不專業足球筆記（三十九）︰七個三皮 大埔意外血洗理文！ 港將威水 徐宏傑、茹子楠中超齊開齋！
1. 港超聯今季三循環既玩法之下，四頭車馬仲有得鬥！結果今個星期四頭車馬命運各異，但其中最觸目既竟然係本身分別排第二、第三既大埔同理文合演咗一場入球騷！
2. 與其話係入球騷，不如話係一場一面倒既賽事，雖然理文入咗三球令場比賽未至於去到屠殺既程度，但係失咗七球波、淨輸四球，點都係一場大敗仗，而且大埔仲要有唔少傷兵。
3. 例牌先旨聲明，身在英國既我只係睇精華，佢哋比緊賽既時候我都仲瞓緊覺，我開宗名義係精華撚，以下都唔係乜嘢賽事評論，只係我既一啲睇法感受，如果同你哋既睇法有乜嘢唔同，一切以你哋既睇法為準。
4. 上半場理文輸三球，但係除咗第三球之外陳嘉豪撻手漏入之外，其餘兩球都唔算核突，雖然胡晉銘咁拉跌人係不智架喇，但你都仲可以死拗話至少呢個係有鬥心表現，比起下半場果四球，條防線真係一督就穿窿、個別球員冇心追波、態度散漫，下半場班後防真係肉酸到爆，其中李毅凱更加係好明顯好似冇心去踢，幾下失波都有收步，好似第四球咁，如果佢唔收步，我覺得係有可能追得上而唔駛失既。
5. 其實我唔明點解安尼亞會喺呢啲大戰入面做後備，佢出黎之後踢得好好喎，差少少就追成二比三添，可惜比謝家榮救出，如果當初呢球入咗，應該就唔會出現三比七呢個咁意外既賽果。
6. 代教練朱兆基就講到明老細李文恩已經睇緊有邊啲球員係有心為個會踢，邊啲冇心踢，為下季組軍，如果下年仲想喺理文逗高人工，就唔該真係醒定少少。
7. 至於東方早前趁住大埔失分，同埋自己抽贏大埔既比賽艱辛咁爬上第一位，點知斬下眼又跌返落黎，最慘係佢哋今場竟然係意外地失分比業餘球隊港會。
8. 東方失呢兩分有一半都要鬧下自己點解創造到咁多機會但都把握唔到，港會門將費查其實高難度既撲救並唔多，大多數係東方自己把握得唔好，好似巴科爾雖然入咗一球，但係錯失既機會一樣好多，梁冠聰亦有一腳既遠射中柱彈出，東方失果球我睇返好似係禁區頂射門省中賀爾改變方向，搞到葉鴻輝都捉錯路冇得救。
9. 傑志喺另一邊廂贏波，聯賽榜形勢又有變化，大埔贏波之後18戰41分重上榜首、東方18戰40分緊隨其後、理文17戰得35分排第三，錯失追近前列位置機會，而傑志就18戰同得35分追住前列球隊唔放。
10. 講完港超，又睇下兩位外流港將傳黎好消息。
11. 茹子楠喺中超轟入咗個超靚既世界波，收死咗中國國家隊既龍門王大雷，呢球真係靚到癲，只係可惜效力既梅州客家領先三球倒輸返四球比山東泰山。
12. 其實我一路都覺得茹子先係北上最成功果個，希望韋斯活可以睇佢喺中超既好表現喇。
13. 至於徐宏傑，佢果腳波雖然冇茹子果腳咁靚，不過作為一個後衛接應傳中喺尾柱冷靜咁燙返個遠柱入網，呢份冷靜真係不得了，而且呢球波都係價值連城，佢哋最尾以四比三贏波，少咗呢球就冇咗三分架喇。
14. 茹子最近好少少，但overall 黎講兩位都唔係西木愛將黎，希望佢哋keep住好表現，期待下次港隊名單會見到佢哋兩個喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #大埔 #傑志 #東方 #理文
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 港超聯今季三循環既玩法之下，四頭車馬仲有得鬥！結果今個星期四頭車馬命運各異，但其中最觸目既竟然係本身分別排第二、第三既大埔同理文合演咗一場入球騷！
2. 與其話係入球騷，不如話係一場一面倒既賽事，雖然理文入咗三球令場比賽未至於去到屠殺既程度，但係失咗七球波、淨輸四球，點都係一場大敗仗，而且大埔仲要有唔少傷兵。
3. 例牌先旨聲明，身在英國既我只係睇精華，佢哋比緊賽既時候我都仲瞓緊覺，我開宗名義係精華撚，以下都唔係乜嘢賽事評論，只係我既一啲睇法感受，如果同你哋既睇法有乜嘢唔同，一切以你哋既睇法為準。
4. 上半場理文輸三球，但係除咗第三球之外陳嘉豪撻手漏入之外，其餘兩球都唔算核突，雖然胡晉銘咁拉跌人係不智架喇，但你都仲可以死拗話至少呢個係有鬥心表現，比起下半場果四球，條防線真係一督就穿窿、個別球員冇心追波、態度散漫，下半場班後防真係肉酸到爆，其中李毅凱更加係好明顯好似冇心去踢，幾下失波都有收步，好似第四球咁，如果佢唔收步，我覺得係有可能追得上而唔駛失既。
5. 其實我唔明點解安尼亞會喺呢啲大戰入面做後備，佢出黎之後踢得好好喎，差少少就追成二比三添，可惜比謝家榮救出，如果當初呢球入咗，應該就唔會出現三比七呢個咁意外既賽果。
6. 代教練朱兆基就講到明老細李文恩已經睇緊有邊啲球員係有心為個會踢，邊啲冇心踢，為下季組軍，如果下年仲想喺理文逗高人工，就唔該真係醒定少少。
7. 至於東方早前趁住大埔失分，同埋自己抽贏大埔既比賽艱辛咁爬上第一位，點知斬下眼又跌返落黎，最慘係佢哋今場竟然係意外地失分比業餘球隊港會。
8. 東方失呢兩分有一半都要鬧下自己點解創造到咁多機會但都把握唔到，港會門將費查其實高難度既撲救並唔多，大多數係東方自己把握得唔好，好似巴科爾雖然入咗一球，但係錯失既機會一樣好多，梁冠聰亦有一腳既遠射中柱彈出，東方失果球我睇返好似係禁區頂射門省中賀爾改變方向，搞到葉鴻輝都捉錯路冇得救。
9. 傑志喺另一邊廂贏波，聯賽榜形勢又有變化，大埔贏波之後18戰41分重上榜首、東方18戰40分緊隨其後、理文17戰得35分排第三，錯失追近前列位置機會，而傑志就18戰同得35分追住前列球隊唔放。
10. 講完港超，又睇下兩位外流港將傳黎好消息。
11. 茹子楠喺中超轟入咗個超靚既世界波，收死咗中國國家隊既龍門王大雷，呢球真係靚到癲，只係可惜效力既梅州客家領先三球倒輸返四球比山東泰山。
12. 其實我一路都覺得茹子先係北上最成功果個，希望韋斯活可以睇佢喺中超既好表現喇。
13. 至於徐宏傑，佢果腳波雖然冇茹子果腳咁靚，不過作為一個後衛接應傳中喺尾柱冷靜咁燙返個遠柱入網，呢份冷靜真係不得了，而且呢球波都係價值連城，佢哋最尾以四比三贏波，少咗呢球就冇咗三分架喇。
14. 茹子最近好少少，但overall 黎講兩位都唔係西木愛將黎，希望佢哋keep住好表現，期待下次港隊名單會見到佢哋兩個喇。
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio
#不專業足球筆記 #專欄 #足球專欄 #足球 #大埔 #傑志 #東方 #理文
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
方格子︰ https://vocus.cc/salon/leafopenleafopen
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊