趁國際賽期閒談 坦克時代收購球員好與壞 (三) (紅魔日報 21-3-2025)
1. 一連三集坦克收購好與壞終於黎到尾聲。
2. 做呢個專題既背景睇返第一集喇，我哋即刻單刀直入去講埋坦克最後一季(其實半季都唔夠)既收購又如何。
3. 呢季收購上面黎講，由於高層架構重組，坦克今季既參與應該唔多，甚至有傳媒報導過佢連個轉會否決權都冇埋（好似係MEN講，唔肯定）。
4. 即刻睇睇我對2024至25坦克最後一季既收購有乜嘢評語，不過留意返我係講坦克時期既收購，所以冬窗既多古同天堂仔係唔會喺度出現，而且暫時只係踢咗半季，我只能夠講係直至而家呢一刻所作出既評語︰
4.1. 舒克斯
3650萬鎊既轉會費，開始見到喺INEOS主導之下，曼聯終於變得冇咁水魚。不過評論一單轉會係咪成功，其實齋睇價錢係唔夠，主要係睇球員表現符唔符合佢既身價。舒克斯由博洛尼亞加盟，最初的確經過一輪掙扎，但喺對紐卡素場波半場都未夠就被換走之後，佢就開始慢慢改變。其實喺開季之前，佢已經話自己唔係射手型前鋒，而事實上佢喺球場上面串連既工作反而先係重點，呢樣工作佢真係越做越好。啱啱講話轉捩點係對紐卡素場波，但其實佢都唔係一步即刻登天，而係一路有改善，最近佢唔止有得出場，仲要都幾多喺重要賽事有正選踢。當然一部份係因為傷兵問題，但佢踢得好都係事實。而家要評論呢單轉會其實言之尚早，但至少以目前睇黎，呢單轉會係合格既。
4.2 約羅
有啲難去評論，因為曼聯買約羅係睇中佢既潛力，所以先會比成差唔多5200萬鎊去買佢，如果淨係睇而家佢既表現，只能講係啱啱合格，整體表現唔太差，偶而有啲好靚既攔截、飛剷，但間中都有喺英超比人恰既情況。但睇返佢先得果18歲，已經可以喺英超呢個咁激烈既舞台有咁既表現，又好似就係肯定咗曼聯對佢潛力既肯定。就好似上集提到華拉尼既講法，後生仔唔應該咁快孭重飛，佢應該係要慢慢成長，所以要評呢單轉會，我覺得要睇長遠少少先可以下定論，但目前黎講係啱啱合格既。
4.3 迪列治
真正既重榜中堅收購，加埋add on大約4300萬英鎊左右，暫時黎講係對辦，出勤率高、防守能力強、頭鎚好，而且表現都算唔錯，都好少甩漏，暫時黎講，我會比呢單轉會係成功。但係要留意，都係果句，半季既評語都係好暫時性，如果睇返第一集講，卡斯米路第一季黎到直頭銅牆鐵壁，所以真正既評價，之後再講喇。
4.4 馬莎拉維
1500萬歐元轉會費，我哋直頭好似喺拜仁度打劫咁…出勤率高、勝任多個位置，而家連中堅都踢到、喺曼聯今季發揮嚴重失常既陣中依然係踢得好sharp，識用腦踢，即使阿莫林上任後轉打右翼衛之後失色返少少，但考慮埋人工、轉會費，呢單轉會直頭大成功喇。
4.5 烏加迪都係合格既收購。雖然佢受傷既次數比我預計既要多，但係佢喺防中上面既覆蓋範圍大、鬥心強、攔截力高，為弱勢既曼聯中場注入唔少活力。佢既表現未至於令人有眼前一亮既感覺，但佢呢種類型既防中，本來做既工作就唔顯眼，我覺得佢已經好好咁完成咗佢既工作。暫時我會比呢單轉會合格有突既，但係之後究竟會係點，都要睇曼聯同烏加迪之後既造化。
4.6 奧比馬田
嚴格黎講唔算一隊既轉會，不過呢個咁有潛力既後生仔，去到阿莫林手下終於有唔少出場機會，係有啲緊張，但點走位唔錯，呢個我就唔評論喇，因為嚴格黎講，佢算係青年軍升上黎一隊既球員，不過我真係想提佢一提。
5. 今季既轉會睇落其實係幾對辦，其實睇返曼聯今季成績點解咁差，反而唔係個別球員問題，而係佢哋進攻把握力太差。我唔止一次喺呢度同喺page講過，如果佢哋浪費咗既機會可以把握到一半，咁坦克分分鐘都未落鑊，而阿莫林帶隊既情況下早排成績仲差咗，係因為佢哋要重新適應343，唔關呢班新球員事。
6. 咁當然，而家呢班新球員都係黎咗半季，我諗再過多半季之後，可能我對佢哋既轉會評價又會唔同。不過，都叫做咗三集呢個專題，如果要評價坦克呢三季既轉會窗黎講，真係INEOS新官上任呢季最對辦，所以我既最終評價係︰第三季>第一季>第二季。
7. 最後喇，都係頭盔喇，以上其實都只係我既睇法，如果同你既睇法有唔同，以你既睇法為準。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 一連三集坦克收購好與壞終於黎到尾聲。
2. 做呢個專題既背景睇返第一集喇，我哋即刻單刀直入去講埋坦克最後一季(其實半季都唔夠)既收購又如何。
3. 呢季收購上面黎講，由於高層架構重組，坦克今季既參與應該唔多，甚至有傳媒報導過佢連個轉會否決權都冇埋（好似係MEN講，唔肯定）。
4. 即刻睇睇我對2024至25坦克最後一季既收購有乜嘢評語，不過留意返我係講坦克時期既收購，所以冬窗既多古同天堂仔係唔會喺度出現，而且暫時只係踢咗半季，我只能夠講係直至而家呢一刻所作出既評語︰
4.1. 舒克斯
3650萬鎊既轉會費，開始見到喺INEOS主導之下，曼聯終於變得冇咁水魚。不過評論一單轉會係咪成功，其實齋睇價錢係唔夠，主要係睇球員表現符唔符合佢既身價。舒克斯由博洛尼亞加盟，最初的確經過一輪掙扎，但喺對紐卡素場波半場都未夠就被換走之後，佢就開始慢慢改變。其實喺開季之前，佢已經話自己唔係射手型前鋒，而事實上佢喺球場上面串連既工作反而先係重點，呢樣工作佢真係越做越好。啱啱講話轉捩點係對紐卡素場波，但其實佢都唔係一步即刻登天，而係一路有改善，最近佢唔止有得出場，仲要都幾多喺重要賽事有正選踢。當然一部份係因為傷兵問題，但佢踢得好都係事實。而家要評論呢單轉會其實言之尚早，但至少以目前睇黎，呢單轉會係合格既。
4.2 約羅
有啲難去評論，因為曼聯買約羅係睇中佢既潛力，所以先會比成差唔多5200萬鎊去買佢，如果淨係睇而家佢既表現，只能講係啱啱合格，整體表現唔太差，偶而有啲好靚既攔截、飛剷，但間中都有喺英超比人恰既情況。但睇返佢先得果18歲，已經可以喺英超呢個咁激烈既舞台有咁既表現，又好似就係肯定咗曼聯對佢潛力既肯定。就好似上集提到華拉尼既講法，後生仔唔應該咁快孭重飛，佢應該係要慢慢成長，所以要評呢單轉會，我覺得要睇長遠少少先可以下定論，但目前黎講係啱啱合格既。
4.3 迪列治
真正既重榜中堅收購，加埋add on大約4300萬英鎊左右，暫時黎講係對辦，出勤率高、防守能力強、頭鎚好，而且表現都算唔錯，都好少甩漏，暫時黎講，我會比呢單轉會係成功。但係要留意，都係果句，半季既評語都係好暫時性，如果睇返第一集講，卡斯米路第一季黎到直頭銅牆鐵壁，所以真正既評價，之後再講喇。
4.4 馬莎拉維
1500萬歐元轉會費，我哋直頭好似喺拜仁度打劫咁…出勤率高、勝任多個位置，而家連中堅都踢到、喺曼聯今季發揮嚴重失常既陣中依然係踢得好sharp，識用腦踢，即使阿莫林上任後轉打右翼衛之後失色返少少，但考慮埋人工、轉會費，呢單轉會直頭大成功喇。
4.5 烏加迪都係合格既收購。雖然佢受傷既次數比我預計既要多，但係佢喺防中上面既覆蓋範圍大、鬥心強、攔截力高，為弱勢既曼聯中場注入唔少活力。佢既表現未至於令人有眼前一亮既感覺，但佢呢種類型既防中，本來做既工作就唔顯眼，我覺得佢已經好好咁完成咗佢既工作。暫時我會比呢單轉會合格有突既，但係之後究竟會係點，都要睇曼聯同烏加迪之後既造化。
4.6 奧比馬田
嚴格黎講唔算一隊既轉會，不過呢個咁有潛力既後生仔，去到阿莫林手下終於有唔少出場機會，係有啲緊張，但點走位唔錯，呢個我就唔評論喇，因為嚴格黎講，佢算係青年軍升上黎一隊既球員，不過我真係想提佢一提。
5. 今季既轉會睇落其實係幾對辦，其實睇返曼聯今季成績點解咁差，反而唔係個別球員問題，而係佢哋進攻把握力太差。我唔止一次喺呢度同喺page講過，如果佢哋浪費咗既機會可以把握到一半，咁坦克分分鐘都未落鑊，而阿莫林帶隊既情況下早排成績仲差咗，係因為佢哋要重新適應343，唔關呢班新球員事。
6. 咁當然，而家呢班新球員都係黎咗半季，我諗再過多半季之後，可能我對佢哋既轉會評價又會唔同。不過，都叫做咗三集呢個專題，如果要評價坦克呢三季既轉會窗黎講，真係INEOS新官上任呢季最對辦，所以我既最終評價係︰第三季>第一季>第二季。
7. 最後喇，都係頭盔喇，以上其實都只係我既睇法，如果同你既睇法有唔同，以你既睇法為準。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊