紅魔鬼賽後評 英超 葉士域治 1-1 曼聯 (24-11-2024)
阿莫林領軍第一戰 葉士域治一比一逼和曼聯
1. 新任曼聯領隊阿莫林領軍第一戰，同葉士域治打成一比一平手。
2. 老實講，如果講場上既表現，其實都真係幾差，之前雲佬同埋坦克既曼聯喺對戰比自己弱既球隊，佢哋係可以創造出源源不絕既機會，只不過同時間佢哋都會浪費晒其中99%既機會，呢樣嘢係雲佬領軍時稍為好少少，但係改善把握力都係我一直以黎強調既嘢。
3. 今場創造既機會其實唔多，真係稱得上係黃金機會既，其中一個福仔接應Amad近門撞入咗，另一球就加拿祖響禁區入面無人看管直射出界。其他果啲，頂多叫做half chances，比較可惜啲係Dalot上半場球半單刀比對手力壓之下射得太正，其餘時間都係老鼠拉龜多。
4. 反而葉士域治既黃金機會仲多，起碼兩、三球近門抽射比痴咗線既奧拿拿救出。事實上失果球如果唔係比馬沙拉維改變方向彈高咗，我覺得今日既奧拿拿係救得到架。
5. 直接肉酸既防守失誤唔多，更加多既係防守位走唔切比人傳中有機會近門爆射，都係果句要不是奧拿拿…
6. 咁講咁多，係咪想屌鳩阿莫林？梗係唔係喇。
7. 阿莫林功力係點，暫時未知，但係佢接手球隊兩個星期都冇，啲主力去晒踢國際賽，埋位幾日就要用新陣式、新戰術去比賽，如果咁都有好表現，反而先至係出人意表。
8. 而且阿莫林都叫有啲唔好彩，主力中堅得返迪列治一個出得，拍住佢既係串演中堅既馬沙拉維同埋老將伊雲斯，而幾個正選中場一係就啱啱先歸隊，一係就啱啱復操唔fit，黎緊中場果班出得返既睇睇咩情況先。不過點解只係「有啲」唔好彩，你對比返上季同期既傷兵就已經知道…今場只係得中堅係重災區，佢已經好彩過坦克好多…
8. 坦白講，以實力黎計，曼聯呢場係應該要贏，但係新領隊上台冇幾耐，比啲時間喇。最壞既打算，今季係過渡期，要做好心理準備今年既排名同上季有得揮…
9. 講返個別球員表現︰Amad進攻大膽，而且傳中質素有提升、加拿祖走位；盤扭都叫合格，但最後一傳同射真係仲唔得；奧拿拿講咗，CLS存在；馬沙拉維串演右中堅，防守算唔錯但奈何唔太敢上去助攻，不過依然係今季best buy；舒克斯依然成日失波，但比賽尾段稍為有改善；般奴好似隱隱地形；福仔除咗球入波之外彷似唔存在過咁… ；賀隆後備上場有球half chance殺到去禁區邊可以起腳但選擇做不射男傳走咗，呢球我睇到呆一呆，重點係佢仲要傳失…作為前鋒，佢喺曼聯已經得唔到足夠既供應，佢係咪應該要再獨食啲呢…？仲有提一提民族英雄Luke Shaw，佢終於都復出…
10. 今場要講表現真係成隊除咗奧拿拿之外，都應該得幾個球員合格，但係都係果句，正式埋班得果幾日，新戰術、新陣式，阿莫林需要既係時間。今季其實係希望見到隊波開始成形，雛形都好。
11. 開季既時候講過，唔想成日輪迴換領隊既process，但既然而家阿莫林上任，當然全力支持，不過大家曼迷謹記一樣嘢︰改革係要時間，唔好第一場完咗，踢得唔好就喊打喊殺，比少少時間佢喇。
#不專業足球筆記 #足球專欄 #專欄 #我愛紅魔鬼 #曼聯每日情報站
#英超 #紅魔鬼賽後評 #IPSMUN #曼聯 #葉士域治 #賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
阿莫林領軍第一戰 葉士域治一比一逼和曼聯
1. 新任曼聯領隊阿莫林領軍第一戰，同葉士域治打成一比一平手。
2. 老實講，如果講場上既表現，其實都真係幾差，之前雲佬同埋坦克既曼聯喺對戰比自己弱既球隊，佢哋係可以創造出源源不絕既機會，只不過同時間佢哋都會浪費晒其中99%既機會，呢樣嘢係雲佬領軍時稍為好少少，但係改善把握力都係我一直以黎強調既嘢。
3. 今場創造既機會其實唔多，真係稱得上係黃金機會既，其中一個福仔接應Amad近門撞入咗，另一球就加拿祖響禁區入面無人看管直射出界。其他果啲，頂多叫做half chances，比較可惜啲係Dalot上半場球半單刀比對手力壓之下射得太正，其餘時間都係老鼠拉龜多。
4. 反而葉士域治既黃金機會仲多，起碼兩、三球近門抽射比痴咗線既奧拿拿救出。事實上失果球如果唔係比馬沙拉維改變方向彈高咗，我覺得今日既奧拿拿係救得到架。
5. 直接肉酸既防守失誤唔多，更加多既係防守位走唔切比人傳中有機會近門爆射，都係果句要不是奧拿拿…
6. 咁講咁多，係咪想屌鳩阿莫林？梗係唔係喇。
7. 阿莫林功力係點，暫時未知，但係佢接手球隊兩個星期都冇，啲主力去晒踢國際賽，埋位幾日就要用新陣式、新戰術去比賽，如果咁都有好表現，反而先至係出人意表。
8. 而且阿莫林都叫有啲唔好彩，主力中堅得返迪列治一個出得，拍住佢既係串演中堅既馬沙拉維同埋老將伊雲斯，而幾個正選中場一係就啱啱先歸隊，一係就啱啱復操唔fit，黎緊中場果班出得返既睇睇咩情況先。不過點解只係「有啲」唔好彩，你對比返上季同期既傷兵就已經知道…今場只係得中堅係重災區，佢已經好彩過坦克好多…
8. 坦白講，以實力黎計，曼聯呢場係應該要贏，但係新領隊上台冇幾耐，比啲時間喇。最壞既打算，今季係過渡期，要做好心理準備今年既排名同上季有得揮…
9. 講返個別球員表現︰Amad進攻大膽，而且傳中質素有提升、加拿祖走位；盤扭都叫合格，但最後一傳同射真係仲唔得；奧拿拿講咗，CLS存在；馬沙拉維串演右中堅，防守算唔錯但奈何唔太敢上去助攻，不過依然係今季best buy；舒克斯依然成日失波，但比賽尾段稍為有改善；般奴好似隱隱地形；福仔除咗球入波之外彷似唔存在過咁… ；賀隆後備上場有球half chance殺到去禁區邊可以起腳但選擇做不射男傳走咗，呢球我睇到呆一呆，重點係佢仲要傳失…作為前鋒，佢喺曼聯已經得唔到足夠既供應，佢係咪應該要再獨食啲呢…？仲有提一提民族英雄Luke Shaw，佢終於都復出…
10. 今場要講表現真係成隊除咗奧拿拿之外，都應該得幾個球員合格，但係都係果句，正式埋班得果幾日，新戰術、新陣式，阿莫林需要既係時間。今季其實係希望見到隊波開始成形，雛形都好。
11. 開季既時候講過，唔想成日輪迴換領隊既process，但既然而家阿莫林上任，當然全力支持，不過大家曼迷謹記一樣嘢︰改革係要時間，唔好第一場完咗，踢得唔好就喊打喊殺，比少少時間佢喇。
#不專業足球筆記 #足球專欄 #專欄 #我愛紅魔鬼 #曼聯每日情報站
#英超 #紅魔鬼賽後評 #IPSMUN #曼聯 #葉士域治 #賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊