老列納扯火!叫施捷斯尼廢話少講!

係一個月之前，熱刺仲領先阿仙奴十分穩佔聯賽第三，但自從聯賽三連敗之後，熱刺嘅優勢已經無左，而家剩係領先阿仙奴一分咁多！而阿仙奴嘅門將施捷斯尼早前仲高談闊論，話希望車路士都可以一齊挑戰熱刺嘅排名，佢更認為熱刺應該係踢歐霸盃！

老列納聽到當然扯火啦！叫施捷斯尼唔好講咁多野！話佢應該將焦點放係自己足球場上嘅表現，而唔係走去批評其他球隊。仲話阿仙奴遲下大戰連場，仲要對車路士同曼城等嘅強隊。正所謂「波係圓嘅！」，無人會知道到底遲啲會發生咩事。

老列納話暫時好滿意球隊表現，足總盃入到八強，而家仲係聯賽第三，對球隊完全信任。

希望熱刺係剩返嘅聯賽全部贏哂佢，拎到下屆嘅歐聯席位，仲贏埋足總盃返黎比球迷啦！