紅魔日報 曼聯六名傷兵情況一覽 其中二人有機會於作客修咸頓復出 11-9-2024
1. 國際賽期，球會冇比賽，不過都可以講講曼聯果六個傷兵最近既情況係點既。
2. 個人覺得最大機會響星期六作客對修咸頓既比賽復出到既，應該就係上季曼聯所有比賽既頭號射手賀隆。早兩個星期，對利物浦既比賽之前，曼聯既社交媒體上面都已經發報咗佢復操既相同影片，相信呢場對修咸頓既比賽賀隆可以候名。
3. 不過，我估賀隆比較大機會後備出場踩下草先，始終傷咗個鳩幾月，體能上面未必fit，踩草踢二十分鐘左右，pick up返個狀態先。
4. 另一個有機會復出既係Luke Shaw梳爾。如果照球會一早公佈既講法，Shaw既目標就係響國際賽之後既比賽復出，不過究竟呢位為國捐軀既民族英雄係咪真係可以復出呢？我其實有少少保留。
5. 截筆為止，暫時我都未見曼聯官方有好似賀隆復操既時候，又拍片又影相咁高調話Shaw復操，官方係完全冇消息。只係得當地既小報曼徹斯特晚報講過，話如果一切根據按照計劃進行，咁樣Shaw就會好大機會可以響對修咸頓既比賽入面復出。
6. 其實，即係講咗等於冇講既廢話。我夠知如果一切冇變數既話Shaw會復出喇，問題係呢個球員就係充滿變吖嘛！
7. 我對Shaw係有少少微言架喇，球會出糧，你就走去為國捐軀。唔好話只係最尾踢咗三場應該唔關事。暑假原本就係比球員抖下，你條友未傷完就急住復出，啲療程同為咗比賽而進行既操練，係一定同比你放暑假既療程唔同，佢夾硬要未好返晒就復出既，咪盞舊患好容易就復發？
8. 退100萬步黎講，就算有極度可靠既科學分析話Shaw新傷原來真係完全1000%同國家隊無關既，但係球會既比賽你就缺席咗半季，英格蘭既比賽，你就急住要復出，結果踢完國家隊既比賽一返黎半分鐘都未出過又傷，呢個觀感都真係好肉酸啫。
9. 今日睇咗一個post，係由Give me Sport嘅記者Dean Jones所講，佢話新老細Sir Jim Ratcliffe唔係幾滿意Shaw既做法，覺得佢唔可靠，唔值得依賴。
10. 其實Sir Jim對佢有微言都有跡可尋，大家記唔記得英格蘭歐國盃決賽前，身為英國人嘅Sir Jim響佢對英軍嘅祝福message入面講咗啲乜？祝福完英軍之後，佢特別點名Shaw，叫佢踢還踢，唔好再拉傷肌肉腿筋，呢個就算你唔係英國人，都聽得出呢句有骨喇，係咪？
11. 佢都好彩2023年嘅時候啱啱續咗新約，繼續安安穩穩咁逗緊一個星期15萬英鎊嘅週薪，如果佢而家先黎傾續約，我懷疑Sir Jim同INEOS會唔會同佢續約都成問題，而且就算真係續，都唔會有15萬鎊週薪咁高。
12. 不過即使係咁都好，能力方面我又對佢絕對唔懷疑，承然，健康既Shaw響英超黎講，依然係數一數二，我仍然係希望佢今年可以遠離傷患，如果真係咁，我諗真係冇人care你踢唔踢國家隊啊！
13. 至於連迪路夫，之前坦克響對陣白禮頓既記者會入面，就提到佢腳趾受傷，樂觀既話，應該好快就可以復出。不過都係截至執筆呢一刻，我依然未見有任何update，唔知佢會唔會出到。
14. 不過又好老實，相比起賀隆同Shaw，冰人復唔復出到，對曼聯既影響就唔大，畢竟冰人既定位都係輪換、替工居多，如果真係冇人而要逼住出佢既時候，曼聯既情形都幾大鑊。
15. 至於其他曼聯球員，就住手頭上面有既資料(其實都係MEN)黎講，都唔會咁快可以復出住。曼治預計10月初、馬拉西亞10月中(但呢個我非常懷疑)、約羅就11月中。
16. 不過話說回來，英超都只係踢咗三輪，我哋已經有六個一隊既傷兵，認真威水…
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #曼徹斯特晚報 #ManchesterEveningNews
#曼晚 #LenyYoro #約羅 #RasmusHojlund #賀隆 #LukeShaw #梳爾
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 國際賽期，球會冇比賽，不過都可以講講曼聯果六個傷兵最近既情況係點既。
2. 個人覺得最大機會響星期六作客對修咸頓既比賽復出到既，應該就係上季曼聯所有比賽既頭號射手賀隆。早兩個星期，對利物浦既比賽之前，曼聯既社交媒體上面都已經發報咗佢復操既相同影片，相信呢場對修咸頓既比賽賀隆可以候名。
3. 不過，我估賀隆比較大機會後備出場踩下草先，始終傷咗個鳩幾月，體能上面未必fit，踩草踢二十分鐘左右，pick up返個狀態先。
4. 另一個有機會復出既係Luke Shaw梳爾。如果照球會一早公佈既講法，Shaw既目標就係響國際賽之後既比賽復出，不過究竟呢位為國捐軀既民族英雄係咪真係可以復出呢？我其實有少少保留。
5. 截筆為止，暫時我都未見曼聯官方有好似賀隆復操既時候，又拍片又影相咁高調話Shaw復操，官方係完全冇消息。只係得當地既小報曼徹斯特晚報講過，話如果一切根據按照計劃進行，咁樣Shaw就會好大機會可以響對修咸頓既比賽入面復出。
6. 其實，即係講咗等於冇講既廢話。我夠知如果一切冇變數既話Shaw會復出喇，問題係呢個球員就係充滿變吖嘛！
7. 我對Shaw係有少少微言架喇，球會出糧，你就走去為國捐軀。唔好話只係最尾踢咗三場應該唔關事。暑假原本就係比球員抖下，你條友未傷完就急住復出，啲療程同為咗比賽而進行既操練，係一定同比你放暑假既療程唔同，佢夾硬要未好返晒就復出既，咪盞舊患好容易就復發？
8. 退100萬步黎講，就算有極度可靠既科學分析話Shaw新傷原來真係完全1000%同國家隊無關既，但係球會既比賽你就缺席咗半季，英格蘭既比賽，你就急住要復出，結果踢完國家隊既比賽一返黎半分鐘都未出過又傷，呢個觀感都真係好肉酸啫。
9. 今日睇咗一個post，係由Give me Sport嘅記者Dean Jones所講，佢話新老細Sir Jim Ratcliffe唔係幾滿意Shaw既做法，覺得佢唔可靠，唔值得依賴。
10. 其實Sir Jim對佢有微言都有跡可尋，大家記唔記得英格蘭歐國盃決賽前，身為英國人嘅Sir Jim響佢對英軍嘅祝福message入面講咗啲乜？祝福完英軍之後，佢特別點名Shaw，叫佢踢還踢，唔好再拉傷肌肉腿筋，呢個就算你唔係英國人，都聽得出呢句有骨喇，係咪？
11. 佢都好彩2023年嘅時候啱啱續咗新約，繼續安安穩穩咁逗緊一個星期15萬英鎊嘅週薪，如果佢而家先黎傾續約，我懷疑Sir Jim同INEOS會唔會同佢續約都成問題，而且就算真係續，都唔會有15萬鎊週薪咁高。
12. 不過即使係咁都好，能力方面我又對佢絕對唔懷疑，承然，健康既Shaw響英超黎講，依然係數一數二，我仍然係希望佢今年可以遠離傷患，如果真係咁，我諗真係冇人care你踢唔踢國家隊啊！
13. 至於連迪路夫，之前坦克響對陣白禮頓既記者會入面，就提到佢腳趾受傷，樂觀既話，應該好快就可以復出。不過都係截至執筆呢一刻，我依然未見有任何update，唔知佢會唔會出到。
14. 不過又好老實，相比起賀隆同Shaw，冰人復唔復出到，對曼聯既影響就唔大，畢竟冰人既定位都係輪換、替工居多，如果真係冇人而要逼住出佢既時候，曼聯既情形都幾大鑊。
15. 至於其他曼聯球員，就住手頭上面有既資料(其實都係MEN)黎講，都唔會咁快可以復出住。曼治預計10月初、馬拉西亞10月中(但呢個我非常懷疑)、約羅就11月中。
16. 不過話說回來，英超都只係踢咗三輪，我哋已經有六個一隊既傷兵，認真威水…
#不專業足球筆記 #足球專欄 #我愛紅魔鬼 #紅魔日報 #曼聯每日情報站
#曼聯 #ManchesterUnited #曼徹斯特晚報 #ManchesterEveningNews
#曼晚 #LenyYoro #約羅 #RasmusHojlund #賀隆 #LukeShaw #梳爾
曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊