紅魔鬼賽後評 英超 賓福特 4-3 曼聯 (4-5-2025)
1. 見到曼聯既正選陣容，其實都應該會對今場既戰果唔算太意外？應該有得抖既有得抖，大部份都係副選出戰，係加拿祖同埋烏加迪仲要頂足全場，而且青年軍既都有三個正選，咁既陣容擺明留力歐霸，其實應該應該冇人唔同意，個賽果真係WFC？不過都有嘢要睇既，就係睇下比賽內容。
2. 講衰嘢先喇， 基本上呢場波有兩樣好大既負面嘢帶走咗，其一梗係迪列治受傷，而且似係嚴重果隻，第二樣就係青訓新仔費特歷臣比人輪姦，最後我懷疑係阿摩連為咗唔好佢既信心被摧毀，先要換冰人入黎止止血。
3. 其實我明白迪列治傷出係一場意外，啱啱好返既佢都真係需要比賽去操返fit，但上帝視角：呢場唔出佢就好喇... 老實講，就咁睇場上反應，我覺得迪列治唔樂觀，好可能已經收咧。
4. 對於青年軍會有掙扎我就唔意外既，上場對狼隊大家斯文到好似踢友誼賽咁，所以馬後炮咁講， 費特歷臣踢得唔錯，未必作得準。今日，費特歷臣果啲與其話係失誤，不如話其實佢既實力暫時仲未可以喺英超立足，兩球佢真係頂輸，一球佢衝咗出去失位(冇人補位都係問題，但最慘既係最尾受打擊既都係費特歷臣)，其實到咗果陣時已經見到賓福特有意無意將個波集中攻去佢果面，而出事之前佢都開始有少少判斷失誤，第四下就係由佢橫移頂波冇睇巴恩迪亞炒埋一齊開始。
5. 對於青年軍交學費其實我預咗。網上有啲人係咁話要出青年軍，話佢哋鬥心表現隨時好過一隊，我真心覺得係bullshit。沙維治就講過，好多被捧到天上既年青球員，係根本連英甲都踢唔掂，為過一隊上陣既佢，最初去到英甲雷丁都係冇正選。當然，對於今日出場呢三個，我絕對係相信阿摩連既眼光，佢會係球員真係ready先比佢哋出場，所以干尼、卡馬臣呢啲就算去西班牙跟埋操，未夠班佢真係唔會放佢哋出場，我對費特歷臣仲係投以信心一票，係驚今場打擊太大，佢真係失去信心，咁對佢黎講絕對唔係一件好事，你睇佢比人換走時個樣係懷疑人生咁，尤其是如果佢之後仲有機會出場，啲對手應該會有針對性部署，呢方面要教練團諗計。
6. Amass今日表現係咪好好？其實佢都有比人硬爆，進攻同防守都有失誤，但佢有樣唔同，就係你明顯睇得出佢既表情並冇受到打擊、冇好似費特歷臣咁垂頭喪氣懷疑人生。加上佢既地標係對紐卡素開始，果場對面真係搵命搏，佢用果場做地標都算踢得唔錯，之後陸續有機會喺對里昂大逆轉既歐霸中上陣，呢啲經驗， 縱使得幾場，佢都唔係白踢既。所以係今場三個青年軍入面算係踢得令我印象深刻果個(相對喇，唔係話佢真係好好)，咁當然有暇痴，好多位都有進步空間，但似乎佢開始具備喺英超立足既條件。
7. 至於前鋒既奧比啲走位同推進其實唔錯，有兩下都算唔錯既機會，但踢晒落人度，第一下自己射得唔靚，第二下人哋block得及時。始終前鋒同後衛、閘唔同，前場防守上既失誤唔會導致乜嘢大災難，單箭頭又係重點被照顧，今日奧比都算唔錯嘞。
8. 咁場波正面既嘢，都有少少既，首先係加拿祖，佢肯傳波既話真係好好，不過把握力就真係要改改，上半場尾段禁區入面空晒竟然踢空氣，個波撞咗落自己後腳上面…不過下半場果球世界波，希望加強返佢既自信心，不過把握力既嘢，真係要佢自己改進。今日一入球一助攻，而且都有唔少威脅，係心目中曼聯既MOTM。
9. 另外就係傷愈復出既Amad，喺右路防守補位就一般，好似第四球咁佢冇收返落去補費特歷臣既位(咁當然佢後面都有一個，但我覺得中間果個有威脅啲，而最尾都係佢入波)，但佢進攻真係好唔錯，就攻入復出之後既第一球。
10. 唔止咁，仲有曼治，佢又係復出之後其實都有過唔錯既時刻，呢球入波，都係對佢黎講，一個幾好既獎勵。
11. 仲有巴恩迪亞今日表現唔錯，一下神救、一下靚救，比人入果四球，佢都無能為力。不過佢既腳下功夫都真係幾得人驚，當啲波回到佢腳下時其實都有啲淆。
12. 不過對我黎講，我既目標係一隊人齊齊整整咁出返黎，咁去睇場波，其實係mission failed既。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 見到曼聯既正選陣容，其實都應該會對今場既戰果唔算太意外？應該有得抖既有得抖，大部份都係副選出戰，係加拿祖同埋烏加迪仲要頂足全場，而且青年軍既都有三個正選，咁既陣容擺明留力歐霸，其實應該應該冇人唔同意，個賽果真係WFC？不過都有嘢要睇既，就係睇下比賽內容。
2. 講衰嘢先喇， 基本上呢場波有兩樣好大既負面嘢帶走咗，其一梗係迪列治受傷，而且似係嚴重果隻，第二樣就係青訓新仔費特歷臣比人輪姦，最後我懷疑係阿摩連為咗唔好佢既信心被摧毀，先要換冰人入黎止止血。
3. 其實我明白迪列治傷出係一場意外，啱啱好返既佢都真係需要比賽去操返fit，但上帝視角：呢場唔出佢就好喇... 老實講，就咁睇場上反應，我覺得迪列治唔樂觀，好可能已經收咧。
4. 對於青年軍會有掙扎我就唔意外既，上場對狼隊大家斯文到好似踢友誼賽咁，所以馬後炮咁講， 費特歷臣踢得唔錯，未必作得準。今日，費特歷臣果啲與其話係失誤，不如話其實佢既實力暫時仲未可以喺英超立足，兩球佢真係頂輸，一球佢衝咗出去失位(冇人補位都係問題，但最慘既係最尾受打擊既都係費特歷臣)，其實到咗果陣時已經見到賓福特有意無意將個波集中攻去佢果面，而出事之前佢都開始有少少判斷失誤，第四下就係由佢橫移頂波冇睇巴恩迪亞炒埋一齊開始。
5. 對於青年軍交學費其實我預咗。網上有啲人係咁話要出青年軍，話佢哋鬥心表現隨時好過一隊，我真心覺得係bullshit。沙維治就講過，好多被捧到天上既年青球員，係根本連英甲都踢唔掂，為過一隊上陣既佢，最初去到英甲雷丁都係冇正選。當然，對於今日出場呢三個，我絕對係相信阿摩連既眼光，佢會係球員真係ready先比佢哋出場，所以干尼、卡馬臣呢啲就算去西班牙跟埋操，未夠班佢真係唔會放佢哋出場，我對費特歷臣仲係投以信心一票，係驚今場打擊太大，佢真係失去信心，咁對佢黎講絕對唔係一件好事，你睇佢比人換走時個樣係懷疑人生咁，尤其是如果佢之後仲有機會出場，啲對手應該會有針對性部署，呢方面要教練團諗計。
6. Amass今日表現係咪好好？其實佢都有比人硬爆，進攻同防守都有失誤，但佢有樣唔同，就係你明顯睇得出佢既表情並冇受到打擊、冇好似費特歷臣咁垂頭喪氣懷疑人生。加上佢既地標係對紐卡素開始，果場對面真係搵命搏，佢用果場做地標都算踢得唔錯，之後陸續有機會喺對里昂大逆轉既歐霸中上陣，呢啲經驗， 縱使得幾場，佢都唔係白踢既。所以係今場三個青年軍入面算係踢得令我印象深刻果個(相對喇，唔係話佢真係好好)，咁當然有暇痴，好多位都有進步空間，但似乎佢開始具備喺英超立足既條件。
7. 至於前鋒既奧比啲走位同推進其實唔錯，有兩下都算唔錯既機會，但踢晒落人度，第一下自己射得唔靚，第二下人哋block得及時。始終前鋒同後衛、閘唔同，前場防守上既失誤唔會導致乜嘢大災難，單箭頭又係重點被照顧，今日奧比都算唔錯嘞。
8. 咁場波正面既嘢，都有少少既，首先係加拿祖，佢肯傳波既話真係好好，不過把握力就真係要改改，上半場尾段禁區入面空晒竟然踢空氣，個波撞咗落自己後腳上面…不過下半場果球世界波，希望加強返佢既自信心，不過把握力既嘢，真係要佢自己改進。今日一入球一助攻，而且都有唔少威脅，係心目中曼聯既MOTM。
9. 另外就係傷愈復出既Amad，喺右路防守補位就一般，好似第四球咁佢冇收返落去補費特歷臣既位(咁當然佢後面都有一個，但我覺得中間果個有威脅啲，而最尾都係佢入波)，但佢進攻真係好唔錯，就攻入復出之後既第一球。
10. 唔止咁，仲有曼治，佢又係復出之後其實都有過唔錯既時刻，呢球入波，都係對佢黎講，一個幾好既獎勵。
11. 仲有巴恩迪亞今日表現唔錯，一下神救、一下靚救，比人入果四球，佢都無能為力。不過佢既腳下功夫都真係幾得人驚，當啲波回到佢腳下時其實都有啲淆。
12. 不過對我黎講，我既目標係一隊人齊齊整整咁出返黎，咁去睇場波，其實係mission failed既。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊