港隊賽後評
亞洲盃外圍賽 新加坡 0-0 香港 (25-3-2025)
1. 呢場波贏唔到算有啲唔好彩，但唔輸都夠運，打和其實合理，雙方都各有好近磅既攻勢，但全部都失諸交臂。
2. 上半場香港隊受壓不少，尤其是用周緣德客串右閘既右後防位置幾次出現漏洞，其中一次周緣德迎接傳中時起動慢咗，比身後既新加坡佬攝贏一督，好彩葉鴻輝反應夠快擋到出黎，然後佢將功補過護空門。唔計角球詐糊果球，呢球真係坡佬最佳入球機會。
3. 相比之下，香港球員開波初段踢得比較保守，而坡佬防守貼得好緊，逼到香港球員自己控甩、帶甩，唔少球員都有咁既情況，其中黃威作為10號位多波到，呢個情況更加顯眼，如果去到佢比人換走之前果三十幾分鐘既表現黎講，如果要換走一個去換茹子入黎打返個右閘，咁揀佢都黎無可厚非。
4. 周緣德踢右閘既時候的確有啲比人弱點攻擊咁，對面個18號係咁追住佢黎攻，但茹子入黎，佢打返中堅，表現好返唔少，雖然都有一球解圍時唔小心控咗比個波比對面日本仔，搞到爭啲輸波，好彩啱啱柱邊出界，但overall黎講比起喺右閘位大為改善。
5. 用費蘭度打中堅+組織型防守中場，周緣德右閘+右中堅，對住比自己弱既球隊時有用，但呢啲生死大戰五五波，至少今場黎睇效果一般。
6. 下半場港隊如夢初醒，有唔少入肉既攻勢，安永佳頭鎚中楣，而右面艾華頓加茹子都好多配合overlap做到出黎，造成門前混戰，可惜都係射唔入。
7. 稍為嫌艾華頓扭得太多，比既時間好多時都係慢咗。我覺得佢又唔係真係想自己扭入去射埋，佢去到最尾都有傳（當然你可以拗佢扭到個位死晒先傳，但我又覺得唔係），佢似係想吸多幾條友黎防佢，等隊友有空位，其中一次安永佳接黎個1 on 1禁區頂割草式勁射省中人出底線。
8. 對面同樣有唔少攻勢，甚至乎單刀越位入咗球，但睇慢鏡，其實真係越好少。
9. 唔計WW，比較失望係Junior祖連奴，我明佢傷傷地，但幾下禁區內、頂空晒既波，唔係冇力chok咗比龍門，就係自己射咗飛機出界。
10. 我有啲唔明點解要換李小恆落黎，孫銘唔差，雖然傳中次數唔多，但每次都好有威脅，其中一次仲爭啲逼到對面擺烏龍。小恆都係上場既問題，點解唔敢用左腳？有下佢接應地波推到底線，用左腳即出應該靚晒，佢偏偏要吸返去右腳先傳中，結果一吸，對手右閘返到，呢個時候再傳中就比人block咗個波喇。
11. 後防全場算OK，但有幾下（尤其是上半場前半段，仲有下半場人哋單刀詐糊果球）人哋真係一劏就穿晒，當然唔係次次都比人射到，有時後防補位成功，但望落去有一種抹一把汗既感覺。
12. 進攻方面，就算下半場大有改進，但係好多球員，唔止前面講過既艾華頓，佢哋拎完個波好耐先做決定，有時我見到隊友走咗個靚位，但係佢哋都冇比到，自己扭多幾下，喺呢啲水平既比賽，機會真係稍眾即逝，一慢咗，成個攻勢已經打咗七折。呢方面坡佬反而做得幾好，佢哋啲劏穿波就係咁黎，尤其換咗個日本仔入黎之後更加明顯，日本仔既串連真係做得好好，連到本來下半場前段比港隊壓住黎打既新加坡重新做到好多有威脅既攻勢。
13. 整體黎講，作客拎到1分，唔係太差，但喺每組只有第一名可以入到亞洲盃決賽周既情況黎睇，每一分都好重要。
#不專業足球筆記 #足球專欄 #專欄 #我愛本地波 #亞洲盃外圍賽
#香港 #香港隊 #新加坡 #wearehongkong #足球 #賽後評#香港隊勁揪 #香港加油
個人網頁︰ https://www.leafopenleafopen.com
更多專欄︰ https://www.leafopenleafopen.com/unprofessional9up
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
亞洲盃外圍賽 新加坡 0-0 香港 (25-3-2025)
1. 呢場波贏唔到算有啲唔好彩，但唔輸都夠運，打和其實合理，雙方都各有好近磅既攻勢，但全部都失諸交臂。
2. 上半場香港隊受壓不少，尤其是用周緣德客串右閘既右後防位置幾次出現漏洞，其中一次周緣德迎接傳中時起動慢咗，比身後既新加坡佬攝贏一督，好彩葉鴻輝反應夠快擋到出黎，然後佢將功補過護空門。唔計角球詐糊果球，呢球真係坡佬最佳入球機會。
3. 相比之下，香港球員開波初段踢得比較保守，而坡佬防守貼得好緊，逼到香港球員自己控甩、帶甩，唔少球員都有咁既情況，其中黃威作為10號位多波到，呢個情況更加顯眼，如果去到佢比人換走之前果三十幾分鐘既表現黎講，如果要換走一個去換茹子入黎打返個右閘，咁揀佢都黎無可厚非。
4. 周緣德踢右閘既時候的確有啲比人弱點攻擊咁，對面個18號係咁追住佢黎攻，但茹子入黎，佢打返中堅，表現好返唔少，雖然都有一球解圍時唔小心控咗比個波比對面日本仔，搞到爭啲輸波，好彩啱啱柱邊出界，但overall黎講比起喺右閘位大為改善。
5. 用費蘭度打中堅+組織型防守中場，周緣德右閘+右中堅，對住比自己弱既球隊時有用，但呢啲生死大戰五五波，至少今場黎睇效果一般。
6. 下半場港隊如夢初醒，有唔少入肉既攻勢，安永佳頭鎚中楣，而右面艾華頓加茹子都好多配合overlap做到出黎，造成門前混戰，可惜都係射唔入。
7. 稍為嫌艾華頓扭得太多，比既時間好多時都係慢咗。我覺得佢又唔係真係想自己扭入去射埋，佢去到最尾都有傳（當然你可以拗佢扭到個位死晒先傳，但我又覺得唔係），佢似係想吸多幾條友黎防佢，等隊友有空位，其中一次安永佳接黎個1 on 1禁區頂割草式勁射省中人出底線。
8. 對面同樣有唔少攻勢，甚至乎單刀越位入咗球，但睇慢鏡，其實真係越好少。
9. 唔計WW，比較失望係Junior祖連奴，我明佢傷傷地，但幾下禁區內、頂空晒既波，唔係冇力chok咗比龍門，就係自己射咗飛機出界。
10. 我有啲唔明點解要換李小恆落黎，孫銘唔差，雖然傳中次數唔多，但每次都好有威脅，其中一次仲爭啲逼到對面擺烏龍。小恆都係上場既問題，點解唔敢用左腳？有下佢接應地波推到底線，用左腳即出應該靚晒，佢偏偏要吸返去右腳先傳中，結果一吸，對手右閘返到，呢個時候再傳中就比人block咗個波喇。
11. 後防全場算OK，但有幾下（尤其是上半場前半段，仲有下半場人哋單刀詐糊果球）人哋真係一劏就穿晒，當然唔係次次都比人射到，有時後防補位成功，但望落去有一種抹一把汗既感覺。
12. 進攻方面，就算下半場大有改進，但係好多球員，唔止前面講過既艾華頓，佢哋拎完個波好耐先做決定，有時我見到隊友走咗個靚位，但係佢哋都冇比到，自己扭多幾下，喺呢啲水平既比賽，機會真係稍眾即逝，一慢咗，成個攻勢已經打咗七折。呢方面坡佬反而做得幾好，佢哋啲劏穿波就係咁黎，尤其換咗個日本仔入黎之後更加明顯，日本仔既串連真係做得好好，連到本來下半場前段比港隊壓住黎打既新加坡重新做到好多有威脅既攻勢。
13. 整體黎講，作客拎到1分，唔係太差，但喺每組只有第一名可以入到亞洲盃決賽周既情況黎睇，每一分都好重要。
#不專業足球筆記 #足球專欄 #專欄 #我愛本地波 #亞洲盃外圍賽
#香港 #香港隊 #新加坡 #wearehongkong #足球 #賽後評#香港隊勁揪 #香港加油
個人網頁︰ https://www.leafopenleafopen.com
更多專欄︰ https://www.leafopenleafopen.com/unprofessional9up
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊