紅魔鬼賽後評 英超 諾定咸森林 1-0 曼聯 (1-4-2025)
1. 國際賽期後、四月地獄賽程第一仗，曼聯以全失三分告終。
2. 森林完美示範佢哋究竟點解可以喺英超聯賽榜排第三，只係落後第二位既阿仙奴4分。佢哋攻勢唔駛多，今場放晒球權換取反擊機會，一針見血，而且見血封喉。
3. 你話佢哋龜縮唔值得贏比賽？佢真係有本事入你一球，真係有本事由得你攻守得住，你吹啊？
4. 聯賽無欲無求，我想睇到既係曼聯有進步，但係呢場波喺進攻上面值得稱讚既就只有上半場頭25分鐘，由上半場中段已經開始無限loop返之前既老鼠拉龜情況，下半場可能係森林再收後、收窄防守更多，一直至麥佳亞出黎客串中鋒之前，曼聯既表現比起上半場更差，射門完全係隔靴搔癢。
5. 全場黎講，喺麥佳亞出黎之前，其實唔係太做到有好大威脅既攻勢，有創造到機會，但都只算係普普通通既埋門機會，係有中楣、係有頭鎚攻門，但真係直至麥佳亞出黎客串中鋒之前，都冇乜辦法引起森林防守既混亂。
6. 講起麥佳亞踢前鋒，我就想講下賀隆…佢真係好迷失，麥佳亞出黎客串中鋒都仲搶眼過佢，兩次大機會既埋門爭啲救主，我係好鍾意賀隆既鬥心，但係佢除咗下半場一開波果下殺入禁區鳩射之外就乜都冇，佢究竟識唔識現身走位？佢仲年輕要人教，但如果冇前輩、冇教練教到佢呢啲，只會白白咁浪費咗呢個球員。
7. 就好似艾蘭加咁，當年喺曼聯得個快字同勤力兩個字，之後曼聯將仲係半成品既佢賣比森林，佢就真係可以喺森林有大幅度既成長。我唔信賀隆真係廢，上季曼聯所有賽事既首席射手，就算符碌極都要有個底，今季曼聯踢得差，年輕球員冇人帶住更加係容易迷失，如果仲係keep住呢個走向，我諗賀隆真係會變廢晒。
8. 今日其實都有唔少傳中波，但係兩位高大既進攻球員賀隆同舒克斯竟然冇一球頭鎚攻門，反而係Dalot、般奴、卡斯等等仲出現得多，究竟乜事？戰術唔駛前鋒現位架咩？舒克斯今場比較沉寂，冇咗國際賽之前果種球王級表現，佢係咪真係唔適合踢最前果個？
9. 防線今日除咗球失波都做得幾好，Yoro仲有一下關鍵攔截，好靚，如果唔係就真係比艾蘭加梅開二度。可惜偏偏就係一下做得唔咁好（我覺得都未算失誤添）就失波。自己角球攻勢傳失比人打反擊，由艾蘭加快放怒爆射入，雖然話呢球比人打反擊冇計，但如果加拿祖唔係咁快落剷，會唔會咁易比到艾蘭加有咁大個空位推進呢？甚至乎係咪應該一早職業犯規拎黃牌都要stop佢呢？加拿祖落剷呢下時機地點都錯晒，佢果個位落完剷，馬莎拉維上前搶又唔係、全神貫注右面空咗既森林球員又唔得，唯有一直後縮，放咗個好大既射門空間比艾蘭加，呢樣我覺得可以做得好少少。
10. 多古今日喺左面做得未夠好︳尤其下半場有幾下跑到靚位，但有四下喺敵方危險地區無壓力之下傳返咗個波比對手，希望呢個唔係佢曼聯化既先兆...
11. 仲有，加拿祖係咪唔應該再踢左邊？佢喺右邊都好地地，一去到左邊就係咁浪射，射入唔緊要，下下飛機真係好難睇。
12. 我哋做underdog時往往會有好表現。但今場排名上我哋雖然係Underdog，但係打法上絕對唔係，森林放球權比你攻，靠反擊食糊，呢個正正係我哋underdog時戰術，而佢哋都係成功，喺曼聯343體系依然係唔成熟既時候，除咗麥佳亞落場之後係咁傳中係搞到森林後防好混亂，其餘時間除開波頭25分鐘曼聯啲推進係有嘢睇，其他時間基本上又回到今季一貫老鼠拉龜既表現。
13. 聯賽係冇嘢爭，但我都希望睇到球隊喺聯賽表現有進步，今季剩返唔係好多時間，到底仲有冇嘢可以show到比我睇呢…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 國際賽期後、四月地獄賽程第一仗，曼聯以全失三分告終。
2. 森林完美示範佢哋究竟點解可以喺英超聯賽榜排第三，只係落後第二位既阿仙奴4分。佢哋攻勢唔駛多，今場放晒球權換取反擊機會，一針見血，而且見血封喉。
3. 你話佢哋龜縮唔值得贏比賽？佢真係有本事入你一球，真係有本事由得你攻守得住，你吹啊？
4. 聯賽無欲無求，我想睇到既係曼聯有進步，但係呢場波喺進攻上面值得稱讚既就只有上半場頭25分鐘，由上半場中段已經開始無限loop返之前既老鼠拉龜情況，下半場可能係森林再收後、收窄防守更多，一直至麥佳亞出黎客串中鋒之前，曼聯既表現比起上半場更差，射門完全係隔靴搔癢。
5. 全場黎講，喺麥佳亞出黎之前，其實唔係太做到有好大威脅既攻勢，有創造到機會，但都只算係普普通通既埋門機會，係有中楣、係有頭鎚攻門，但真係直至麥佳亞出黎客串中鋒之前，都冇乜辦法引起森林防守既混亂。
6. 講起麥佳亞踢前鋒，我就想講下賀隆…佢真係好迷失，麥佳亞出黎客串中鋒都仲搶眼過佢，兩次大機會既埋門爭啲救主，我係好鍾意賀隆既鬥心，但係佢除咗下半場一開波果下殺入禁區鳩射之外就乜都冇，佢究竟識唔識現身走位？佢仲年輕要人教，但如果冇前輩、冇教練教到佢呢啲，只會白白咁浪費咗呢個球員。
7. 就好似艾蘭加咁，當年喺曼聯得個快字同勤力兩個字，之後曼聯將仲係半成品既佢賣比森林，佢就真係可以喺森林有大幅度既成長。我唔信賀隆真係廢，上季曼聯所有賽事既首席射手，就算符碌極都要有個底，今季曼聯踢得差，年輕球員冇人帶住更加係容易迷失，如果仲係keep住呢個走向，我諗賀隆真係會變廢晒。
8. 今日其實都有唔少傳中波，但係兩位高大既進攻球員賀隆同舒克斯竟然冇一球頭鎚攻門，反而係Dalot、般奴、卡斯等等仲出現得多，究竟乜事？戰術唔駛前鋒現位架咩？舒克斯今場比較沉寂，冇咗國際賽之前果種球王級表現，佢係咪真係唔適合踢最前果個？
9. 防線今日除咗球失波都做得幾好，Yoro仲有一下關鍵攔截，好靚，如果唔係就真係比艾蘭加梅開二度。可惜偏偏就係一下做得唔咁好（我覺得都未算失誤添）就失波。自己角球攻勢傳失比人打反擊，由艾蘭加快放怒爆射入，雖然話呢球比人打反擊冇計，但如果加拿祖唔係咁快落剷，會唔會咁易比到艾蘭加有咁大個空位推進呢？甚至乎係咪應該一早職業犯規拎黃牌都要stop佢呢？加拿祖落剷呢下時機地點都錯晒，佢果個位落完剷，馬莎拉維上前搶又唔係、全神貫注右面空咗既森林球員又唔得，唯有一直後縮，放咗個好大既射門空間比艾蘭加，呢樣我覺得可以做得好少少。
10. 多古今日喺左面做得未夠好︳尤其下半場有幾下跑到靚位，但有四下喺敵方危險地區無壓力之下傳返咗個波比對手，希望呢個唔係佢曼聯化既先兆...
11. 仲有，加拿祖係咪唔應該再踢左邊？佢喺右邊都好地地，一去到左邊就係咁浪射，射入唔緊要，下下飛機真係好難睇。
12. 我哋做underdog時往往會有好表現。但今場排名上我哋雖然係Underdog，但係打法上絕對唔係，森林放球權比你攻，靠反擊食糊，呢個正正係我哋underdog時戰術，而佢哋都係成功，喺曼聯343體系依然係唔成熟既時候，除咗麥佳亞落場之後係咁傳中係搞到森林後防好混亂，其餘時間除開波頭25分鐘曼聯啲推進係有嘢睇，其他時間基本上又回到今季一貫老鼠拉龜既表現。
13. 聯賽係冇嘢爭，但我都希望睇到球隊喺聯賽表現有進步，今季剩返唔係好多時間，到底仲有冇嘢可以show到比我睇呢…
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊