紅魔鬼賽後評 英超 曼聯 2-3 諾定咸森林 (7-12-2024) 精選

1. 喺曼聯工作56年嘅接待員Kath Phipps近日過身，賽前有默哀儀式，一班球員都做足禮數，可惜佢哋響場上面既表現，真係對唔對得住呢位啱啱過身既老臣？
2. 第一球失波又係角球，人請死球教練，曼聯又係請死球教練，搞乜嘢曼聯啲死球攻守都咁撚屎？加埋上場對阿仙奴曼聯連續三球失波都係角球喇。

3. 馬天尼斯係唔夠對面個31號高，反而迪列治就冇人mark，有少少錯位防守。唔止呢球，仲有下對面20號頂中楣，又係守角球守得唔好…

4. 至於追成平手入波果下，其實加拿祖本身就應該要射得入，好彩今次有賀隆補中，如何改善把握力係加拿祖應該下苦功既地方。

5. 上半場空有控球，其實真正有威脅既攻守真係冇乜，兩邊都係靠死球產生威脅。
6. 不過‥下半場既發展，真係令人非常意外。

7. 我諗奧拿拿踢完呢場應該想跳樓，失第二球，般奴係唔應該喺後半場用後腳咁傳比隊友，而事實係佢呢幾季響後半場都唔知失幾多呢啲高章波而失波，但最大既問題，係對面Whites射個完全冇角度既正中地波，Onana竟然自己瞓落地，個波就直接喺隻腳隔離射入咗；而第三球，Wood係頂個角度係古惑既，但係Onana其實應該有啲機會可以出擊打返出黎，不過佢唔知係咪同迪列治、馬天尼斯有啲誤會，以為佢哋會頂到，總之個波就漏咗入網。

8. 我覺得奧拿拿失完第二球之後就已經踢到患得患失咁，如果要喺今場搵罪人既，真係非佢莫屬。

9. 不過正如阿莫林賽後所講，奧拿拿今季已經救咗曼聯好多次，係今季陣中表現最好既球員之一。球員表現偶有失誤係正常，問題係點樣作為一隊球隊一齊贏一齊輸。
10. 我由第一場波已經講，呢隊曼聯（當時係坦克做教練）如果可以改善把握力問題，同唔好成日係後防自爆，今季應該大有可為。

11. 結果…到前任領隊坦克落鑊，呢兩點都未係可以明確改善。把握力近來好似改善咗少少，但係創造機會既次數就好似少咗好多，以前我哋睇到既係班友係咁揮霍機會，而家落後緊曼聯全軍壓上，但係佢哋都係冇乜真正既機會，就算有射門，都係鳩射居多，尤其是Dalot，佢真係鳩撚射咗幾多球？至於後防自爆，情況更加唔駛講，今場Onana同般奴就爆比你睇。

12. Dalot打左面真係越黎越唔掂，唔可能怪晒佢，畢竟佢其實係右閘，但咁搞落去，一定要買多隻左閘，Shaw信唔過。

13. 仲有般奴大哥，你喺前場做埋啲risky passes我唔理你，你唔好喺後場踢高章波吖…唔係第一次死人架喇…今日佢係有入波，但我覺得佢踢得差啊。
14. 不過點都好，我都係重申，一定要比啲時間阿莫林。坦克走果陣已經講過，教練有問題，但一定唔係全部問題，比啲時間佢，希望佢可以解決到個問題…再鳩換落去唔撚掂啊。


#不專業足球筆記 #足球專欄 #專欄 #我愛紅魔鬼 #曼聯每日情報站
#英超 #紅魔鬼賽後評 #MUNNFO #曼聯 #森林 #諾定咸森林 #賽後評

更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio


廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen

如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B

如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938