紅魔鬼賽後評 足總盃 阿仙奴 1-1 曼聯 (Pen︰3-5) (12-1-2025)
1. 球證既嘢…好彩贏咗波，唔係又話我哋輸波瀨球證。
2. 我好均真，唔係話Dalot第二張黃牌果球有問題，但唔計果球，球證啲判決都好偏頗下，上半場果下耶穌仔後上雙龍出海推跌禁區頂空晒準備射波既般奴，連般奴對波boot都踢甩埋，球證冇吹不特止，仲因為般奴抗議而比咗張黃牌般奴。更加唔好講麥佳亞果球十二碼，你話佢冇出手又唔係，但基本上極少會吹呢啲波﹐因為你得位既時候有用到手係好正常既事，更加唔好話十二碼，同一個標準既話，點解耶穌仔雙龍出海推跌有good chnace既般奴冇事啊？你用返同一個標準耶穌仔應該紅撚咗喇。
3. 不過今場巴恩迪殊救出個十二碼之後，曼聯真係睇得出成隊波既士氣好似唔同晒咁，唔知係咪因為覺得比球證針對佢哋，佢哋突然有一種呢隊曼聯少見既士氣，有一種眾志成城要守住佢既感覺，最後防守雖然未至滴手不漏，但係防線加埋巴恩出色既表現，最後都撐過埋加時進入互射十二碼階段。
4. 上半場其實場波好悶，但如果以睇波角度黎講，下半場就精彩得多。甚至乎加時上下半場都各有啲精彩既埋門。
5. 不過撇除球證問題唔好講，老老豆豆我覺得阿仙奴其實係應該贏既，佢哋就似今季(尤其是坦克時期)既曼聯咁，創造出無限咁多個機會，然後又揮霍晒呢啲機會。講堅，佢哋今場既黃金機會、白金機會加加埋埋至少五、六個，仲要係未計入波果球。
6. 創造唔到機會，係教練問題；但創造到機會把握唔到，就係球員問題。講堅巴恩有三球神救(包括十二碼)，迪列治清走一球極有威脅既近門傳中，但至少阿仙奴有兩個機會係自己近門炒飛機。
7. 所以…我都老實咁承認，曼聯今日防守係幾好既，但係進攻其實都係得入波果個係最好機會，最後驚險守到十二碼贏，其實真係將士用命、運氣居多。
8. 講下少少個別球員，一場還一場，上場聯賽盃巴恩迪殊對熱刺係可以再做好啲，但今場MVP一定係佢，120分鐘入面3次神救，互射十二碼救出一球，真係要挑剔係佢今日啲長波真係夠晒閪，但無阻佢成為英雄。
9. 至於Dalot…明知自己身有一張黃牌，果下犯規真係非常無謂、魯莽同不智，真係自己申撚請。
10. 般奴同加拿祖入波果球真係配合得好好，但相比起陣地戰，曼聨都係要靠反擊先入到波。而加拿祖真係喜見佢呢下傳波有眼界、有進步，比心機踢好啲波，先係對質疑者最有力既回應嘛。
11. 今日賀隆真係踢得麻麻，雖然話曼聯係冇乜攻勢，但佢今場連支點工作都做得好麻麻，反而舒克斯後備落黎做得唔錯，加時下半場一球禁區邊入少少既射門比Raya救出，爭啲唔駛踢加時。
12. 特別想提一提新仔43號既哥利亞踢得好好！希望你會係下一個企穩陣腳既青訓。
13. 總結︰運氣+防守。343依然有大把進步空間，繼續默默支持。
#不專業足球筆記 #足球專欄 #專欄 #我愛紅魔鬼 #曼聯每日情報站
#足總盃 #紅魔鬼賽後評 #ARSMNU #曼聯 #阿仙奴 #賽後評
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 球證既嘢…好彩贏咗波，唔係又話我哋輸波瀨球證。
2. 我好均真，唔係話Dalot第二張黃牌果球有問題，但唔計果球，球證啲判決都好偏頗下，上半場果下耶穌仔後上雙龍出海推跌禁區頂空晒準備射波既般奴，連般奴對波boot都踢甩埋，球證冇吹不特止，仲因為般奴抗議而比咗張黃牌般奴。更加唔好講麥佳亞果球十二碼，你話佢冇出手又唔係，但基本上極少會吹呢啲波﹐因為你得位既時候有用到手係好正常既事，更加唔好話十二碼，同一個標準既話，點解耶穌仔雙龍出海推跌有good chnace既般奴冇事啊？你用返同一個標準耶穌仔應該紅撚咗喇。
3. 不過今場巴恩迪殊救出個十二碼之後，曼聯真係睇得出成隊波既士氣好似唔同晒咁，唔知係咪因為覺得比球證針對佢哋，佢哋突然有一種呢隊曼聯少見既士氣，有一種眾志成城要守住佢既感覺，最後防守雖然未至滴手不漏，但係防線加埋巴恩出色既表現，最後都撐過埋加時進入互射十二碼階段。
4. 上半場其實場波好悶，但如果以睇波角度黎講，下半場就精彩得多。甚至乎加時上下半場都各有啲精彩既埋門。
5. 不過撇除球證問題唔好講，老老豆豆我覺得阿仙奴其實係應該贏既，佢哋就似今季(尤其是坦克時期)既曼聯咁，創造出無限咁多個機會，然後又揮霍晒呢啲機會。講堅，佢哋今場既黃金機會、白金機會加加埋埋至少五、六個，仲要係未計入波果球。
6. 創造唔到機會，係教練問題；但創造到機會把握唔到，就係球員問題。講堅巴恩有三球神救(包括十二碼)，迪列治清走一球極有威脅既近門傳中，但至少阿仙奴有兩個機會係自己近門炒飛機。
7. 所以…我都老實咁承認，曼聯今日防守係幾好既，但係進攻其實都係得入波果個係最好機會，最後驚險守到十二碼贏，其實真係將士用命、運氣居多。
8. 講下少少個別球員，一場還一場，上場聯賽盃巴恩迪殊對熱刺係可以再做好啲，但今場MVP一定係佢，120分鐘入面3次神救，互射十二碼救出一球，真係要挑剔係佢今日啲長波真係夠晒閪，但無阻佢成為英雄。
9. 至於Dalot…明知自己身有一張黃牌，果下犯規真係非常無謂、魯莽同不智，真係自己申撚請。
10. 般奴同加拿祖入波果球真係配合得好好，但相比起陣地戰，曼聨都係要靠反擊先入到波。而加拿祖真係喜見佢呢下傳波有眼界、有進步，比心機踢好啲波，先係對質疑者最有力既回應嘛。
11. 今日賀隆真係踢得麻麻，雖然話曼聯係冇乜攻勢，但佢今場連支點工作都做得好麻麻，反而舒克斯後備落黎做得唔錯，加時下半場一球禁區邊入少少既射門比Raya救出，爭啲唔駛踢加時。
12. 特別想提一提新仔43號既哥利亞踢得好好！希望你會係下一個企穩陣腳既青訓。
13. 總結︰運氣+防守。343依然有大把進步空間，繼續默默支持。
#不專業足球筆記 #足球專欄 #專欄 #我愛紅魔鬼 #曼聯每日情報站
#足總盃 #紅魔鬼賽後評 #ARSMNU #曼聯 #阿仙奴 #賽後評
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊