趁國際賽期閒談 坦克時代收購球員好與壞 (二) (紅魔日報 20-3-2025)
1. 好，我哋繼續講埋坦克時代第二季既收購。
2. 上集講過我做呢個專題既背景，總之唔係想屌坦克（原因上集都有講，唔詳談），純粹係想驗證某位網友既言論，都係果句，以下呢啲係我既睇法，如果同你既睇法有唔同，以你既睇法為準。
3. 挾住上季英超排名第三既威勢，好多曼迷都諗住坦克已經將曼聯帶返上正軌，加埋第二季應該可以買到啲佢啱用既球員，好多人都會諗曼聯喺2023至2024球季可以更上一層樓，可惜事與願違，呢季既收購唔太對辦之餘，球隊都受到傷兵困擾，咁既情況之下仲拎到足總盃冠軍，已經係難能可貴。
4. 即刻睇睇我對2023至24坦克第二季既收購有乜嘢評語︰
4.1 曼治
睇到曼治喺場上面展現出嚟嘅態度同埋鬥心，我其實唔係好想將呢單轉會標誌為失敗，但係無可奈何地，我而家唔係評你喺球場上面既表現，而係呢單轉會成效如何，咁至少去到而家呢一個point，曼治既轉會毫無疑問係失敗既。你兩季加埋因傷缺席咗起碼70%既比賽，就算你出場踢到成個全盛時期嘅美斯、C朗咁，你連場都出唔到，我好難話呢宗轉會係合格，更何況你仲孭住接近6000萬鎊（連埋浮動）嘅轉會費。不過，我呢個評分都係暫時性架啫，如果真係耶穌顯靈，你喺曼聯之後既職業生涯完全唔再受傷，所有比賽都可以出到場既，咁到時再黎評多次呢單轉會喇。我明呢個係痴人說夢，但我好希望會發生。
4.2 奧拿拿
其實好多人喺評Onana既表現時，一定會帶埋有色眼鏡去睇，話佢逼走咗迪基亞，所以好想睇佢死。大家唔好搞錯，你可以屌曼聯、甚至屌坦克，但Onana係無辜既。迪基亞毫無疑問係曼聯既傳奇球員，但佢最後兩季其實跌咗唔少watt，尤其係最後果半季，爭歐聯直路既時候佢係犯咗唔少錯，我住喺Manchester，返工既時候遇到好多local曼迷，當時大約有75%我真係認識既同事/客人/送貨司機，佢哋係覺得迪基亞係時候退落黎，只係最尾成件事搞得好肉酸咁解啫。咁既然要搵個接班人，Onana呢單轉會又應該點評呢？真係抱歉，佢真係唔多掂。雖然Onana人工只係迪基亞1/3，但係冇人叫你真係交返迪基亞既1/3貨出黎。誠然，呢兩季，佢真係有一輪上晒身痴咗線（由上季既中段開始至坦克落鑊之前），但係佢蝦碌既場面同樣多不勝數。點解Onana會喺曼迷之間有咁大爭議，就係因為佢唔止淨係蝦碌，佢的確係有出色表現救全家既時候，尤其是由上季季中開始成日都上身，令我一度以為古有聖基亞，今日有聖安娜，只可惜走咗個龍門教練佢又黎料，佢嚟咗都差唔多兩季，佢都仲係適應唔到，咁唔穩定，點樣做曼聯既龍門？所以，如果截止到呢一刻黎講，我會將呢單轉會評為失敗既。
4.3 賀隆
由阿特蘭大加盟既年青前鋒，上季冇咁多爭議，因為雖然比較貴，加埋浮動要成7000幾萬鎊，但佢上季依然係曼聯所有比賽之中既首席射手，各項比賽加埋入咗16球(10球係聯賽)，而且上季季中之後越踢越入局，尤其是接應傳中時既攝位真冇得頂，令人期待佢喺2024-25年會唔會有更加勁既突破。可惜，季前熱身賽對阿仙奴攻入完一球之後就受傷，一直到差唔多10月先復出，而復出之後表現都好反覆，直至而家為止，所以比賽加埋只係入得8球，英超更加只係得3球進帳，更加一度錄得21場入球荒，而喺球場上表現亦迷失，成日掛住同英超對手玩泥漿摔角，佢唔夠供應係事實，但佢啲走位唔夠好都係事實，唯一可以讚得落口既，可能只係得佢把握力勉勉強強叫做過得去(尤其今季黎講都好勉強)。不過，即使我好似批評到佢今季體無完膚，但我仍然會比呢單deal合格。點解？其實麥卡菲之前既訪問已經係好大暗示，再加埋華拉尼後面訪問時講既嘢，就係我比賀隆呢單轉會合格既原因。
首先唔好唔記得賀隆其實啱啱先過咗22歲生日，佢仲好年輕，球會買既係佢既未來，唔係現在(如麥卡菲暗示)；華拉尼訪問帶出黎既嘢，同樣差唔多，係話曼聯手頭上係有好多好好既、有潛質既年青球員，但唔好expect佢哋咁後生就可以擔大旗，佢哋咁後生係應該有人帶住佢哋學嘢。
賀隆場上表現係好搏命，態度方面不成疑問，未來究竟呢單轉會會走向成功定失敗，就好取決於究竟呢個夏天，曼聯搵唔搵到一個有經驗既射手，去帶住呢個後生仔成長。
4.4 巴恩迪阿
好可惜既轉會。因為喺Onana失準佢可以上位時佢又傷咗超過一個月都未出得返，本來有機會上位，但呢排Onana又穩陣返少少，唔知傷完之後係咪仲要繼續坐。呢單轉會，作為一個後備門將既轉位黎講，430萬鎊既轉會費，都叫做對得起個身價，合格有突。係，對熱刺果場佢係差啲，但自從果場之後，佢越踢越好，尤其是對阿仙奴果場足總盃，直頭係代表作，對於定位係後備門將既呢單轉會黎講，叫做合格了。
5. 跟住簡評下當季外借既球員喇，因為唔影響球會長遠發展，所以都係簡單講下算︰
5.1. 列古朗
因為傷晒左閘而借用既轉會。攻強於守，有得出場既時候攻就做得足，但守就麻麻，唔少甩漏，最後因為坦克信錯獸醫而半季就放咗佢走。
5.2 岩拉拔
佢冇得留低有啲可惜。低開高走，由於左閘傷晒，試過被逼客串左閘，踢到pat屎咁，然後大大小小傷患令到上陣機會唔多，到真係有機會上位，已經係季尾，雖然球季最後階段有唔錯表現，但都說服唔到高層要買斷佢。
6. 第二季既轉會review完，overall黎講仲差過坦克第一季既轉會，甚至乎整體既實力唔止冇乜提升，仲真係有少少下降。下集講埋最坦克後一季轉會。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 好，我哋繼續講埋坦克時代第二季既收購。
2. 上集講過我做呢個專題既背景，總之唔係想屌坦克（原因上集都有講，唔詳談），純粹係想驗證某位網友既言論，都係果句，以下呢啲係我既睇法，如果同你既睇法有唔同，以你既睇法為準。
3. 挾住上季英超排名第三既威勢，好多曼迷都諗住坦克已經將曼聯帶返上正軌，加埋第二季應該可以買到啲佢啱用既球員，好多人都會諗曼聯喺2023至2024球季可以更上一層樓，可惜事與願違，呢季既收購唔太對辦之餘，球隊都受到傷兵困擾，咁既情況之下仲拎到足總盃冠軍，已經係難能可貴。
4. 即刻睇睇我對2023至24坦克第二季既收購有乜嘢評語︰
4.1 曼治
睇到曼治喺場上面展現出嚟嘅態度同埋鬥心，我其實唔係好想將呢單轉會標誌為失敗，但係無可奈何地，我而家唔係評你喺球場上面既表現，而係呢單轉會成效如何，咁至少去到而家呢一個point，曼治既轉會毫無疑問係失敗既。你兩季加埋因傷缺席咗起碼70%既比賽，就算你出場踢到成個全盛時期嘅美斯、C朗咁，你連場都出唔到，我好難話呢宗轉會係合格，更何況你仲孭住接近6000萬鎊（連埋浮動）嘅轉會費。不過，我呢個評分都係暫時性架啫，如果真係耶穌顯靈，你喺曼聯之後既職業生涯完全唔再受傷，所有比賽都可以出到場既，咁到時再黎評多次呢單轉會喇。我明呢個係痴人說夢，但我好希望會發生。
4.2 奧拿拿
其實好多人喺評Onana既表現時，一定會帶埋有色眼鏡去睇，話佢逼走咗迪基亞，所以好想睇佢死。大家唔好搞錯，你可以屌曼聯、甚至屌坦克，但Onana係無辜既。迪基亞毫無疑問係曼聯既傳奇球員，但佢最後兩季其實跌咗唔少watt，尤其係最後果半季，爭歐聯直路既時候佢係犯咗唔少錯，我住喺Manchester，返工既時候遇到好多local曼迷，當時大約有75%我真係認識既同事/客人/送貨司機，佢哋係覺得迪基亞係時候退落黎，只係最尾成件事搞得好肉酸咁解啫。咁既然要搵個接班人，Onana呢單轉會又應該點評呢？真係抱歉，佢真係唔多掂。雖然Onana人工只係迪基亞1/3，但係冇人叫你真係交返迪基亞既1/3貨出黎。誠然，呢兩季，佢真係有一輪上晒身痴咗線（由上季既中段開始至坦克落鑊之前），但係佢蝦碌既場面同樣多不勝數。點解Onana會喺曼迷之間有咁大爭議，就係因為佢唔止淨係蝦碌，佢的確係有出色表現救全家既時候，尤其是由上季季中開始成日都上身，令我一度以為古有聖基亞，今日有聖安娜，只可惜走咗個龍門教練佢又黎料，佢嚟咗都差唔多兩季，佢都仲係適應唔到，咁唔穩定，點樣做曼聯既龍門？所以，如果截止到呢一刻黎講，我會將呢單轉會評為失敗既。
4.3 賀隆
由阿特蘭大加盟既年青前鋒，上季冇咁多爭議，因為雖然比較貴，加埋浮動要成7000幾萬鎊，但佢上季依然係曼聯所有比賽之中既首席射手，各項比賽加埋入咗16球(10球係聯賽)，而且上季季中之後越踢越入局，尤其是接應傳中時既攝位真冇得頂，令人期待佢喺2024-25年會唔會有更加勁既突破。可惜，季前熱身賽對阿仙奴攻入完一球之後就受傷，一直到差唔多10月先復出，而復出之後表現都好反覆，直至而家為止，所以比賽加埋只係入得8球，英超更加只係得3球進帳，更加一度錄得21場入球荒，而喺球場上表現亦迷失，成日掛住同英超對手玩泥漿摔角，佢唔夠供應係事實，但佢啲走位唔夠好都係事實，唯一可以讚得落口既，可能只係得佢把握力勉勉強強叫做過得去(尤其今季黎講都好勉強)。不過，即使我好似批評到佢今季體無完膚，但我仍然會比呢單deal合格。點解？其實麥卡菲之前既訪問已經係好大暗示，再加埋華拉尼後面訪問時講既嘢，就係我比賀隆呢單轉會合格既原因。
首先唔好唔記得賀隆其實啱啱先過咗22歲生日，佢仲好年輕，球會買既係佢既未來，唔係現在(如麥卡菲暗示)；華拉尼訪問帶出黎既嘢，同樣差唔多，係話曼聯手頭上係有好多好好既、有潛質既年青球員，但唔好expect佢哋咁後生就可以擔大旗，佢哋咁後生係應該有人帶住佢哋學嘢。
賀隆場上表現係好搏命，態度方面不成疑問，未來究竟呢單轉會會走向成功定失敗，就好取決於究竟呢個夏天，曼聯搵唔搵到一個有經驗既射手，去帶住呢個後生仔成長。
4.4 巴恩迪阿
好可惜既轉會。因為喺Onana失準佢可以上位時佢又傷咗超過一個月都未出得返，本來有機會上位，但呢排Onana又穩陣返少少，唔知傷完之後係咪仲要繼續坐。呢單轉會，作為一個後備門將既轉位黎講，430萬鎊既轉會費，都叫做對得起個身價，合格有突。係，對熱刺果場佢係差啲，但自從果場之後，佢越踢越好，尤其是對阿仙奴果場足總盃，直頭係代表作，對於定位係後備門將既呢單轉會黎講，叫做合格了。
5. 跟住簡評下當季外借既球員喇，因為唔影響球會長遠發展，所以都係簡單講下算︰
5.1. 列古朗
因為傷晒左閘而借用既轉會。攻強於守，有得出場既時候攻就做得足，但守就麻麻，唔少甩漏，最後因為坦克信錯獸醫而半季就放咗佢走。
5.2 岩拉拔
佢冇得留低有啲可惜。低開高走，由於左閘傷晒，試過被逼客串左閘，踢到pat屎咁，然後大大小小傷患令到上陣機會唔多，到真係有機會上位，已經係季尾，雖然球季最後階段有唔錯表現，但都說服唔到高層要買斷佢。
6. 第二季既轉會review完，overall黎講仲差過坦克第一季既轉會，甚至乎整體既實力唔止冇乜提升，仲真係有少少下降。下集講埋最坦克後一季轉會。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊