紅魔鬼賽後評 英超 曼聯 0-1 狼隊 (20-4-2025)
1. 喺英超冇嘢爭，又啱啱先喺兩日前踢足120分鐘比賽，兩場比賽相隔都冇72小時，阿莫林一早已經講到明話會比青年軍上陣，同埋比啲高危有機會受傷既球員抖下， 所以我賽前一早都預計到呢場有機會輸波。
2. 所以當公佈正選時，個正選陣容唔意外地收埋咗大部份主力，般奴、卡斯米路、Dalot、約羅全部後備，Shaw連影都唔見埋(其實我有啲擔心佢係咪又傷，不過有page話純粹係比佢休息)，仲出咗兩個青年軍Amass同Fredicson。雖然係咁，但其實我想睇多啲青年軍，就好似Sekou Kone呢個，一路都有source話球會好滿意佢既development，點知後備都冇。
3. 其實喺護級基本上唔成問題，英超又冇嘢好爭既情況下，我自己今場既重點唔係輸贏，而係比賽既context，即係一個form應該係全隊邊個出場上面都睇得到有啲內容。另外就係求神拜佛千其唔好再有人傷…
4. 就比賽內容黎講，呢場波算係曼聯今季無論係坦克定阿莫林手下時對同級或者中下遊球隊既寫照，佔盡優勢，創造極多優良既機會，自己全部炒晒(今場啲黃金機會全部自炒，對面龍面冇乜需要救波)，然後後防一下爆炸就失波。上半場就大家鬥慢板，冇乜特別嘢睇，但下半場曼聯其實起碼四個黃金機會，一個係賀龍，另外三個係來自後備上陣既曼治同般奴，其中曼治果下後上禁區無人看管可以話真係射到離晒譜，個波一嘢飛咗上看台。
5. 其實今場啲防守算係做得唔錯，犯錯都唔算多，只係人哋球罰真係射得好靚，係球犯規有少少唔抵。
6. 所以如果真係睇返個比賽內容，尤其是出咗三個小朋友，其中兩個係踢足90分鐘，而啲主力都輪換既情況下，成個表現反而係幾有驚喜，成場壓住狼隊黎踢，防守上冇乜大錯，兩個正選小朋友好對板，唯一唔滿意既，就係把握力依然係奇差。
7. 正如第一段所講，輸其實係預計之中，但係以比賽內容黎睇，表現得係好唔錯，咁樣輸先至唔抵。
8. 講返少少個別球員。今場出咗Amass同Fredicson，個人意見，兩個都踢得唔錯，算係處理啲波幾冷靜，不過輸波球罰球雖然係大力神犯規，但我冇記錯Fredicson係第一下比人過咗先，只係青年軍踢成咁，我覺得已經完全有晒交待，尤其是Amass，進攻參與度多咗，仲慢慢適應英超果種硬朗踢法，唔錯。
9. 而另一位備受期待既前鋒Obi，今場有二十五至三十分鐘(連埋補時)既機會比佢表演，但係表現相對失色，我唔會對佢太harsh，畢竟得17歲，只係對比起另外兩位青年軍今場留比我既深刻印象，佢今場算係失色少少。完場後喺曼聯心Page同某位巴打傾開講，可能我要求高，但除咗駁腳一、兩下之外，我希望既係睇到入攝、搶點、埋門、射門，今日Obi真係冇。大家唔認同唔緊要，feel free to discuss，理性討論就好。
10. 加拿祖今日好勁。我都話過好多次，肯交波、唔鳩射既加拿祖真係好勁，只不過今次到隊友令佢失望，同樣都係後備入黎既般奴同埋Mount，兩個人如出一徹喺禁區入面後上接應加拿祖妙傳，空晒任射，兩個都係自己射飛機/斜出。仲有賀隆球門前來遲半秒，都係加拿祖出既波黎。
11. 賀龍…我會用繼續迷失黎形容，一次門前黎前半秒失機，仲有一下過得好靚單刀比人追上仲繼續扭入去，呢球應該傳喇，尾柱多古定文奴(黑人睇唔清楚，似係多古)空晒，佢就夾硬起腳比人block咗。
12. 呢場其實最緊要唔好有人傷，但連迪路夫被換出之後，好似有接受軍醫治療，不過暫時唔見有消息話佢受傷…more to follow
13. 曼迷要有心理準備，今季英超，曼聯可能唔會再贏到波…不過，將主戰場移去歐霸，英超完全無護級壓力下寓賽於操，以青年軍、副選做主軸，主力球員輪流上陣保持比賽狀態，我係支持既。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 喺英超冇嘢爭，又啱啱先喺兩日前踢足120分鐘比賽，兩場比賽相隔都冇72小時，阿莫林一早已經講到明話會比青年軍上陣，同埋比啲高危有機會受傷既球員抖下， 所以我賽前一早都預計到呢場有機會輸波。
2. 所以當公佈正選時，個正選陣容唔意外地收埋咗大部份主力，般奴、卡斯米路、Dalot、約羅全部後備，Shaw連影都唔見埋(其實我有啲擔心佢係咪又傷，不過有page話純粹係比佢休息)，仲出咗兩個青年軍Amass同Fredicson。雖然係咁，但其實我想睇多啲青年軍，就好似Sekou Kone呢個，一路都有source話球會好滿意佢既development，點知後備都冇。
3. 其實喺護級基本上唔成問題，英超又冇嘢好爭既情況下，我自己今場既重點唔係輸贏，而係比賽既context，即係一個form應該係全隊邊個出場上面都睇得到有啲內容。另外就係求神拜佛千其唔好再有人傷…
4. 就比賽內容黎講，呢場波算係曼聯今季無論係坦克定阿莫林手下時對同級或者中下遊球隊既寫照，佔盡優勢，創造極多優良既機會，自己全部炒晒(今場啲黃金機會全部自炒，對面龍面冇乜需要救波)，然後後防一下爆炸就失波。上半場就大家鬥慢板，冇乜特別嘢睇，但下半場曼聯其實起碼四個黃金機會，一個係賀龍，另外三個係來自後備上陣既曼治同般奴，其中曼治果下後上禁區無人看管可以話真係射到離晒譜，個波一嘢飛咗上看台。
5. 其實今場啲防守算係做得唔錯，犯錯都唔算多，只係人哋球罰真係射得好靚，係球犯規有少少唔抵。
6. 所以如果真係睇返個比賽內容，尤其是出咗三個小朋友，其中兩個係踢足90分鐘，而啲主力都輪換既情況下，成個表現反而係幾有驚喜，成場壓住狼隊黎踢，防守上冇乜大錯，兩個正選小朋友好對板，唯一唔滿意既，就係把握力依然係奇差。
7. 正如第一段所講，輸其實係預計之中，但係以比賽內容黎睇，表現得係好唔錯，咁樣輸先至唔抵。
8. 講返少少個別球員。今場出咗Amass同Fredicson，個人意見，兩個都踢得唔錯，算係處理啲波幾冷靜，不過輸波球罰球雖然係大力神犯規，但我冇記錯Fredicson係第一下比人過咗先，只係青年軍踢成咁，我覺得已經完全有晒交待，尤其是Amass，進攻參與度多咗，仲慢慢適應英超果種硬朗踢法，唔錯。
9. 而另一位備受期待既前鋒Obi，今場有二十五至三十分鐘(連埋補時)既機會比佢表演，但係表現相對失色，我唔會對佢太harsh，畢竟得17歲，只係對比起另外兩位青年軍今場留比我既深刻印象，佢今場算係失色少少。完場後喺曼聯心Page同某位巴打傾開講，可能我要求高，但除咗駁腳一、兩下之外，我希望既係睇到入攝、搶點、埋門、射門，今日Obi真係冇。大家唔認同唔緊要，feel free to discuss，理性討論就好。
10. 加拿祖今日好勁。我都話過好多次，肯交波、唔鳩射既加拿祖真係好勁，只不過今次到隊友令佢失望，同樣都係後備入黎既般奴同埋Mount，兩個人如出一徹喺禁區入面後上接應加拿祖妙傳，空晒任射，兩個都係自己射飛機/斜出。仲有賀隆球門前來遲半秒，都係加拿祖出既波黎。
11. 賀龍…我會用繼續迷失黎形容，一次門前黎前半秒失機，仲有一下過得好靚單刀比人追上仲繼續扭入去，呢球應該傳喇，尾柱多古定文奴(黑人睇唔清楚，似係多古)空晒，佢就夾硬起腳比人block咗。
12. 呢場其實最緊要唔好有人傷，但連迪路夫被換出之後，好似有接受軍醫治療，不過暫時唔見有消息話佢受傷…more to follow
13. 曼迷要有心理準備，今季英超，曼聯可能唔會再贏到波…不過，將主戰場移去歐霸，英超完全無護級壓力下寓賽於操，以青年軍、副選做主軸，主力球員輪流上陣保持比賽狀態，我係支持既。
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊