不專業足球筆記（七十八）︰ 理文終於官宣米高加盟；安達臣執教緬甸 九月有機倒戈港隊；C朗最後一屆，留低嘅係遺憾定傳奇？
1. 哥連斯之子，曾經入選過唔少次港隊既黑人前鋒米高正式加盟理文。
2. 其實一啲都唔意外，因為由四月開始就已經有晒傳聞吹風，米高仲要喺理文跟操同入場觀戰理文既比賽，你話佢唔加盟理文我都唔信。
3. 劉家喬要去清華讀書，佢係幾有潛質既，但上季成季都兌現唔到出黎，全季所有比賽加埋只係入咗一球，當然咁同佢成日都只能夠以後備出場有關（多數6、70分鐘上陣），畢竟有時佢喺場上都有啲嘢睇到出黎既，我又唔覺得佢真係差到咁，係入唔到波囉。喺劉家喬要離隊既時候，補充另一位邊緣港腳級既前鋒，都算係合適既補強。
4. 不過，有留意開港隊既比賽都知，米高喺港隊既入波效率其實同樣低下，比起劉家喬既尚未喺A級國際賽開齋，佢只係好少少，對不丹既時候入過兩球。力量、速度，以米高黑人基因天生優勢，應該好過劉家喬既，但後者既技術同射術，我覺得好過米高，但個人覺得米高既加盟，並唔會令理文既鋒事即刻upgrade，佢既定位隨時只係好似劉家喬咁，係一個「超級後備」去改變戰局。
5. 球季仲未開始，不過理文走咁多人，仲包括艾華頓同杜度，雖然話佢哋年紀唔細，但仲有一定戰鬥力，港超都夠殺，而家暫時公佈既新球員唔多，真係令理文fans擔心。但當然，而家只係7月頭啫，都仲有大把時間，何況香港球壇既嘢，好多時都係開操果陣先知有乜嘢新球員加盟（隨住社交媒體日漸流行，其實呢個做法都少咗），我哋到開操時再睇下理文有乜嘢新球員喇。
6. 另外，緬甸足總喺啱啱公佈，前港隊主教練安達臣會擔任國家隊主教練一職。
7. 唔知果300份申請港隊教練既CV入面，有冇安達臣呢？其實我唔反對安爹再教過港隊，不過足總比我既感覺係可能都冇諗住食回頭草，所以就算安爹真係掟CV過黎，我睇佢哋都唔會考慮。
8. 其實我有睇過網絡上某啲反對安爹既留言，主要係屌佢搵港隊作為跳板，又鬧佢只係PR好先會累積咁多信徒。事實既嘢我唔反對，安爹的確係冇續約就北上雲南玉昆教波，仲要教得唔錯，拎完中甲冠軍升埋上中超，咁既話你的確可以話佢係港隊作為跳板。但實際上諗諗，除非你搵香港本地既教練架啫，你搵外國教練，唔通人哋真係做香港隊教練做一世咩，對於我黎講，我覺得只要帶領到香港隊有進步，我就覺得佢係一個好教練。安達臣唔駛講，就算係因為把口唔收所以引起好多爭議既韋斯活西木，我都覺得佢既港隊係唔差，至少我睇到有進步。
9. 但係盧比度叔叔…雖然佢頂住兩屆港超最佳教練既光環，但係截至現時為止，我真係覺得佢麾下既港隊係一場好波都冇。
10. 不過咁講喇，只要佢一日係港隊教練，我都會支持佢，就睇下佢會唔會喺之後既任期內撥亂反正喇。黎緊香港主辦既「東盟盃 D2 組」賽事，就睇下佢帶既港隊踢成點喇，話唔定仲有機會見到安爹倒戈香港隊添。
11. 又講講世界盃，葡萄牙喺十六強補時階段比美連奴入波，最後輸一比零出局。賽前C朗已經講話呢次係佢最後一次世界盃，希望呢次唔係最後一場云云。
12. 坦白講，我係曼迷，自從Piers Morgan事件之後，我就對C朗冇乜好感。同時，我都認同一啲既分析，指C朗而家仲係喺葡萄牙擔任正選前鋒其實未必係一件好事黎，佢走動太少，而且好多方面都不復當年勇，我記得唔知係ESPN、Goal定係The Athletic（我足球專欄啲文主要來自呢三個媒體），分析指出C朗一係就肯擔當輪換角色，咁葡萄牙可能都有機會捧走世界盃，佢如果想鎂光燈繼續集中喺自己身上，咁就應該好快打道回府，估唔到一語中的。
13. 饒是如此，其實我都係想C朗可以拎一座世界盃冠軍獎座。講真，作為一個足球員，佢既成就真係冇得彈，除咗美斯之外，真係冇人可以同佢比肩（個人覺得美斯成就高啲，但點解唔可以同時欣賞兩個球王呢？），就算冇世界盃冠軍，都唔影響佢歷史地位。我係對佢冇乜好感，但都好想佢呢個咁傳奇既球員人生，可以添加最後一個有意義、同時亦係最重要既獎座，咁先可以圓滿佢GOAT既位置。
14. 冇睇足葡萄牙既賽事，但大概都知佢哋除咗對烏豬狂刷數據之外，其他比賽都相較失色。唔係C朗一個既問題，係全隊既責任，不過尋日睇波時，我就覺得西班牙既表現唔算太好，令到葡萄牙意外地顯得表現唔錯，如果表現出色既紐奴文迪斯傷咗，可能葡萄牙至少可以守到完場。
15. 不過，而家冇喇，輸咗就係輸咗，都意味住參加過六屆世界盃既C朗，同呢個國際足壇最高榮譽無緣。唯有阿Q啲去諗，有啲嘢，係有遺憾美先至令人記得，唔係咩？
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #C朗 #葡萄牙
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
1. 哥連斯之子，曾經入選過唔少次港隊既黑人前鋒米高正式加盟理文。
2. 其實一啲都唔意外，因為由四月開始就已經有晒傳聞吹風，米高仲要喺理文跟操同入場觀戰理文既比賽，你話佢唔加盟理文我都唔信。
3. 劉家喬要去清華讀書，佢係幾有潛質既，但上季成季都兌現唔到出黎，全季所有比賽加埋只係入咗一球，當然咁同佢成日都只能夠以後備出場有關（多數6、70分鐘上陣），畢竟有時佢喺場上都有啲嘢睇到出黎既，我又唔覺得佢真係差到咁，係入唔到波囉。喺劉家喬要離隊既時候，補充另一位邊緣港腳級既前鋒，都算係合適既補強。
4. 不過，有留意開港隊既比賽都知，米高喺港隊既入波效率其實同樣低下，比起劉家喬既尚未喺A級國際賽開齋，佢只係好少少，對不丹既時候入過兩球。力量、速度，以米高黑人基因天生優勢，應該好過劉家喬既，但後者既技術同射術，我覺得好過米高，但個人覺得米高既加盟，並唔會令理文既鋒事即刻upgrade，佢既定位隨時只係好似劉家喬咁，係一個「超級後備」去改變戰局。
5. 球季仲未開始，不過理文走咁多人，仲包括艾華頓同杜度，雖然話佢哋年紀唔細，但仲有一定戰鬥力，港超都夠殺，而家暫時公佈既新球員唔多，真係令理文fans擔心。但當然，而家只係7月頭啫，都仲有大把時間，何況香港球壇既嘢，好多時都係開操果陣先知有乜嘢新球員加盟（隨住社交媒體日漸流行，其實呢個做法都少咗），我哋到開操時再睇下理文有乜嘢新球員喇。
6. 另外，緬甸足總喺啱啱公佈，前港隊主教練安達臣會擔任國家隊主教練一職。
7. 唔知果300份申請港隊教練既CV入面，有冇安達臣呢？其實我唔反對安爹再教過港隊，不過足總比我既感覺係可能都冇諗住食回頭草，所以就算安爹真係掟CV過黎，我睇佢哋都唔會考慮。
8. 其實我有睇過網絡上某啲反對安爹既留言，主要係屌佢搵港隊作為跳板，又鬧佢只係PR好先會累積咁多信徒。事實既嘢我唔反對，安爹的確係冇續約就北上雲南玉昆教波，仲要教得唔錯，拎完中甲冠軍升埋上中超，咁既話你的確可以話佢係港隊作為跳板。但實際上諗諗，除非你搵香港本地既教練架啫，你搵外國教練，唔通人哋真係做香港隊教練做一世咩，對於我黎講，我覺得只要帶領到香港隊有進步，我就覺得佢係一個好教練。安達臣唔駛講，就算係因為把口唔收所以引起好多爭議既韋斯活西木，我都覺得佢既港隊係唔差，至少我睇到有進步。
9. 但係盧比度叔叔…雖然佢頂住兩屆港超最佳教練既光環，但係截至現時為止，我真係覺得佢麾下既港隊係一場好波都冇。
10. 不過咁講喇，只要佢一日係港隊教練，我都會支持佢，就睇下佢會唔會喺之後既任期內撥亂反正喇。黎緊香港主辦既「東盟盃 D2 組」賽事，就睇下佢帶既港隊踢成點喇，話唔定仲有機會見到安爹倒戈香港隊添。
11. 又講講世界盃，葡萄牙喺十六強補時階段比美連奴入波，最後輸一比零出局。賽前C朗已經講話呢次係佢最後一次世界盃，希望呢次唔係最後一場云云。
12. 坦白講，我係曼迷，自從Piers Morgan事件之後，我就對C朗冇乜好感。同時，我都認同一啲既分析，指C朗而家仲係喺葡萄牙擔任正選前鋒其實未必係一件好事黎，佢走動太少，而且好多方面都不復當年勇，我記得唔知係ESPN、Goal定係The Athletic（我足球專欄啲文主要來自呢三個媒體），分析指出C朗一係就肯擔當輪換角色，咁葡萄牙可能都有機會捧走世界盃，佢如果想鎂光燈繼續集中喺自己身上，咁就應該好快打道回府，估唔到一語中的。
13. 饒是如此，其實我都係想C朗可以拎一座世界盃冠軍獎座。講真，作為一個足球員，佢既成就真係冇得彈，除咗美斯之外，真係冇人可以同佢比肩（個人覺得美斯成就高啲，但點解唔可以同時欣賞兩個球王呢？），就算冇世界盃冠軍，都唔影響佢歷史地位。我係對佢冇乜好感，但都好想佢呢個咁傳奇既球員人生，可以添加最後一個有意義、同時亦係最重要既獎座，咁先可以圓滿佢GOAT既位置。
14. 冇睇足葡萄牙既賽事，但大概都知佢哋除咗對烏豬狂刷數據之外，其他比賽都相較失色。唔係C朗一個既問題，係全隊既責任，不過尋日睇波時，我就覺得西班牙既表現唔算太好，令到葡萄牙意外地顯得表現唔錯，如果表現出色既紐奴文迪斯傷咗，可能葡萄牙至少可以守到完場。
15. 不過，而家冇喇，輸咗就係輸咗，都意味住參加過六屆世界盃既C朗，同呢個國際足壇最高榮譽無緣。唯有阿Q啲去諗，有啲嘢，係有遺憾美先至令人記得，唔係咩？
#不專業足球筆記 #專欄 #足球專欄 #足球 #香港足球 #香港隊 #香港隊勁揪 #世界盃 #C朗 #葡萄牙
廣告時間 -
ig: leafopen3
instagram.com/leafopen3
fb: leafopenleafopen
facebook.com/leafopenleafopen
thread: @leafopen3
www.threads.com/@leafopen3
更多專欄內容︰ https://www.leafopenleafopen.com/unprofessional9up
更多小說內容︰ https://www.penana.com/user/52938/%E8%91%89%E9%96%8B%E8%91%89%E9%96%8B/portfolio個人網站︰ https://www.leafopenleafopen.com/
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
如果有興趣睇下我既其他寫作作品，可以上 https://leafopenleafopen.com 或者 https://www.penana.com/user/52938/%E8%91%89%E9%96%8B%E8%91%89%E9%96%8B
如果覺得我寫嘢OK想請我飲杯咖啡支持下我既，可以上 https://www.penana.com/membership_plan?id=52938 或者 https://m.penana.com/stream?id=52938
請按此登錄後留言。未成為會員? 立即註冊