紅魔鬼賽後評 英超 阿仙奴 2-0 曼聯 (4-12-2024) 精選

紅魔鬼賽後評 英超 阿仙奴 2-0 曼聯 (4-12-2024)

1. 一場預期之中既敗仗，但實際上喺失第二球之前，曼聯表現都算係好唔錯，冇乜喺open play比到機會對手。

2. 不過好可惜，open play阿仙奴創造唔到機會，但我哋送咗13個角球比對面，以今季既阿仙奴角球咁撚勁黎講，估都估到最後點都會失波，open play阿仙奴可能得一、兩球half chances，但角球入面起碼有7、8個機會，而阿仙奴一句唔該就入你兩球。

3. 我明要盡量唔輸角球唔易，有時你係控制唔到，但有時啲角球真係輸得好無謂。

4. 就好似失波果兩個角球都係自己柒，第一球加拿祖失誤比人搶波打反擊，迪列治將個波閘出底線，第二球仲戇鳩，福頭自己將個波的出底線，佢應該係想的起個波清走佢，但佢跣腳，結果個波的完直接出底線。就係呢兩球無謂既角球，令到我哋失兩球。
5. 不過，其實就算唔係呢兩下，十鳩幾球角球，守久必失。

6. 講返呢兩條友，今日都踢得好差，加拿祖拎波成日自己kick腳，好唔順，而福仔喺進攻上面完全零作用。

7. 另外上場有出色表現既舒克斯，今場又打回原形，佢有時啲串連都勉強做到，但啲波如果係自己帶，佢會自己帶甩咗。賀隆呢，佢做支點勉強都叫合格喇，但整體唔算太出色。

8. 講開球員，又講下馬拉仔。今場出馬拉仔正選，其實都有啲擔心，不過佢既表現防守勉強算合格，至少比上場改善唔少，進攻方面就好難差過上次，不過上次係瘋狂底線傳底，今場係連上去攻既機會都冇。

9. 但過頭波始終都係馬拉仔弱項，又有一球佢過頭波佢明明早沙卡少少起步，不過又係比人攝贏、爆贏...仲有球回傳唔夠力差啲比沙卡偷雞…算喇，我都會比佢合格既今場。
10. Amad有零星既突破，唔差，一次搏到對手禁區外扯跌佢拎黃牌，亦都係呢個罰球，創造出全場曼聯最佳機會，可惜迪列治有勁度有角度既頭鎚，比Raya神奇地飛身救咗出黎。

10. 我見到有人屌阿莫林唔出Amad正選，我覺得阿莫林係有心咁做，始終係作客，上半場保守少少，守住個戰局，下半場換Amad出黎搏命。不過今場致命傷，係曼聯做唔到太多攻勢，Amad都唔算多波踢，佢喺僅有既機會之中﹐都已經做得算係咁。

11. Yoro第一次出英超出場，感覺好好喎，落腳準，防守意識唔錯，速度唔慢，可造之材。

12. 今對住強隊，今場波進攻真係唔太做到嘢，控球方面係同阿仙奴做到50/50，但問題係啲波唔係橫傳就後傳，最後斷纜，其實不如試下斬入禁區試下喇。
13. 不過都係果句，阿莫林需要時間，亦需要球迷支持。


#不專業足球筆記 #足球專欄 #專欄 #我愛紅魔鬼 #曼聯每日情報站
#英超 #紅魔鬼賽後評 #ARSMUN #曼聯 #阿仙奴 #賽後評

更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio


廣告時間 -

ig: leafopen3
instagram.com/leafopen3
fb: leafopenleafopenfacebook.com/leafopenleafopen
方格子︰ https://vocus.cc/salon/leafopenleafopen

如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B

如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938