紅魔鬼賽後評
英超 白禮頓 0-2 曼聯 (19-5-2024)
1. 今場個球員名單(正選加埋後備)終於叫做見得下人，雖然仲有唔少傷兵，但至少拎出黎既呢班人都見得下人，唔再係成個bench都係青年軍先。
2. 不過今場坦克排出既正選陣容都係同之前既殘陣差唔多，甚至用卡斯米路繼續客串中堅，而所有傷愈既球員，除咗隊長般奴同上場後備上陣過既馬天尼斯之外，全部都先列後備。其實都正常，反正聯賽都冇嘢爭，咁唔駛咁搏，下星期六仲要踢足總盃決賽，唔應該將啲傷員太快擺去正選先，尤其是條後防線，啲球員成班都玻璃做，真係要錫住黎用。但當然，最後都要比啲potential正選既球員踩下草既，所以好多換人都係有計劃咁換，好似馬天尼斯同般奴踢咗半場多啲啲就收工，而伊雲斯、華拉尼、華舒福都有後備出場踢咗陣。
3. 兩隊都冇乜嘢爭，白禮頓主場出擊想用勝利歡送領隊迪斯比，上半場佢哋踢得比曼聯主動，當中不乏入球既良機，好彩奧拿拿繼續下半季既神勇表現、又有屠夫護空門先力保不失。曼聯都有黃金機會，般奴有球反擊傳得好靚比麥湯文尼，不過佢自己一腳射咗上觀眾席。
4. 上場對紐卡素防守出色既防守中場安拉拔，今場就好撚恐怖，首先多次響危險地帶控失，又係咁交出醫院波比對手截到，造就對手多次射門機會，睇黎曼聯應該都唔會買斷佢架喇…
5. 下半場初段繼續由白禮頓控制大局，全靠卡斯米路一次護空門力保不失。不過之後曼聯入局，尤其是賀龍後備入替之後好有威脅，首先響右路一次傳送爭啲造就麥湯文尼入波，及後佢自己射入第二球為曼聯埋齋添。
6. 下半場放返兩隻中堅落黎，推返卡斯米路上防中亦都非常有效，達洛治入既一球就正正係佢既傳送。當時卡斯米路一記極妙既長傳，由大碌突破越位冷靜射入打開紀錄。始終卡斯米路係防守中場黎，響防中先係最啱佢發揮既位置，不過佢依然係冇上季咁sharp醒，幾下防守落腳都late tackle，比賽尾段仲食咗張黃牌。
7. 今日三隻輪流出場既翼鋒表現都唔算太好，福仔後備出黎冇乜建樹，我始終覺得佢係心態問題。而加拿祖就有唔少突破機會，但都係老問題，最後一腳，無論係傳同射都做得唔夠好。至戴亞路Amad，佢有幾下盤扭同小組配合幾好，但其他時間就冇乜特別表現。如無意外，下場決賽既左右翼，應該係呢三個入面揀兩個，加拿祖應該係膽，但另一隻係邊個？真係到時先知。
8. 賀龍真係一個唔錯既前鋒，連續兩次都係靠自己個人能力去入波，我相信如果有多啲傳送，佢一定可以把握得到。諗下喎，佢全季獲得既機會其實得唔多，更加係有唔少入球係靠自己努力螺返黎黎，但加加埋埋都今日呢場為止，佢竟然都可以幫曼聯入咗成16球，係曼聯今季所有比賽加埋既首席射手…
9. 佢連續兩場都係後備上陣有好表現有入波，唔知下場決賽佢有冇份正選呢？定真係呢一刻做後備殺手啱佢多啲呢？
10. 今場比賽，都算係最好既結果，贏波提升士氣、冇人再受傷、傷員復出踩下草，為下星期既決賽做好準備。
11. 不過千其唔好掉以輕心，因為今季曼聯既傷員，好多都係響練波果陣唔知做乜鳩自己整親。左閘梳爾同埋中堅麥佳亞呢兩個後防重鎮應該出唔到架喇，不過都叫做可以拎到個見得下人既名單出黎踢…
12. 下場足總盃決賽有咩期望？嗱，輸就應該輸梗架喇，呢方面就算係曼迷都應該冇爭議，但係希望可以背城借一，搏埋條命佢，希望有奇蹟出現喇…
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #BHAMUN #曼聯 #白禮頓 #足球 #賽後評
#英超賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
英超 白禮頓 0-2 曼聯 (19-5-2024)
1. 今場個球員名單(正選加埋後備)終於叫做見得下人，雖然仲有唔少傷兵，但至少拎出黎既呢班人都見得下人，唔再係成個bench都係青年軍先。
2. 不過今場坦克排出既正選陣容都係同之前既殘陣差唔多，甚至用卡斯米路繼續客串中堅，而所有傷愈既球員，除咗隊長般奴同上場後備上陣過既馬天尼斯之外，全部都先列後備。其實都正常，反正聯賽都冇嘢爭，咁唔駛咁搏，下星期六仲要踢足總盃決賽，唔應該將啲傷員太快擺去正選先，尤其是條後防線，啲球員成班都玻璃做，真係要錫住黎用。但當然，最後都要比啲potential正選既球員踩下草既，所以好多換人都係有計劃咁換，好似馬天尼斯同般奴踢咗半場多啲啲就收工，而伊雲斯、華拉尼、華舒福都有後備出場踢咗陣。
3. 兩隊都冇乜嘢爭，白禮頓主場出擊想用勝利歡送領隊迪斯比，上半場佢哋踢得比曼聯主動，當中不乏入球既良機，好彩奧拿拿繼續下半季既神勇表現、又有屠夫護空門先力保不失。曼聯都有黃金機會，般奴有球反擊傳得好靚比麥湯文尼，不過佢自己一腳射咗上觀眾席。
4. 上場對紐卡素防守出色既防守中場安拉拔，今場就好撚恐怖，首先多次響危險地帶控失，又係咁交出醫院波比對手截到，造就對手多次射門機會，睇黎曼聯應該都唔會買斷佢架喇…
5. 下半場初段繼續由白禮頓控制大局，全靠卡斯米路一次護空門力保不失。不過之後曼聯入局，尤其是賀龍後備入替之後好有威脅，首先響右路一次傳送爭啲造就麥湯文尼入波，及後佢自己射入第二球為曼聯埋齋添。
6. 下半場放返兩隻中堅落黎，推返卡斯米路上防中亦都非常有效，達洛治入既一球就正正係佢既傳送。當時卡斯米路一記極妙既長傳，由大碌突破越位冷靜射入打開紀錄。始終卡斯米路係防守中場黎，響防中先係最啱佢發揮既位置，不過佢依然係冇上季咁sharp醒，幾下防守落腳都late tackle，比賽尾段仲食咗張黃牌。
7. 今日三隻輪流出場既翼鋒表現都唔算太好，福仔後備出黎冇乜建樹，我始終覺得佢係心態問題。而加拿祖就有唔少突破機會，但都係老問題，最後一腳，無論係傳同射都做得唔夠好。至戴亞路Amad，佢有幾下盤扭同小組配合幾好，但其他時間就冇乜特別表現。如無意外，下場決賽既左右翼，應該係呢三個入面揀兩個，加拿祖應該係膽，但另一隻係邊個？真係到時先知。
8. 賀龍真係一個唔錯既前鋒，連續兩次都係靠自己個人能力去入波，我相信如果有多啲傳送，佢一定可以把握得到。諗下喎，佢全季獲得既機會其實得唔多，更加係有唔少入球係靠自己努力螺返黎黎，但加加埋埋都今日呢場為止，佢竟然都可以幫曼聯入咗成16球，係曼聯今季所有比賽加埋既首席射手…
9. 佢連續兩場都係後備上陣有好表現有入波，唔知下場決賽佢有冇份正選呢？定真係呢一刻做後備殺手啱佢多啲呢？
10. 今場比賽，都算係最好既結果，贏波提升士氣、冇人再受傷、傷員復出踩下草，為下星期既決賽做好準備。
11. 不過千其唔好掉以輕心，因為今季曼聯既傷員，好多都係響練波果陣唔知做乜鳩自己整親。左閘梳爾同埋中堅麥佳亞呢兩個後防重鎮應該出唔到架喇，不過都叫做可以拎到個見得下人既名單出黎踢…
12. 下場足總盃決賽有咩期望？嗱，輸就應該輸梗架喇，呢方面就算係曼迷都應該冇爭議，但係希望可以背城借一，搏埋條命佢，希望有奇蹟出現喇…
#不專業足球筆記 #足球專欄 #專欄 #我愛紅魔鬼 #英超
#紅魔鬼賽後評 #BHAMUN #曼聯 #白禮頓 #足球 #賽後評
#英超賽後評
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊