不專業足球筆記（五十四）︰ 幾日內球壇壞消息一單接一單 祖達車禍去世、柏迪被落案起訴強、穆斯亞拿斷腳
1. 近幾日球壇所發生既事，真係全部都好震撼，而且全部都係壞消息，聽完之後令人個心都好唔舒服。
2. 利物浦既祖達出意外同佢細佬安德魯一齊逝世真係最震撼，呢個時候，我喺英國睇到唔少新聞，係講緊利物浦當地，一啲愛華頓既球迷，特登去獻花悼念，而另一隊宿敵曼聯都有好多球員出Post紀念佢哋。其實全世界都有好多球員悼念甚至出席祖達既喪禮，我會特登提呢兩隊，係想講，有陣時喺悲劇、人命嘅脆弱之前，有好多嘢都係比起宿敵、競技關係更加重要。
3. 今日祖達舉行咗喪禮，我見無論係隊友定對手都對佢讚不絕口，就知佢平時為人係點，好可惜，一個正直人生中最美好時刻既球員，啱啱喺球會同國家隊拎完冠軍，仲要啱啱先結婚，就咁去咗，真係令人非常婉惜。
4. 另一單新聞就係前阿仙奴球員柏迪，被落案起訴喺2021至2022既時候，強姦同性侵三位唔同既女性，涉及五宗強姦罪同一宗性侵罪，8月5號會喺西敏市裁判法院出庭應訊。
5. 我有印象一段時間之前，喺有傳媒報導過有英超球星涉及強姦，當時甚至有傳過係效力曼城既獲加係嫌疑犯，但係估唔到竟然係柏迪。
6. 不過現階段其實都唔可以評論太多住，有過前車之鑑，曼城左閘文迪被控強姦，雖然最後打甩咗無罪，但係佢既足球生涯可以話已經玩完，曾經喺超級班霸曼城效力，而家只可以喺瑞超既蘇黎世繼續自己既職業生涯，國家隊都應該回歸無望。
7. 反而我係有啲興趣想知阿仙奴知唔知情，因為警察話佢哋係由2022年開始調查既，咁當時係未落案起訴既，本質上同文迪又唔同。至於有人提過格連活特，我只能夠講，其實個情況係完全唔同，因為格連活特既女朋友將啲錄音、片、相掟晒上網，格連活特走得甩並唔係佢冇做過，而係佢女朋友唔知乜嘢原因（心軟？）唔肯上庭比證供，最後警方先唔起訴佢。
8. 要直接比較，可能同安東尼比較仲好，佢比條巴西女老屈，條女周圍報警，巴西又報過、英國又報，但係最後兩地警方都搵唔到證據，似係條女鳩吹多啲。不過安東尼單case最唔同既係，喺未落案起訴之前，條女已經周圍唱，一啲都唔似受害人，但未落案起訴安東尼就已經一身蟻，當時又比巴西逐出國家隊又比曼聯停咗一段時間賽（好似係一、兩個月），柏迪反而啲保密功夫做得幾好，啲受害人都冇出黎講過任何嘢。
9. 我見過英國有小道消息話阿仙奴同阿迪達其實都知情，但佢哋都支持柏迪。首先我要講明，呢個新聞我係我喺Facebook度睇返黎，未必可信，但照常理，如果係2022年調查，咁會涉及到喺球會問人拎證供都係合理。嗱，有啲嘢我都唔敢講對定錯，我只係好奇，當時英國左膠當道，會唔會有知情人士反對呢？又或者，點解一切都要去到2025年柏迪合約完晒，先突然告佢呢？簡直好似提前打點好晒一樣。
10. 本來柏迪自由身應該吸引到某啲歐洲強隊去簽既，但係而家單嘢浮咗上面，我諗喺單case完結之前，真係搵鬼簽佢嘞。但唔好誤會，我對件事冇立場，亦唔想跟車太貼，等到一切結案判完之後先再評論都唔遲，如果柏迪真係有做既，當然係令人髮指既行為，但萬一係好似文迪果陣咁呢？又或者曼聯既安東尼咁呢？咁樣柏迪反而先係受害果個，無妄之災。所以…觀望下先。
11. 仲有一單好恐怖既消息，係拜仁既穆斯亞拿喺世冠盃對PSG，完半場前，被門將當拿隆馬撲跌，左足踝嚴重變形，狀甚痛苦被抬離場，我睇過段片同相，隻腳有一下係扭曲到完全唔乎合人體工學既形狀，恐怖到不得了，睇完之後係唔舒服到有啲打冷震。
12. 其實係咪真係太多比賽呢？歐洲賽季都完結咗，但球員就得唔到充份既休息。講真，世冠盃有幾大吸引力？至少討論熱度完全比唔上歐聯，甚至四大聯賽，我哋總係仲會覺得係一啲季前熱身賽咁。其實FIFA都係為咗錢先搞呢啲比賽，今次事件當然係不幸，但同時會唔會令佢哋反思，究竟係錢重要，定球員健康緊要？
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 近幾日球壇所發生既事，真係全部都好震撼，而且全部都係壞消息，聽完之後令人個心都好唔舒服。
2. 利物浦既祖達出意外同佢細佬安德魯一齊逝世真係最震撼，呢個時候，我喺英國睇到唔少新聞，係講緊利物浦當地，一啲愛華頓既球迷，特登去獻花悼念，而另一隊宿敵曼聯都有好多球員出Post紀念佢哋。其實全世界都有好多球員悼念甚至出席祖達既喪禮，我會特登提呢兩隊，係想講，有陣時喺悲劇、人命嘅脆弱之前，有好多嘢都係比起宿敵、競技關係更加重要。
3. 今日祖達舉行咗喪禮，我見無論係隊友定對手都對佢讚不絕口，就知佢平時為人係點，好可惜，一個正直人生中最美好時刻既球員，啱啱喺球會同國家隊拎完冠軍，仲要啱啱先結婚，就咁去咗，真係令人非常婉惜。
4. 另一單新聞就係前阿仙奴球員柏迪，被落案起訴喺2021至2022既時候，強姦同性侵三位唔同既女性，涉及五宗強姦罪同一宗性侵罪，8月5號會喺西敏市裁判法院出庭應訊。
5. 我有印象一段時間之前，喺有傳媒報導過有英超球星涉及強姦，當時甚至有傳過係效力曼城既獲加係嫌疑犯，但係估唔到竟然係柏迪。
6. 不過現階段其實都唔可以評論太多住，有過前車之鑑，曼城左閘文迪被控強姦，雖然最後打甩咗無罪，但係佢既足球生涯可以話已經玩完，曾經喺超級班霸曼城效力，而家只可以喺瑞超既蘇黎世繼續自己既職業生涯，國家隊都應該回歸無望。
7. 反而我係有啲興趣想知阿仙奴知唔知情，因為警察話佢哋係由2022年開始調查既，咁當時係未落案起訴既，本質上同文迪又唔同。至於有人提過格連活特，我只能夠講，其實個情況係完全唔同，因為格連活特既女朋友將啲錄音、片、相掟晒上網，格連活特走得甩並唔係佢冇做過，而係佢女朋友唔知乜嘢原因（心軟？）唔肯上庭比證供，最後警方先唔起訴佢。
8. 要直接比較，可能同安東尼比較仲好，佢比條巴西女老屈，條女周圍報警，巴西又報過、英國又報，但係最後兩地警方都搵唔到證據，似係條女鳩吹多啲。不過安東尼單case最唔同既係，喺未落案起訴之前，條女已經周圍唱，一啲都唔似受害人，但未落案起訴安東尼就已經一身蟻，當時又比巴西逐出國家隊又比曼聯停咗一段時間賽（好似係一、兩個月），柏迪反而啲保密功夫做得幾好，啲受害人都冇出黎講過任何嘢。
9. 我見過英國有小道消息話阿仙奴同阿迪達其實都知情，但佢哋都支持柏迪。首先我要講明，呢個新聞我係我喺Facebook度睇返黎，未必可信，但照常理，如果係2022年調查，咁會涉及到喺球會問人拎證供都係合理。嗱，有啲嘢我都唔敢講對定錯，我只係好奇，當時英國左膠當道，會唔會有知情人士反對呢？又或者，點解一切都要去到2025年柏迪合約完晒，先突然告佢呢？簡直好似提前打點好晒一樣。
10. 本來柏迪自由身應該吸引到某啲歐洲強隊去簽既，但係而家單嘢浮咗上面，我諗喺單case完結之前，真係搵鬼簽佢嘞。但唔好誤會，我對件事冇立場，亦唔想跟車太貼，等到一切結案判完之後先再評論都唔遲，如果柏迪真係有做既，當然係令人髮指既行為，但萬一係好似文迪果陣咁呢？又或者曼聯既安東尼咁呢？咁樣柏迪反而先係受害果個，無妄之災。所以…觀望下先。
11. 仲有一單好恐怖既消息，係拜仁既穆斯亞拿喺世冠盃對PSG，完半場前，被門將當拿隆馬撲跌，左足踝嚴重變形，狀甚痛苦被抬離場，我睇過段片同相，隻腳有一下係扭曲到完全唔乎合人體工學既形狀，恐怖到不得了，睇完之後係唔舒服到有啲打冷震。
12. 其實係咪真係太多比賽呢？歐洲賽季都完結咗，但球員就得唔到充份既休息。講真，世冠盃有幾大吸引力？至少討論熱度完全比唔上歐聯，甚至四大聯賽，我哋總係仲會覺得係一啲季前熱身賽咁。其實FIFA都係為咗錢先搞呢啲比賽，今次事件當然係不幸，但同時會唔會令佢哋反思，究竟係錢重要，定球員健康緊要？
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
個人網站︰ https://www.leafopenleafopen.com/
#不專業足球筆記 #專欄 #足球專欄 #足球
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊