下功夫頗差好似踢炸彈咁，係間中會有精彩撲救，但蝦碌情況都唔少，尋日都差啲出事。我記得對紐卡素比佢試之前講過，其實佢喺土耳其同埋對熱刺既時候都出現唔少失誤，所以希望大家做好期望管理，到最後不幸言中。
對完阿仙奴明明係top fit，提升咗好多自信心，但係又唔好彩傷咗，如果唔係佢喺果輪代替Onana上陣，有機會可能真係會打起咗，所以都算有啲唔好彩。
不過都係果句，以後備門將黎講，我覺得佢既表現算係咁，所以5/10，啱啱合格喇。
2. 連迪路夫 5/10
全季養傷既時間都幾多，而講表現，都唔算得特別好，尤其是作客紐卡素既災難級演出，真係幾恐怖。既然上陣唔多，間中出場表現又唔見得好，但係點解我仲會比個5分啱啱合格既分數佢？咁係因為佢喺季尾啲中堅、閘位傷晒既時候，臨危受命踢得好好，尤其是作客畢爾包果場，係佢今季既代表作，甚至乎如果淨係計踢中堅呢個位置黎講，佢比人既感覺仲穩陣過Shaw。我有時喺度諗，如果歐霸係佢踢中堅，Shaw踢LWB，結果最後會唔會有唔同呢？
同巴恩一樣，5分呢個評分，係睇埋佢喺球隊既定位去作出既，要佢長期正選，佢可能靠唔住，但如果講臨危受命出場既時候，佢既表現都唔失禮。
最後加多一句，多謝你既付出，wish you all the best(除咗對返曼聯既時候)🤣
3. 馬沙拉維 7/10
其實我有少少猶豫比6定7佢，因為佢季尾真係回落咗唔少，不過考慮到佢接近全勤，而且身價只係15M歐元左右+add on，我依然係會比7佢。
季初喺坦克手下踢右閘發揮可謂超級神勇，助攻助守全部都係冇得彈，加上當時球隊都仲排緊前7，如果呢個時候完結既話我會比8/10佢添。不過可惜既係自從阿摩連上任之後，佢既表現就稍為倒退咗少少，咁當然絕對唔係差，佢依然係陣中表現穩定唔錯既球員之一，按佢踢右中堅時既表現，只係7分同8分既分別。但係馬沙拉維踢右翼衛既時候明顯係冇達洛治咁好，有時會出現進退失據既情況，而歐霸輸果球，其實佢有啲責任，人哋喺右路傳中既時候，佢完全冇比壓力人，得個望字，再加上季尾幾場好多時啲波吊入禁區曼聯防守位置較右既位佢都係失咗位包唔切入去，我就覺得呢方面要扣返少少分。講係咁講，佢依然係我心目中今季曼聯表現最好既球員之一。
講住三個咁多先，我哋下期繼續。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊