不專業足球筆記（四十七）︰賽前一晚蒲通宵出事 理文中場張憙延涉蘭桂坊毆鬥 理文內部停賽處分兼有手尾跟
1. 理文果頭喺對九龍城既比賽最後階段獲得勝利，呢頭就喺場外發生咗啲唔係幾愉快既事件。
2. 事緣係網上面流傳咗一段片，一個疑似理文中場張憙延既男子喺蘭桂芳參與咗一場毆鬥，及後理文喺12號晚出咗一段聲明，間接確認咗呢名男子就係張憙延，聲明指張憙延「涉嫌場外行為不當事宜」，所以今季會停賽，唔會再為理文上陣，亦會跟進後續事宜。值得留意既係，根據香港01報導，呢場打鬥係發生喺5月11號凌晨4點，而5月11號下午係有對九龍城既爭標直路重要比賽，即係話張憙延喺比賽之前果晚仲蒲通宵。
3. 我喺度直接PO理文段聲明出黎︰
「【球會聲明】
有關球員張憙延涉嫌場外行為不當事宜，本會決定作出紀律處分，禁止張憙延代表理文參與本季餘下所有賽事。本會亦將按內部程序，繼續跟進後續事宜。
理文一向重視球員專業與個人操守，對於有違本會紀律的行為，均會嚴肅處理。感謝各界關注。」
最後張憙延直頭係冇喺當日下午對九龍城既比賽入選比賽名單之中。
4. 究竟張憙延當時既「英姿」係點，不妨由香港01既報導入面睇睇…
「網上流傳的片段中，一名疑似張憙延的男子涉在蘭桂坊與人毆鬥，更疑似「點錯相」被錯認為另一港超球員張廣然，令張廣然需發文澄清。
警方在5月11日凌晨4時22分接獲一名23歲男子報案，報稱在中環德己立街55號遭2人掌摑及拉扯，衣服被扯爛。警方到場尋獲報案人及其破碎的衣物，他的臉部紅腫被送院治理。警方將案件列作「襲擊」及「刑事毀壞」處理，暫未有人被捕。
事件經過當時被途人拍下，並在社交媒體Thread及小紅書上分享，Thread上一段相信是由台灣遊客發布的影片中，多名男子疑在店內起爭執並動粗，由店內打到店外，有人揮拳相向，事件引來大量途人圍觀及吶喊，片中更湊巧在播放動畫《男兒當入樽》的片尾曲《直到世界的盡頭》，與毆鬥場面相映成趣。
而在小紅書以「葉問上身」為題的片段中，一群男子在街頭爭執，期間有人倒地，有一名疑似張憙延的男子衝前用力踢向倒地者，片尾更有人大叫另一港超球員的名字「張廣然」。
不過，張廣然目前效力標準流浪，他周二（12日）晚在Thread上發文澄清，片中人並非自己：「應該係點錯相或者嗌錯名，我嗰晚喺屋企瞓緊覺」。
5. 張憙延雖然曾經入選創造歷史入亞運4強既香港U22，後尾甚至乎入選埋2023亞洲盃決賽週(實際上因為疫情同天氣、主辧國等問題而延至2024年1月踢)既26人大軍之中，發展一度叫唔錯，但係今季上陣次數就少得可憐，只係正選踢過兩場超聯，有時我唔知關唔關場外生活事，但至少而家由呢單新聞都睇得出，佢應該係去慣蒲同玩既人，晚晚夜夜笙歌，日頭練波表現同比賽點會好？我見過社交媒體上面有留言，話理文唔比機會張憙延，叫佢走去第二隊唔好浪費自己青春，但係而家睇黎，唔珍惜自己球員生涯既，浪費青春果個好似係張憙延本人。
6. 有趣既係，原來張憙延而家應該都搵唔少錢，理文係班霸，之前喺X-income睇過佢哋既人工，張憙延應該屬於二線華人既工資範圍，根據果篇文，佢哋人工大概係2萬至3.5萬，不過未加贏波、入球獎金呢啲，但佢份糧都未係重點，原來因為張憙延曾經入選既果隊香港U22入咗亞運四強成為咗精英運動員，佢每個月係有成HK$24,710既體院資助金，即係加加埋埋我保守估計佢每個月都至少有成5萬蚊港紙落袋，其實都唔算少，唔怪得夜晚可以去老蘭fing錢喇。
7. 今次呢件事，其實又未必判張憙延死刑，只係當年2021年佢係有份喺日本酒店醉酒鬧事既其中一位港青球員，以為當年佢會經一事長一智，點知4年之後既今日，佢一樣喺老蘭疑似醉酒鬧事，今次仲要去到打人…而家理文話仲會有後續處理，都唔知會唔會唔同佢續約，而體院份資助可能都會受影響，上次出事時佢都仲係20、21歲而且係初犯，但今次真係好難講，人又大咗、機會又比過…
8. 如果今次張憙延真係大步檻過既，唔該你真係成熟少少，要對得自己職業球員既身份，對得住理文、港隊件波衫，球員既高度受好多嘢影響，好似傷患呢啲可能控制唔到，但至少職業態度、場外生活，呢啲你係有得揀架。
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 理文果頭喺對九龍城既比賽最後階段獲得勝利，呢頭就喺場外發生咗啲唔係幾愉快既事件。
2. 事緣係網上面流傳咗一段片，一個疑似理文中場張憙延既男子喺蘭桂芳參與咗一場毆鬥，及後理文喺12號晚出咗一段聲明，間接確認咗呢名男子就係張憙延，聲明指張憙延「涉嫌場外行為不當事宜」，所以今季會停賽，唔會再為理文上陣，亦會跟進後續事宜。值得留意既係，根據香港01報導，呢場打鬥係發生喺5月11號凌晨4點，而5月11號下午係有對九龍城既爭標直路重要比賽，即係話張憙延喺比賽之前果晚仲蒲通宵。
3. 我喺度直接PO理文段聲明出黎︰
「【球會聲明】
有關球員張憙延涉嫌場外行為不當事宜，本會決定作出紀律處分，禁止張憙延代表理文參與本季餘下所有賽事。本會亦將按內部程序，繼續跟進後續事宜。
理文一向重視球員專業與個人操守，對於有違本會紀律的行為，均會嚴肅處理。感謝各界關注。」
最後張憙延直頭係冇喺當日下午對九龍城既比賽入選比賽名單之中。
4. 究竟張憙延當時既「英姿」係點，不妨由香港01既報導入面睇睇…
「網上流傳的片段中，一名疑似張憙延的男子涉在蘭桂坊與人毆鬥，更疑似「點錯相」被錯認為另一港超球員張廣然，令張廣然需發文澄清。
警方在5月11日凌晨4時22分接獲一名23歲男子報案，報稱在中環德己立街55號遭2人掌摑及拉扯，衣服被扯爛。警方到場尋獲報案人及其破碎的衣物，他的臉部紅腫被送院治理。警方將案件列作「襲擊」及「刑事毀壞」處理，暫未有人被捕。
事件經過當時被途人拍下，並在社交媒體Thread及小紅書上分享，Thread上一段相信是由台灣遊客發布的影片中，多名男子疑在店內起爭執並動粗，由店內打到店外，有人揮拳相向，事件引來大量途人圍觀及吶喊，片中更湊巧在播放動畫《男兒當入樽》的片尾曲《直到世界的盡頭》，與毆鬥場面相映成趣。
而在小紅書以「葉問上身」為題的片段中，一群男子在街頭爭執，期間有人倒地，有一名疑似張憙延的男子衝前用力踢向倒地者，片尾更有人大叫另一港超球員的名字「張廣然」。
不過，張廣然目前效力標準流浪，他周二（12日）晚在Thread上發文澄清，片中人並非自己：「應該係點錯相或者嗌錯名，我嗰晚喺屋企瞓緊覺」。
5. 張憙延雖然曾經入選創造歷史入亞運4強既香港U22，後尾甚至乎入選埋2023亞洲盃決賽週(實際上因為疫情同天氣、主辧國等問題而延至2024年1月踢)既26人大軍之中，發展一度叫唔錯，但係今季上陣次數就少得可憐，只係正選踢過兩場超聯，有時我唔知關唔關場外生活事，但至少而家由呢單新聞都睇得出，佢應該係去慣蒲同玩既人，晚晚夜夜笙歌，日頭練波表現同比賽點會好？我見過社交媒體上面有留言，話理文唔比機會張憙延，叫佢走去第二隊唔好浪費自己青春，但係而家睇黎，唔珍惜自己球員生涯既，浪費青春果個好似係張憙延本人。
6. 有趣既係，原來張憙延而家應該都搵唔少錢，理文係班霸，之前喺X-income睇過佢哋既人工，張憙延應該屬於二線華人既工資範圍，根據果篇文，佢哋人工大概係2萬至3.5萬，不過未加贏波、入球獎金呢啲，但佢份糧都未係重點，原來因為張憙延曾經入選既果隊香港U22入咗亞運四強成為咗精英運動員，佢每個月係有成HK$24,710既體院資助金，即係加加埋埋我保守估計佢每個月都至少有成5萬蚊港紙落袋，其實都唔算少，唔怪得夜晚可以去老蘭fing錢喇。
7. 今次呢件事，其實又未必判張憙延死刑，只係當年2021年佢係有份喺日本酒店醉酒鬧事既其中一位港青球員，以為當年佢會經一事長一智，點知4年之後既今日，佢一樣喺老蘭疑似醉酒鬧事，今次仲要去到打人…而家理文話仲會有後續處理，都唔知會唔會唔同佢續約，而體院份資助可能都會受影響，上次出事時佢都仲係20、21歲而且係初犯，但今次真係好難講，人又大咗、機會又比過…
8. 如果今次張憙延真係大步檻過既，唔該你真係成熟少少，要對得自己職業球員既身份，對得住理文、港隊件波衫，球員既高度受好多嘢影響，好似傷患呢啲可能控制唔到，但至少職業態度、場外生活，呢啲你係有得揀架。
更多專欄內容︰ https://www.leafopenleafopen.com/unprofessional9up更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊