拉爵點名批評曼聯球員overpaid 阿莫林拆彈回應 (紅魔日報 13-3-2025)
1. 就咁既，之前曼聯新老細拉傑夫爵士接受BBC訪問時直線點名五位球員，暗示佢哋唔夠班，或者係overpaid，件事就梗係引起軒然大波喇，好多媒體都用呢段仔黎大做文章。
2. 好老實，你問我既話，我覺得SJR係講得冇錯，而且事實係唔止呢5位球員，而係全隊都係overpaid，半隊唔夠班，但個問題係，你唔可以喺公開訪問入面大大聲咁講架嘛，好影響士氣，今晚仲要踢皇蘇歐霸次回，曼聯既球員，好老實部份我感覺上係冇乜職業道德（雖然清洗緊），一陣今晚hea踢出局，下季真係冇歐戰踢，你炒多100個人都填唔返條數。
3. 被SJR點名既係卡斯米路、奧拿拿、賀倫、安東尼同辛祖，當然SJR冇直接屌佢哋廢，但聽者一定有意。
4. 卡斯米路同安東尼係2022年夏天加盟曼聯，卡斯米路由皇馬轉會過嚟，轉會費高達6,000萬鎊，加埋附加條款可以升到7,000萬鎊，佢人工仲超過每星期30萬鎊，係隊內最高薪之一。安東尼當年由阿積士加盟，轉會費最高可以去到8,630萬鎊，1億歐元，人工有人話20萬鎊週薪，都有人話12萬，但佢喺阿積士，先係2萬…
5. 至於奧拿拿同賀龍就喺2023年加盟，轉會費分別係4,720萬鎊同最高可達7,200萬鎊，而辛祖早喺2021年已經用7,290萬鎊由多蒙特加盟。
6. 你問我，其實除咗辛祖真係一路都踢唔出水準之外，其他幾個都分別喺曼聯生涯唔同階段，有過好既表現(係啊，奧拿拿上季中到今季坦克走之前好fit，而賀龍係上季曼聯所有賽事既頭號射手，卡斯米路第一季一夫當關萬夫莫敵，而安東尼幾次對利物浦、巴賽既關鍵入波，係球隊晉級歐霸、拎足總盃既功臣)，但係近況都奇差，係overpaid，但又唔係一無是處既。
7. 阿莫林作為曼聯領隊就一定會喺賽前記者會比人問架喇，佢點答？
8. 「老實講，依家無論係我定球員都唔係表現得最好，我哋一定要改變，我自己都係其中一個要改善嘅人。」
「卡斯米路呢啲級數嘅球員，攞過咁多錦標，我哋都知佢應該可以踢得好好多。所以，重點係要改變大家對我哋嘅睇法，唔止拉傑夫，而係所有人。」
「我嚟到呢間球會，外界都質疑我夠唔夠班，但如果係頂級球員，係應該用場上成績去證明自己。」
9. 都make sense既，好彩佢唔係坦克，如果唔係一定又變咗「光頭記者會又贏」、「坦克記者會先拔頭籌」…
10. 另外，雖然曼聯今季英超排名跌到第14位，可能會創1974年降班後最差聯賽成績，但拉傑夫仲係對阿莫林讚不絕口，話佢「做得非常好」。佢甚至半開玩笑話：「我話佢邊度做得唔好，佢就叫我死撚開啦。」
11. 回應呢part既時候，阿莫林就話自己同拉傑夫關係一直都好好：「我哋一直都係好直接、好坦白，我覺得佢都幾有個性，我哋都幾相似。」佢又話：「由第一日開始，我都感受到佢同董事會對我嘅支持。」
12. 至於拉傑夫嗰番言論有冇影響到球員？阿莫林就話：「冇，完全冇人同我投訴，我今日仲覺得訓練氣氛幾好。」
13. 講就咁講，希望係真架喇…今晚場波好快就知有冇影響喇…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 就咁既，之前曼聯新老細拉傑夫爵士接受BBC訪問時直線點名五位球員，暗示佢哋唔夠班，或者係overpaid，件事就梗係引起軒然大波喇，好多媒體都用呢段仔黎大做文章。
2. 好老實，你問我既話，我覺得SJR係講得冇錯，而且事實係唔止呢5位球員，而係全隊都係overpaid，半隊唔夠班，但個問題係，你唔可以喺公開訪問入面大大聲咁講架嘛，好影響士氣，今晚仲要踢皇蘇歐霸次回，曼聯既球員，好老實部份我感覺上係冇乜職業道德（雖然清洗緊），一陣今晚hea踢出局，下季真係冇歐戰踢，你炒多100個人都填唔返條數。
3. 被SJR點名既係卡斯米路、奧拿拿、賀倫、安東尼同辛祖，當然SJR冇直接屌佢哋廢，但聽者一定有意。
4. 卡斯米路同安東尼係2022年夏天加盟曼聯，卡斯米路由皇馬轉會過嚟，轉會費高達6,000萬鎊，加埋附加條款可以升到7,000萬鎊，佢人工仲超過每星期30萬鎊，係隊內最高薪之一。安東尼當年由阿積士加盟，轉會費最高可以去到8,630萬鎊，1億歐元，人工有人話20萬鎊週薪，都有人話12萬，但佢喺阿積士，先係2萬…
5. 至於奧拿拿同賀龍就喺2023年加盟，轉會費分別係4,720萬鎊同最高可達7,200萬鎊，而辛祖早喺2021年已經用7,290萬鎊由多蒙特加盟。
6. 你問我，其實除咗辛祖真係一路都踢唔出水準之外，其他幾個都分別喺曼聯生涯唔同階段，有過好既表現(係啊，奧拿拿上季中到今季坦克走之前好fit，而賀龍係上季曼聯所有賽事既頭號射手，卡斯米路第一季一夫當關萬夫莫敵，而安東尼幾次對利物浦、巴賽既關鍵入波，係球隊晉級歐霸、拎足總盃既功臣)，但係近況都奇差，係overpaid，但又唔係一無是處既。
7. 阿莫林作為曼聯領隊就一定會喺賽前記者會比人問架喇，佢點答？
8. 「老實講，依家無論係我定球員都唔係表現得最好，我哋一定要改變，我自己都係其中一個要改善嘅人。」
「卡斯米路呢啲級數嘅球員，攞過咁多錦標，我哋都知佢應該可以踢得好好多。所以，重點係要改變大家對我哋嘅睇法，唔止拉傑夫，而係所有人。」
「我嚟到呢間球會，外界都質疑我夠唔夠班，但如果係頂級球員，係應該用場上成績去證明自己。」
9. 都make sense既，好彩佢唔係坦克，如果唔係一定又變咗「光頭記者會又贏」、「坦克記者會先拔頭籌」…
10. 另外，雖然曼聯今季英超排名跌到第14位，可能會創1974年降班後最差聯賽成績，但拉傑夫仲係對阿莫林讚不絕口，話佢「做得非常好」。佢甚至半開玩笑話：「我話佢邊度做得唔好，佢就叫我死撚開啦。」
11. 回應呢part既時候，阿莫林就話自己同拉傑夫關係一直都好好：「我哋一直都係好直接、好坦白，我覺得佢都幾有個性，我哋都幾相似。」佢又話：「由第一日開始，我都感受到佢同董事會對我嘅支持。」
12. 至於拉傑夫嗰番言論有冇影響到球員？阿莫林就話：「冇，完全冇人同我投訴，我今日仲覺得訓練氣氛幾好。」
13. 講就咁講，希望係真架喇…今晚場波好快就知有冇影響喇…
#不專業足球筆記 #足球專欄 #我愛紅魔鬼 #紅魔日報 #曼聯每日情報站 曼聯 #ManchesterUnited
曼聯Page︰ https://www.facebook.com/manutddailyinfo/
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊