紅魔鬼賽後評 英超 韋斯咸 2-1 曼聯 (27-10-2024) 精選

VAR荒謬十二碼助韋斯咸挫曼聯 翌日坦克落鑊雲佬暫代領隊一職
1. 尋日咁樣比奧猁華黑撚咗球十二碼，條氣真係好撚唔順，諗住抖一日先寫賽後感想，點知等咗一日之後坦克都炒埋，咁我索性將兩樣嘢撈埋一齊講。

2. 冰封三尺，非一日之寒，我由輸完比熱刺之後都講緊話，除非可以不斷連勝，否則坦克好可能命不久矣，我唔希望我講中，畢竟作為曼聯fans，無論邊個係領隊都好，我都係想佢哋贏波，不過可惜佢哋做唔到，響好多次大好形勢之下葬送咗場比賽，最後領隊自然係要負上全責。

3. 有人話坦克既曼聯三季以來都冇改善、冇form，我其實又唔係話覺得佢真係冇form，今季幾場強強對碰之中，曼聯就真係睇唔出有form，但其實對其他唔係強隊既球隊時，其實佢哋通常上半場都係水銀瀉地既攻勢，但只係次次都都將啲攻勢浪費晒，最有印象係今季已經有兩球空門唔入，你攻極都攻唔入，下半場就突然成隊走晒樣，跟住後防唔小心自爆咗一下，通常就係咁失分而回。
4. 所以你話冇form，其實又唔係，但係佢半場調整同換人就做唔到預期效果，又係事實。

5. 曼聯今季既成績之所以咁差，同佢哋既把握力絕對有關係，就好似尋日對韋斯咸既比賽咁，淨係上半場起碼四、五個黃金機會，正正常常把握力都應該入到三球，達洛治球空門更加係CLS，甚有當年托里斯推過迪基亞之後射飛機既影子。而上半場韋斯咸僅僅係有一次唔中龍既射門，就咁睇個場面，曼聯根本冇可能亦唔應該拎唔到三分。

6. 呢個場波只係今季曼聯所有比賽(唔計對強隊)既縮影，上半場強攻、創造咗極多機會都把握唔到，然後下半場對手有所調整，坦克同埋場上既球員反應唔黎，後防一個唔小心失埋啲戇鳩波，就係咁失分而回。
7. 不過尋日呢場真係火撚滾，我覺得輸，有時會覺得唉自己踢得差冇計，但尋日場波擺明係VAR球證奧利華做鳩曼聯，咁輸法，條氣好撚唔順。好多英格蘭球員、球證名宿都出晒聲話呢球冇可能係十二碼，呢對仲包括對曼聯不嬲有敵意既舒利亞，或者同城對手既名宿米卡李察士等等。

8. 我都唔講太多，引述下友page @KP微筆足道 既帖文︰

"今季下來，基本上英超每一週都有球證爭議。
而這一球，我認為是到現時為止最離譜的一球。
我覺得這一球真的連爭議也不是，根本就不可能是12碼。
如果是在場球證判罰的話，還可以勉強接受，但如果是VAR判罰的話，這根本是極為離譜。
VAR要改變場上判決，需要場上判決出現Clear and obvious error。這一球很明顯沒有可能是任何clear and obvious error，甚至是，如果場上判決是12碼的話，我覺得VAR都應該要將它推翻。
唯一clear and obvious的error，是VAR房中的Michael Oliver。
有時會想，這些英超球證，是否刻意地製造爭議，然後令人覺得，倒不如沒有VAR更好？
作為一個熱愛足球的人，看到有人這樣摧毀一場比場，實在令人感到憤慨。
- KP"

9. 不過第二日就見到坦克被炒既消息，其實我都幾意外，畢竟睇返近期比較可信少少既新聞來源，都冇跡象曼聯呢場輸咗之後會炒教練。

10. 我個人認為管理層為咗成績而向教練開刀係冇辦法，不過亦有一種講法，係阿仙奴都比阿迪達唔少時間，話唔定我哋比坦克時間佢都可以成功呢。假設性既問題真係答唔到，我唯有簡簡單單，無論曼聯邊個係教練、邊個球員出場，都希望佢哋贏波。
11. 不過希望還希望，我今日先睇到個英超失機榜，曼聯係排榜首，大大抛離其他對手，踢咗咁8場英超預期入球值係12.44球，但實際上佢哋只係入得7球，如果新教練改善唔到呢個問題，今季曼聯邊個做教練都一樣。

12. 最後，真係好多謝坦克呢兩年入面三入決賽拎咗兩隻盃，可惜現代職業足球真係以成績行先，而家咁樣比人炒，其實我都好為佢難過。

13. 根據最新而又可靠既David Ornstein，曼聯正係搵咗士砵亭既阿莫林去做新教練，老實講我對佢一啲都唔熟，如果係真既話，都唯有係希望祝福佢成功。

#不專業足球筆記 #足球專欄 #專欄 #我愛紅魔鬼 #曼聯每日情報站
#英超 #紅魔鬼賽後評 #WHUMUN #曼聯 #韋斯咸 #足球 #賽後評#英超賽後評

更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio


廣告時間 -

ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen

如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938