不專業足球筆記（六十三）︰ 葉鴻輝勇戰受傷惟因失誤遭部份球迷人身攻擊 舊戰友出口力撐；金信煜時隔21個月再上陣兼入波
1. 港隊喺亞洲盃外圍賽作客孟加拉戲劇性補時絕殺既比賽仲有餘波，就係隊長葉鴻輝喺失第二球既時候整親膝頭哥，返到黎香港驗傷既時候確認係十字韌帶撕裂，睇黎應該有排抖。
2. 其實真係估唔到，果下慢鏡睇唔到阿輝同周緣德有大碰撞，但最後竟然傷得咁嚴重，連十字韌帶都撕裂埋，唔知會唔會係落地落得唔好。總之祝葉鴻輝早日康復！
3. 佢今年已經35歲，如果係場區球員，喺呢個年紀遭遇呢啲大傷，返到出黎應該都好難踢得返當fit既水準，不過好彩阿輝係守門員，雖然你話傷完之係冇影響我就唔信，但至少相比起場區球員，應該影響冇咁大，祝福呢位港隊老大哥早日康復，而且返到出賽場既時候，可以更勝從前。
4. 今次佢受傷好似引起咗唔少風波，我自己本身就冇留意啲人喺網絡上面既留言，但係有唔止兩、三個我追開既港隊page，甚至係前港隊成員謝德謙都有出聲，話有啲人喺網上留言人身攻擊葉鴻輝，甚至話佢阻住地球轉、阻住啲後生上位，最離譜係有人話佢傷得及時，可以等啲後生上位，仲有人鬧佢扮傷，又叫佢早啲退休，要幾難聽有幾難聽。
5. 我一直以黎既主張，就係踢得好就讚、踢得差就彈，但應該係針對佢果場既表現，而唔係針對個人。正如李小恆咁，之前踢得差比人鬧，但上場成為英雄之後幾多人讚？的確，阿輝果下接傳中係有失誤，仲要直接導致失波，但係要鬧既，最多都係鬧呢一下（仲要佢跳出去接波果下唔知係咪已經拉親韌帶，如果係既話，呢下失誤都解釋到），唔應該針對佢個人黎人身攻擊，乜嘢阻住後生上位云云，葉鴻輝係球隊隊長兼老大哥，喺球會又係正選，唔選佢選邊個？要講真係阻住地球轉既，係都鬧西木選36歲冇班落既艾力士（前譯︰奧力斯）喇。BTW孟加拉果個龍門，我睇佢哋啲YT、FB留言（用google translate）都比人屌到仆街，其實激進球迷真係度度都有，阿Q啲咁諗，至少有人鬧吖，我讀書既時候正係港足冰河時期，啲人真係屌你都費事，入場睇香港隊直頭係異類。希望阿輝唔好放喺心上，你為港隊立下既汗馬功勞，大家係記得的。
6. 雖然最後而家都選咗我個人黎講都幾有好感既伍瑋謙入隊，但老實講我都唔希望係呢個情況之下入選。
7. 總之，祝葉鴻輝早日康復喇。
8. 講返香港聯賽方面，雖然港隊喺國際賽期征戰緊，但係本地賽事仍然進行緊。老實講，我唔明呢項安排係點解，前幾季你話踢菁英盃我都仲理解，因為你係想借呢項賽事培育年青球員，但係聯賽盃個賽制又冇菁英盃咁複雜又分組又淘汰賽咁，只係單純既淘汰賽，我覺得唔駛急到要喺國際賽期都踢下嘛，仲要因為啲港隊成員被徵召晒，所以為咗吸引球迷入場，所以唔限外援，咁搞既其實我覺得不如保留返菁英盃睇下可唔可以踢起啲後生仔好過。
9. 菁英盃唔搞，某程度上都明既，一來佢同U22聯賽好似有啲重覆，二來入場人數一向唔多，三來好似話冇贊助商。不過我個人覺得，如果夾硬要加多個盃賽既話，菁英盃會好啲既，始終逼住要落三個U22球員嘛， 而且真正既職業聯賽，同U22免費波我覺得係兩回事，比啲後生仔感受下職業足球既氣氛都好嘛，U22聯賽咪又係好似以前啲預備組性質？金信煜都可以落場喇。
10. 講起金信煜，佢今場聯賽盃贏流浪三球之後埋齋，係相隔21個月之後再次踢頂級組別賽事，佢亦都延續自己喺U22聯賽有波入既勢頭，賽事尾段接應角球頂入。
11. 金信煜呢個球員都算古靈精怪，但係究竟係傑志有問題定佢有問題？傳聞有人講話佢詐傷，搞到伍健本身都話要搵醫生同律師研究解約問題，但最後冇咗件事。關於呢件事，我問過我個球圈朋友係咪真或者有冇乜料可以爆，但係佢都話唔知、冇聽過，咁所以或者大家都係聽下就算，唔好當真。
12. 但點都好，如無意外金信煜踢埋呢季應該會退休，傑志終於可以唔洗出佢糧，或者有機會下季用呢筆慳出黎既錢再搞大啲，雖然好多球迷唔鍾意傑志（其實我都唔太鍾意），但係有人肯出錢出力搞波，絕對係值得欣賞同感激。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 港隊喺亞洲盃外圍賽作客孟加拉戲劇性補時絕殺既比賽仲有餘波，就係隊長葉鴻輝喺失第二球既時候整親膝頭哥，返到黎香港驗傷既時候確認係十字韌帶撕裂，睇黎應該有排抖。
2. 其實真係估唔到，果下慢鏡睇唔到阿輝同周緣德有大碰撞，但最後竟然傷得咁嚴重，連十字韌帶都撕裂埋，唔知會唔會係落地落得唔好。總之祝葉鴻輝早日康復！
3. 佢今年已經35歲，如果係場區球員，喺呢個年紀遭遇呢啲大傷，返到出黎應該都好難踢得返當fit既水準，不過好彩阿輝係守門員，雖然你話傷完之係冇影響我就唔信，但至少相比起場區球員，應該影響冇咁大，祝福呢位港隊老大哥早日康復，而且返到出賽場既時候，可以更勝從前。
4. 今次佢受傷好似引起咗唔少風波，我自己本身就冇留意啲人喺網絡上面既留言，但係有唔止兩、三個我追開既港隊page，甚至係前港隊成員謝德謙都有出聲，話有啲人喺網上留言人身攻擊葉鴻輝，甚至話佢阻住地球轉、阻住啲後生上位，最離譜係有人話佢傷得及時，可以等啲後生上位，仲有人鬧佢扮傷，又叫佢早啲退休，要幾難聽有幾難聽。
5. 我一直以黎既主張，就係踢得好就讚、踢得差就彈，但應該係針對佢果場既表現，而唔係針對個人。正如李小恆咁，之前踢得差比人鬧，但上場成為英雄之後幾多人讚？的確，阿輝果下接傳中係有失誤，仲要直接導致失波，但係要鬧既，最多都係鬧呢一下（仲要佢跳出去接波果下唔知係咪已經拉親韌帶，如果係既話，呢下失誤都解釋到），唔應該針對佢個人黎人身攻擊，乜嘢阻住後生上位云云，葉鴻輝係球隊隊長兼老大哥，喺球會又係正選，唔選佢選邊個？要講真係阻住地球轉既，係都鬧西木選36歲冇班落既艾力士（前譯︰奧力斯）喇。BTW孟加拉果個龍門，我睇佢哋啲YT、FB留言（用google translate）都比人屌到仆街，其實激進球迷真係度度都有，阿Q啲咁諗，至少有人鬧吖，我讀書既時候正係港足冰河時期，啲人真係屌你都費事，入場睇香港隊直頭係異類。希望阿輝唔好放喺心上，你為港隊立下既汗馬功勞，大家係記得的。
6. 雖然最後而家都選咗我個人黎講都幾有好感既伍瑋謙入隊，但老實講我都唔希望係呢個情況之下入選。
7. 總之，祝葉鴻輝早日康復喇。
8. 講返香港聯賽方面，雖然港隊喺國際賽期征戰緊，但係本地賽事仍然進行緊。老實講，我唔明呢項安排係點解，前幾季你話踢菁英盃我都仲理解，因為你係想借呢項賽事培育年青球員，但係聯賽盃個賽制又冇菁英盃咁複雜又分組又淘汰賽咁，只係單純既淘汰賽，我覺得唔駛急到要喺國際賽期都踢下嘛，仲要因為啲港隊成員被徵召晒，所以為咗吸引球迷入場，所以唔限外援，咁搞既其實我覺得不如保留返菁英盃睇下可唔可以踢起啲後生仔好過。
9. 菁英盃唔搞，某程度上都明既，一來佢同U22聯賽好似有啲重覆，二來入場人數一向唔多，三來好似話冇贊助商。不過我個人覺得，如果夾硬要加多個盃賽既話，菁英盃會好啲既，始終逼住要落三個U22球員嘛， 而且真正既職業聯賽，同U22免費波我覺得係兩回事，比啲後生仔感受下職業足球既氣氛都好嘛，U22聯賽咪又係好似以前啲預備組性質？金信煜都可以落場喇。
10. 講起金信煜，佢今場聯賽盃贏流浪三球之後埋齋，係相隔21個月之後再次踢頂級組別賽事，佢亦都延續自己喺U22聯賽有波入既勢頭，賽事尾段接應角球頂入。
11. 金信煜呢個球員都算古靈精怪，但係究竟係傑志有問題定佢有問題？傳聞有人講話佢詐傷，搞到伍健本身都話要搵醫生同律師研究解約問題，但最後冇咗件事。關於呢件事，我問過我個球圈朋友係咪真或者有冇乜料可以爆，但係佢都話唔知、冇聽過，咁所以或者大家都係聽下就算，唔好當真。
12. 但點都好，如無意外金信煜踢埋呢季應該會退休，傑志終於可以唔洗出佢糧，或者有機會下季用呢筆慳出黎既錢再搞大啲，雖然好多球迷唔鍾意傑志（其實我都唔太鍾意），但係有人肯出錢出力搞波，絕對係值得欣賞同感激。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球 #香港足球
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊