韋斯咸新帥紐奴：首要任務係重新贏得球迷支持
韋斯咸新任領隊紐奴（Nuno Espirito Santo）表示，球會「最主要嘅任務」係拉近球迷同球員之間嘅距離，但佢亦承認「仲有好多工作要做」。
早前，球迷喺比賽中爆發抗議聲浪，並高呼「炒董事會」口號。呢場比賽係紐奴上任後第一場帶隊比賽，最終以1比1逼和愛華頓。喺查洛·保雲（Jarrod Bowen）下半場入波追平之後，紐奴帶領球員一齊走到遠征球迷面前，以示團結同支持。
紐奴話：「我認為重要嘅係，去欣賞我哋嘅球迷，佢哋喺星期一晚長途跋涉去到利物浦，仲比咗咁大支持。我哋最主要嘅優先目標係同球迷走得更近。球隊要有表現，等佢哋欣賞球員嘅努力。未來呢點好關鍵。」
呢位葡萄牙籍主帥表示，佢嘅球員會「迎接挑戰」：「我覺得球隊競爭得唔錯，對手好強，呢度係一個非常難踢嘅地方。整體嚟講，呢場比賽好激烈，雙方都有機會。對我哋嚟講訊息好清楚，就係要點樣保持競爭力。」
紐奴又強調，暫時唔會對韋斯咸戰術作出大改動，只會逐步改善：「簡單啲講，就係唔好改太多嘢。當你嚟到一間新球會，要慢慢進步，搵到合適嘅方案。依家就係要諗點樣提升。」
數據上，韋斯咸喺今場同愛華頓嘅比賽同今季其他場次差異唔算大。不過，佢哋合共有14次射門，高於過去五場英超比賽平均嘅10.2次，雖然射正次數較少，但喺對方禁區內嘅觸球次數就達到29次，比之前平均嘅19次有明顯提升。
雖然球隊今場踢法稍為直接，長傳比例由過往嘅11.6%提升至13.8%，但最具威脅嘅反而係轉守為攻嘅表現，當中森馬維利（Crysencio Summerville）多次參與進攻組織。
入球功臣保雲（Jarrod Bowen）接受BBC Radio 5 Live訪問時補充，努奴嘅部署「簡單直接」：「佢冇改好多，因為明白只有兩日時間去準備，球員已經承受咗唔少壓力。佢保持簡單同基本原則。我哋有個非常好嘅團隊，大家都想踢好，想幫球會走出目前嘅困境。無論換邊個領隊，我哋球員都要自我檢討，因為每個星期上場比賽嘅係我哋自己。我哋必須齊心協力，喺英超每一週都要戰鬥。」
新聞來源︰BBC Sport
韋斯咸新任領隊紐奴（Nuno Espirito Santo）表示，球會「最主要嘅任務」係拉近球迷同球員之間嘅距離，但佢亦承認「仲有好多工作要做」。
早前，球迷喺比賽中爆發抗議聲浪，並高呼「炒董事會」口號。呢場比賽係紐奴上任後第一場帶隊比賽，最終以1比1逼和愛華頓。喺查洛·保雲（Jarrod Bowen）下半場入波追平之後，紐奴帶領球員一齊走到遠征球迷面前，以示團結同支持。
紐奴話：「我認為重要嘅係，去欣賞我哋嘅球迷，佢哋喺星期一晚長途跋涉去到利物浦，仲比咗咁大支持。我哋最主要嘅優先目標係同球迷走得更近。球隊要有表現，等佢哋欣賞球員嘅努力。未來呢點好關鍵。」
呢位葡萄牙籍主帥表示，佢嘅球員會「迎接挑戰」：「我覺得球隊競爭得唔錯，對手好強，呢度係一個非常難踢嘅地方。整體嚟講，呢場比賽好激烈，雙方都有機會。對我哋嚟講訊息好清楚，就係要點樣保持競爭力。」
紐奴又強調，暫時唔會對韋斯咸戰術作出大改動，只會逐步改善：「簡單啲講，就係唔好改太多嘢。當你嚟到一間新球會，要慢慢進步，搵到合適嘅方案。依家就係要諗點樣提升。」
數據上，韋斯咸喺今場同愛華頓嘅比賽同今季其他場次差異唔算大。不過，佢哋合共有14次射門，高於過去五場英超比賽平均嘅10.2次，雖然射正次數較少，但喺對方禁區內嘅觸球次數就達到29次，比之前平均嘅19次有明顯提升。
雖然球隊今場踢法稍為直接，長傳比例由過往嘅11.6%提升至13.8%，但最具威脅嘅反而係轉守為攻嘅表現，當中森馬維利（Crysencio Summerville）多次參與進攻組織。
入球功臣保雲（Jarrod Bowen）接受BBC Radio 5 Live訪問時補充，努奴嘅部署「簡單直接」：「佢冇改好多，因為明白只有兩日時間去準備，球員已經承受咗唔少壓力。佢保持簡單同基本原則。我哋有個非常好嘅團隊，大家都想踢好，想幫球會走出目前嘅困境。無論換邊個領隊，我哋球員都要自我檢討，因為每個星期上場比賽嘅係我哋自己。我哋必須齊心協力，喺英超每一週都要戰鬥。」
新聞來源︰BBC Sport
請按此登錄後留言。未成為會員? 立即註冊