不專業足球筆記（四十八）︰理文真係自爆拱手相讓港超冠予大埔；劉智樂破華人入球紀錄榮最佳11人；巴科爾力壓陳肇鈞榮登足球先生
1. 港超聯曲終人散，喺度都恭喜大埔再次奪得港超聯冠軍！
2. 唔係馬後炮，由理文喺聯賽榜反超前大埔果一刻，我已經喺當時既集數入面講過，話雖然理文既對手牌面上睇落並唔強，但係佢哋既傳統就係自爆，九龍城果場爆唔成，咁就對流浪時爆喇，煞科戰佢哋慘吞流浪三隻光蛋，將本來差唔多到手既冠軍寶座拱手讓比大埔。
3. 其實李文恩都交咗唔少學費，可惜今季都仲係要再交多一次，引援失誤、教練問題、港腳級數球員走咗唔少、引入返有質素既本地華將唔夠、心理質素差…呢啲就係理文今季睇到既大問題，我諗要講仲可以再講多啲。所以睇返轉頭，佢哋全季既表現黎睇，其實並唔值得拎冠。
4. 咁當然冇得咁講，其他幾隊前列份子都係各有各既缺點同低潮喇，況且如果真係聯賽拎到冠軍，真係佢哋本事，只係可惜咗今季佢哋都係要貫徹傳統黎自爆，最後一刻先失冠，冠軍得而復失，有啲可惜。
5. 大埔雖然季尾因為傷兵問題表現有所回落甚至一度喪失爭冠主導權，而且有好多問題好似臨場換人調動同戰術調整方面都係有進步既空間，但佢哋overall黎講差唔多由頭帶到尾，拎冠都算合理既。
6. 港超球季仲爭一場足總盃決賽就落幕，雖然我好欣賞東方既青春風暴，同埋佢季中比中超中甲拆骨之後仲依然表現得非常頑強，但我比較希望流浪拎冠多啲，無他既，因為我好鍾意劉智樂，佢今季既表現真係好惹人好感，多年前既「阿媽，我得咗」同埋啲訪問入面都睇得出佢係一個孝順仔，咁點令人唔喜歡佢呢？
7. 今季破咗港超本地華人入球紀錄既劉智樂，更加係榮獲咗今季既香港足球明星11人入面既其中一位最佳前鋒，我覺得以佢今季既表現，真係實至名歸。
8. 講起今季香港足球明星選舉，今屆既足球先生同埋最佳教練都同樣唔係出自港超冠軍球隊大埔，而係黎自東方既巴科爾同埋盧比度。
9. 講過喇，東方雖然唔係港超冠軍，但佢哋擊敗理文奪得銀牌冠軍，另外仲殺入足總盃決賽，有機會雙冠王，港超鬥到入最後直路，以佢哋比人拆骨既情況同人腳既情況，呢班青春風暴真係超額完成。巴科爾都一樣，作為港超神射手，拎足球先生都係實至名歸。
10. 雖然…我既足球先生心水係大埔既陳肇鈞，哈哈。一來大埔拎冠軍，二來佢真係大埔既核心，睇下佢傷咗之後大埔踢得幾辛苦就知，不過overall黎講，我都認為咁多位得獎者都係實至名歸既！
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 港超聯曲終人散，喺度都恭喜大埔再次奪得港超聯冠軍！
2. 唔係馬後炮，由理文喺聯賽榜反超前大埔果一刻，我已經喺當時既集數入面講過，話雖然理文既對手牌面上睇落並唔強，但係佢哋既傳統就係自爆，九龍城果場爆唔成，咁就對流浪時爆喇，煞科戰佢哋慘吞流浪三隻光蛋，將本來差唔多到手既冠軍寶座拱手讓比大埔。
3. 其實李文恩都交咗唔少學費，可惜今季都仲係要再交多一次，引援失誤、教練問題、港腳級數球員走咗唔少、引入返有質素既本地華將唔夠、心理質素差…呢啲就係理文今季睇到既大問題，我諗要講仲可以再講多啲。所以睇返轉頭，佢哋全季既表現黎睇，其實並唔值得拎冠。
4. 咁當然冇得咁講，其他幾隊前列份子都係各有各既缺點同低潮喇，況且如果真係聯賽拎到冠軍，真係佢哋本事，只係可惜咗今季佢哋都係要貫徹傳統黎自爆，最後一刻先失冠，冠軍得而復失，有啲可惜。
5. 大埔雖然季尾因為傷兵問題表現有所回落甚至一度喪失爭冠主導權，而且有好多問題好似臨場換人調動同戰術調整方面都係有進步既空間，但佢哋overall黎講差唔多由頭帶到尾，拎冠都算合理既。
6. 港超球季仲爭一場足總盃決賽就落幕，雖然我好欣賞東方既青春風暴，同埋佢季中比中超中甲拆骨之後仲依然表現得非常頑強，但我比較希望流浪拎冠多啲，無他既，因為我好鍾意劉智樂，佢今季既表現真係好惹人好感，多年前既「阿媽，我得咗」同埋啲訪問入面都睇得出佢係一個孝順仔，咁點令人唔喜歡佢呢？
7. 今季破咗港超本地華人入球紀錄既劉智樂，更加係榮獲咗今季既香港足球明星11人入面既其中一位最佳前鋒，我覺得以佢今季既表現，真係實至名歸。
8. 講起今季香港足球明星選舉，今屆既足球先生同埋最佳教練都同樣唔係出自港超冠軍球隊大埔，而係黎自東方既巴科爾同埋盧比度。
9. 講過喇，東方雖然唔係港超冠軍，但佢哋擊敗理文奪得銀牌冠軍，另外仲殺入足總盃決賽，有機會雙冠王，港超鬥到入最後直路，以佢哋比人拆骨既情況同人腳既情況，呢班青春風暴真係超額完成。巴科爾都一樣，作為港超神射手，拎足球先生都係實至名歸。
10. 雖然…我既足球先生心水係大埔既陳肇鈞，哈哈。一來大埔拎冠軍，二來佢真係大埔既核心，睇下佢傷咗之後大埔踢得幾辛苦就知，不過overall黎講，我都認為咁多位得獎者都係實至名歸既！
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊