紅魔日報 傾唔掂烏加特？Plan B C浮上水 雲比沙卡要曼聯賠錢先肯轉會韋斯咸！ 8-8-2024 精選

紅魔日報 傾唔掂烏加特？Plan B C浮上水 雲比沙卡要曼聯賠錢先肯轉會韋斯咸！ 8-8-2024
影片版本︰ https://youtu.be/2boSBMGIa-k
1. 呢兩日吹得最多既，就係因為巴黎聖日耳門企硬要5100萬英鎊唔肯減價，所以曼聯唔會再死追佢哋既防中烏加特，除非PSG肯減價。

2. 當然，咁唔係話曼聯對烏加特冇興趣，但如果唔減價，曼聯係唔會比錢既。而呢啲消息係經過轉會大神David Ornstein認證，相信都唔會係流料。
3. 曼聯對中場既補強非常重視，曼聯決定退出烏加特轉會呢單消息一出，即刻有唔少既候補中場名單流出。

4. 暫時吹得最勁既，係效力英冠般尼既挪威中場辛達·貝治，要價大約係2000萬鎊。

5. 貝治係上季英超長傳最準既第二名，防守都唔差，但都係冇烏加特咁專長，但如果二千萬鎊有交易，都不失為一估唔錯既選擇。

6. 另外，根據著名記者Ben Jacobs表示，曼聯亦都將阿特蘭大既巴西國腳艾達臣視為另一位潛在既中場人選。不過，比起純粹既防守中場，艾達臣更加偏向8號位，而且估計要超過4000萬歐元，咁計落，踢過英超既貝治似乎化算啲喎。

7. 講下後防轉會消息。拜仁方面，佢哋仲未放迪列特既話，將會唔夠錢去買泰亞。
8. 拜仁方面似乎一樣想搵曼聯老襯，企硬要高價先肯放迪列特，佢哋堅持最少要5000萬歐元再加add on，曼聯就只係想比3500萬歐元加add on。

9. 明就明拜仁想屈曼聯呢條出晒名既水魚一筆，但利華古遜係唔會等佢哋既，最新消息係過埋今個星期，利華古遜就會冚牌，唔再出售泰亞。

10. 呢招會唔會逼到拜仁課金？又會唔會逼到拜仁肯減價賣人？呢個星期會有答案。

11. 右閘方面，同樣係唔明朗，最大變數係雲比沙卡。

12. 基於佢下年就可以自由身離隊，佢向曼聯獅子開大口，要求700萬鎊既分手費！

13. 要知道，韋斯咸向曼聯既報價先得果1800萬鎊…呢度係講緊超過三份之一既費用！
14. 此例一出，曼聯第時要賣人就難上加難！一陣個個都要分手費，咁仲得了？但如果雲比沙卡唔走，曼聯又買唔到拜仁右閘馬斯奧爾，呢次真係頭痕，考下新管理層既功力！

15. 後費格遜年代，好多時係現役球員先係最難搞，如果唔係，曼聯既更衣室都唔會出名toxic喇…有毒啊！


#不專業足球筆記 #足球專欄 #我愛紅魔鬼 #紅魔日報 #曼聯 #ManchesterUnited #DavidOrnstein #拜仁慕尼黑 #BayernMunich #Leverkusen #利華古遜 #JonathanTa #泰亞 #迪列特 #MatthijsdeLigt #NoussairMazraoui #馬斯奧爾 #韋斯咸 #Westham #AaronWanBissaka #雲比沙卡 #BenJacobs #亞特蘭大 #Atalanta #艾達臣 #Ederson #SanderBerge #辛特貝加


曼聯Youtube Channel︰ https://www.youtube.com/@manutddailyinfo
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938