福仔完成體測即將加盟巴塞 回望紅魔生涯感唏噓；David Ornstein︰曼聯於麥保莫轉會一事其實留有後手有Plan B (紅魔日報 21-7-2025)
又係同大家吹下水傾波經既時間。因為自己冇識波牌，例牌要帶頭盔，以下都係我自己既諗法啫，如果有唔同意見，歡迎吹水傾下計。
1. 雖然未正式公佈，但唔同渠道既新聞都報導咗福仔尋晚已經飛抵巴塞，今日仲過埋體測添。至於身價都眾說紛云，我take返Fabrizio Romano既消息為準先喇。
2. 簡單講，冇提到有租借費、福仔會拎既係喺曼聯75%既人工、有買斷選項、同車仔一樣唔買既話有罰款，買斷費用係3000萬歐元，罰款唔知但一定少過500萬鎊。
3. 見住呢位曾經既青訓代表人物搞到咁樣，都真係好唏噓。雖然唔係曼聯名宿，但米卡李察士講過，福仔曾經係一個可比肩麥巴比既球員（呢方面我覺得大太誇張喇），佢無人問津搞到要求人借走佢咁款，係曼聯比咗一份唔相稱既人工佢，呢份人工，對應返佢既實力，應該得沙地班油王比得起。都有啲暗示，福仔喺曼聯搞到咁，呢份咁既天價人工可能真係害咗佢。
4. 其實我由佢揀10號果季已經講過，佢果陣仲好green但竟然揀10號，係自視太高。果陣未開page就冇文字證明留底，但果陣已經識拖船佬，佢可以做證。一直以黎，佢比我既感覺係自視好高，本身唔係一件壞事，但可能曼聯既更衣室氣氛真係唔夠好，佢自己又玻璃心，身邊既人(場外朋友)又對佢有負面影響，慢慢地佢既私生活就成為咗人談論既話題，場上面既表現反而越黎越差、越黎越懶，對手帶住個波喺隔離都唔追。記得麥卡倫講過，佢做助教時玩啲隊內分組淘汰賽，福仔果隊入咗決賽，佢講笑咁講「我相信福仔果隊會贏啊」，但福仔嘅反應係「點解你要俾壓力我？」（In response, the player questioned why additional pressure was being put on him.）
5. 睇住你大，睇住你壞既感覺…當然，佢有做慈善派飯，心地未必差，呢度既壞係指佢喺場上面既態度啫。
6. 其實萬一佢會喺巴塞翻生（唔好同我講佢喺維拉算係翻生），我唔意外，我覺得佢實力係有，係態度問題。喺曼聯佢係大佬，全世界(至少曾經)圍繞住佢轉，踢得唔好一樣有得踢，去到新環境，要努力爭個正選位黎，需要投入既心力，不可同日而語。係好有為他人作嫁衣既感覺，但曼聯既氛圍就曾經係咁，冇計，唯有希望阿摩連可以執好個風氣。
7. 睇咗春福篇分析文，講David Ornstein既節目，(佢果篇文好正，推薦)，有兩點想分享下︰
"Mbeumo 嘅交易終於落實，儘管球迷認為談判時間長、增兵進度慢，Ornstein 認為曼聯並不是唯一一隊「未能滿足球迷」嘅隊伍。
「曼聯今夏嘅原有budget（喺唔需要出售任何人嘅前題下），能夠完成到兩宗收購，目標亦set 係美國之旅前完成 --- 結果Cunha 及 Mbeumo 亦的確喺美國熱身賽前加盟。」
曼聯原先想收購Cunha 及Delap，但隨著後者選擇車路士，目標轉去Wide Attacker --- Mbeumo一直都喺清單上嘅首選，受同樣重視嘅亦包括般尼茅夫球員Semenyo。"
8. 我之前講過話一直追麥保莫唔緊要，傾耐少少都OK，只要價錢唔係比人當水魚撳住搶，就算傾太長時間但最後傾唔成我都冇問題，關鍵係要有Plan B。
9. 非常好。根據David Ornstein所講，曼聯原來真係有Plan B，就係般茅既施曼尤，咁數據，佢入波就已經少麥保莫接近一半，得11個英超入波，咁但係話明Plan B，梗係冇咁勁，都好正常既。反正而家都唔重要，麥保莫都嚟咗咯，至少證明咗曼聯其實都留有一手準備，有啲幾十年曼迷係咁鬧鬧鬧，但其實我哋只係球迷，難聽啲講，其實係局外人，完全唔知入面發生乜嘢事。
10. 要屌又好，要讚又好，等到9月1號先喇，到時應該可以公道啲去評價功過。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
又係同大家吹下水傾波經既時間。因為自己冇識波牌，例牌要帶頭盔，以下都係我自己既諗法啫，如果有唔同意見，歡迎吹水傾下計。
1. 雖然未正式公佈，但唔同渠道既新聞都報導咗福仔尋晚已經飛抵巴塞，今日仲過埋體測添。至於身價都眾說紛云，我take返Fabrizio Romano既消息為準先喇。
2. 簡單講，冇提到有租借費、福仔會拎既係喺曼聯75%既人工、有買斷選項、同車仔一樣唔買既話有罰款，買斷費用係3000萬歐元，罰款唔知但一定少過500萬鎊。
3. 見住呢位曾經既青訓代表人物搞到咁樣，都真係好唏噓。雖然唔係曼聯名宿，但米卡李察士講過，福仔曾經係一個可比肩麥巴比既球員（呢方面我覺得大太誇張喇），佢無人問津搞到要求人借走佢咁款，係曼聯比咗一份唔相稱既人工佢，呢份人工，對應返佢既實力，應該得沙地班油王比得起。都有啲暗示，福仔喺曼聯搞到咁，呢份咁既天價人工可能真係害咗佢。
4. 其實我由佢揀10號果季已經講過，佢果陣仲好green但竟然揀10號，係自視太高。果陣未開page就冇文字證明留底，但果陣已經識拖船佬，佢可以做證。一直以黎，佢比我既感覺係自視好高，本身唔係一件壞事，但可能曼聯既更衣室氣氛真係唔夠好，佢自己又玻璃心，身邊既人(場外朋友)又對佢有負面影響，慢慢地佢既私生活就成為咗人談論既話題，場上面既表現反而越黎越差、越黎越懶，對手帶住個波喺隔離都唔追。記得麥卡倫講過，佢做助教時玩啲隊內分組淘汰賽，福仔果隊入咗決賽，佢講笑咁講「我相信福仔果隊會贏啊」，但福仔嘅反應係「點解你要俾壓力我？」（In response, the player questioned why additional pressure was being put on him.）
5. 睇住你大，睇住你壞既感覺…當然，佢有做慈善派飯，心地未必差，呢度既壞係指佢喺場上面既態度啫。
6. 其實萬一佢會喺巴塞翻生（唔好同我講佢喺維拉算係翻生），我唔意外，我覺得佢實力係有，係態度問題。喺曼聯佢係大佬，全世界(至少曾經)圍繞住佢轉，踢得唔好一樣有得踢，去到新環境，要努力爭個正選位黎，需要投入既心力，不可同日而語。係好有為他人作嫁衣既感覺，但曼聯既氛圍就曾經係咁，冇計，唯有希望阿摩連可以執好個風氣。
7. 睇咗春福篇分析文，講David Ornstein既節目，(佢果篇文好正，推薦)，有兩點想分享下︰
"Mbeumo 嘅交易終於落實，儘管球迷認為談判時間長、增兵進度慢，Ornstein 認為曼聯並不是唯一一隊「未能滿足球迷」嘅隊伍。
「曼聯今夏嘅原有budget（喺唔需要出售任何人嘅前題下），能夠完成到兩宗收購，目標亦set 係美國之旅前完成 --- 結果Cunha 及 Mbeumo 亦的確喺美國熱身賽前加盟。」
曼聯原先想收購Cunha 及Delap，但隨著後者選擇車路士，目標轉去Wide Attacker --- Mbeumo一直都喺清單上嘅首選，受同樣重視嘅亦包括般尼茅夫球員Semenyo。"
8. 我之前講過話一直追麥保莫唔緊要，傾耐少少都OK，只要價錢唔係比人當水魚撳住搶，就算傾太長時間但最後傾唔成我都冇問題，關鍵係要有Plan B。
9. 非常好。根據David Ornstein所講，曼聯原來真係有Plan B，就係般茅既施曼尤，咁數據，佢入波就已經少麥保莫接近一半，得11個英超入波，咁但係話明Plan B，梗係冇咁勁，都好正常既。反正而家都唔重要，麥保莫都嚟咗咯，至少證明咗曼聯其實都留有一手準備，有啲幾十年曼迷係咁鬧鬧鬧，但其實我哋只係球迷，難聽啲講，其實係局外人，完全唔知入面發生乜嘢事。
10. 要屌又好，要讚又好，等到9月1號先喇，到時應該可以公道啲去評價功過。
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊