不專業足球筆記（四十五）︰國米巴塞入球show好睇過戲；大埔堅sir球員賽後同球迷互屌；南華十二碼淘汰中西區入足總盃決賽
1. 好好睇！歐聯四強次回合，國際米蘭峰迴路轉咁擊敗巴塞隆拿，率先進入決賽！
2. 作為花生友，總係有種鋤強扶弱既心態，所以我睇場波既時候，係想國際米蘭爆冷擊敗巴塞多啲，不過事實上，雖然整體實力一定係巴塞高啲，但國際米蘭既戰術調動得宜，最後贏到場波。
3. 第一場波已經踢成3比3，而且每次都係國米領先再追返，仲要作客喎，我諗其實冇人敢睇低國米既，巴塞都一定唔會，不過今場一樣都係國米領先，佢哋防反做得好好，上半場國米係踢得好啲，佢哋領先兩球都合理，至於球十二碼，我覺得應該判既，睇直播唔覺，但VAR一介入，慢鏡睇返，完全係唔中波中腳。
4. 不過下半場巴塞食咗春藥咁，喺前場搶咗好多波，再大舉進攻，60分鐘前已經連追兩球，仲要89分鐘射入第三球，巴塞兩回合第一次反超前，我當時就覺得好可惜，國米領先過咁多次，但始終都係過唔到巴塞，不過輸比巴塞唔係乜嘢恥辱既，係可惜啲囉。
5. 點知呢個念頭都仲未散，果頭國米就由37老將Acerbi追返3比3，賽後又有爭議究竟鄧費斯有冇犯規，我覺得冇，就你搵顯微鏡去睇，最多都只可以話疑似腳撞腳。
6. 加時國米再入一球，而今次佢哋真係終於守得住到完場…3年內2入決賽，而且今次既含金量，比起兩季前既要重，當時佢哋條線避開咗強敵，但今次佢哋係贏拜仁，再贏巴塞，講實力，國米應該唔夠呢隊勁，但係佢哋真係戰術調動得宜，係值得贏既。講歐聯四強，個人認為陣容牌面上最差一定係國米，但咁唔代表佢哋一定輸，足球唔係話十一條友夠勁就一定贏，今次國米就證明咗呢一點。決賽無論佢哋對手係PSG定阿仙奴都好，我覺得國米一定係睇低一線果隊，但係有冇機會爆冷？就睇下恩沙基仲有冇魔法可以施展喇。
7. 呢場波，除咗真係精彩到令人拍案叫絕，睇戲咁睇，兩回合有成13個入波之外，仲有就係…也馬真係好勁，但佢再勁都好，都唔夠今日上咗身CL咗S既Sommer搶鏡，誠然，第三球失波佢可以再做好少少，將個波打去向兩邊，不過講就易，咁近咁短時間唔一定做到，而且佢唔好計呢球，呢場波做咗好多神救，MOM，非Sommer莫屬。
8. 一陣有時間既話，可能都會做另一次花生友，希望PSG同阿仙奴，都會合演一場好波。
9. 講完歐聯，又講返本地波，其實係上一集既延伸，想講下大埔對南區既賽後花絮。
10. 呢場既所謂花絮…大家有留意開應該估到，就係大埔主教練李志堅同球迷互屌。事緣係有球迷不滿李志堅遲遲唔換人，換人調動又覺得有問題，搞到隊波失分，然後仲喪失爭冠主動權，所以就由看台上屌落去，堅sir唔忿氣屌返轉頭，李家豪同謝家榮隨後加入戰團，一齊同球迷互屌，直至職球員拉開佢哋。
11. 首先，我個人睇法，你幾唔忿氣都好，都唔應該屌球迷。Football without fans is nothing，你哋對住殘陣到要用佐佐木周踢中堅既南區都贏唔到，球迷火滾都正常。我唔知佢用啲字係咪真係好難聽，但就算幾難聽，都唔應該還口，所以我會話堅sir、謝家榮佢哋係唔啱。
12. 我唔喺現場，唔知球迷有冇屌埋人老母，如果純粹屌戰術調動我覺得OK，而我睇既報導都係話佢哋係屌堅sir換人遲。但如果真係涉及到職球員家人既辱罵，就兩邊各打五十大板喇。
13. 早兩輪先睇完一場港甲，南華對三昇，咁作為南華球迷，會喺看台屌三昇好正常，不過就有三昇球員忍唔住衝上去打人，真係CLS，最後報咗警，據聞仲調查緊，唔知最後三昇條友有冇事喇。比人屌絕對唔係打人既理由，你最多咪好似大埔咁屌返上去囉（同球迷互屌我個人覺得已經over咗，不過甲組唔只係半職業，又好難要求佢哋有啲乜嘢胸襟）。
14. 南華對三昇場波真係好睇既，南華落後兩球連追三球，不過三昇真係好茅，最尾直頭有球收山腳踢落南華球員度，成班真係爛仔打交咁款，唔怪得會衝上看台打人喇…如果有興趣睇場精華去Youtube搜尋下，元朗足球channel同南華SNG channel都有得睇，但純粹講專業角度，元朗足球條片清好多。
15. 講起南華，佢哋贏完呢場就喺足總盃初級組四強對住近兩季都未贏過既港甲二哥中西區，今場就真係戰術得宜，吸取咗上兩次大敗既經驗，佢哋一開波就屯兵後防，踢五個後衛，落後一球再撳掣，最後追返一球再到互射十二碼，雖然中西區有前港隊門將保羅，而保羅喺比賽當中都救咗禾達十二碼，但互射十二碼時反而一球都救唔到，最後南華既蔡子濤救出王力威既十二碼，令南華一報上季足總盃決賽一箭之仇，決賽南華會同深水埗爭冠軍。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 好好睇！歐聯四強次回合，國際米蘭峰迴路轉咁擊敗巴塞隆拿，率先進入決賽！
2. 作為花生友，總係有種鋤強扶弱既心態，所以我睇場波既時候，係想國際米蘭爆冷擊敗巴塞多啲，不過事實上，雖然整體實力一定係巴塞高啲，但國際米蘭既戰術調動得宜，最後贏到場波。
3. 第一場波已經踢成3比3，而且每次都係國米領先再追返，仲要作客喎，我諗其實冇人敢睇低國米既，巴塞都一定唔會，不過今場一樣都係國米領先，佢哋防反做得好好，上半場國米係踢得好啲，佢哋領先兩球都合理，至於球十二碼，我覺得應該判既，睇直播唔覺，但VAR一介入，慢鏡睇返，完全係唔中波中腳。
4. 不過下半場巴塞食咗春藥咁，喺前場搶咗好多波，再大舉進攻，60分鐘前已經連追兩球，仲要89分鐘射入第三球，巴塞兩回合第一次反超前，我當時就覺得好可惜，國米領先過咁多次，但始終都係過唔到巴塞，不過輸比巴塞唔係乜嘢恥辱既，係可惜啲囉。
5. 點知呢個念頭都仲未散，果頭國米就由37老將Acerbi追返3比3，賽後又有爭議究竟鄧費斯有冇犯規，我覺得冇，就你搵顯微鏡去睇，最多都只可以話疑似腳撞腳。
6. 加時國米再入一球，而今次佢哋真係終於守得住到完場…3年內2入決賽，而且今次既含金量，比起兩季前既要重，當時佢哋條線避開咗強敵，但今次佢哋係贏拜仁，再贏巴塞，講實力，國米應該唔夠呢隊勁，但係佢哋真係戰術調動得宜，係值得贏既。講歐聯四強，個人認為陣容牌面上最差一定係國米，但咁唔代表佢哋一定輸，足球唔係話十一條友夠勁就一定贏，今次國米就證明咗呢一點。決賽無論佢哋對手係PSG定阿仙奴都好，我覺得國米一定係睇低一線果隊，但係有冇機會爆冷？就睇下恩沙基仲有冇魔法可以施展喇。
7. 呢場波，除咗真係精彩到令人拍案叫絕，睇戲咁睇，兩回合有成13個入波之外，仲有就係…也馬真係好勁，但佢再勁都好，都唔夠今日上咗身CL咗S既Sommer搶鏡，誠然，第三球失波佢可以再做好少少，將個波打去向兩邊，不過講就易，咁近咁短時間唔一定做到，而且佢唔好計呢球，呢場波做咗好多神救，MOM，非Sommer莫屬。
8. 一陣有時間既話，可能都會做另一次花生友，希望PSG同阿仙奴，都會合演一場好波。
9. 講完歐聯，又講返本地波，其實係上一集既延伸，想講下大埔對南區既賽後花絮。
10. 呢場既所謂花絮…大家有留意開應該估到，就係大埔主教練李志堅同球迷互屌。事緣係有球迷不滿李志堅遲遲唔換人，換人調動又覺得有問題，搞到隊波失分，然後仲喪失爭冠主動權，所以就由看台上屌落去，堅sir唔忿氣屌返轉頭，李家豪同謝家榮隨後加入戰團，一齊同球迷互屌，直至職球員拉開佢哋。
11. 首先，我個人睇法，你幾唔忿氣都好，都唔應該屌球迷。Football without fans is nothing，你哋對住殘陣到要用佐佐木周踢中堅既南區都贏唔到，球迷火滾都正常。我唔知佢用啲字係咪真係好難聽，但就算幾難聽，都唔應該還口，所以我會話堅sir、謝家榮佢哋係唔啱。
12. 我唔喺現場，唔知球迷有冇屌埋人老母，如果純粹屌戰術調動我覺得OK，而我睇既報導都係話佢哋係屌堅sir換人遲。但如果真係涉及到職球員家人既辱罵，就兩邊各打五十大板喇。
13. 早兩輪先睇完一場港甲，南華對三昇，咁作為南華球迷，會喺看台屌三昇好正常，不過就有三昇球員忍唔住衝上去打人，真係CLS，最後報咗警，據聞仲調查緊，唔知最後三昇條友有冇事喇。比人屌絕對唔係打人既理由，你最多咪好似大埔咁屌返上去囉（同球迷互屌我個人覺得已經over咗，不過甲組唔只係半職業，又好難要求佢哋有啲乜嘢胸襟）。
14. 南華對三昇場波真係好睇既，南華落後兩球連追三球，不過三昇真係好茅，最尾直頭有球收山腳踢落南華球員度，成班真係爛仔打交咁款，唔怪得會衝上看台打人喇…如果有興趣睇場精華去Youtube搜尋下，元朗足球channel同南華SNG channel都有得睇，但純粹講專業角度，元朗足球條片清好多。
15. 講起南華，佢哋贏完呢場就喺足總盃初級組四強對住近兩季都未贏過既港甲二哥中西區，今場就真係戰術得宜，吸取咗上兩次大敗既經驗，佢哋一開波就屯兵後防，踢五個後衛，落後一球再撳掣，最後追返一球再到互射十二碼，雖然中西區有前港隊門將保羅，而保羅喺比賽當中都救咗禾達十二碼，但互射十二碼時反而一球都救唔到，最後南華既蔡子濤救出王力威既十二碼，令南華一報上季足總盃決賽一箭之仇，決賽南華會同深水埗爭冠軍。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊