熱刺曾邀請卡錫加盟 精選

熱刺而家右翼缺人，成日都要將巴利放係右路，但係效果唔理想，搞到左右路嘅攻力都大打折扣。但原來熱刺係一月個陣曾經邀請祖雲達斯翼鋒卡錫外借加盟！

27歲嘅卡錫係2010年世界盃後由莫斯科中央陸軍加盟祖雲達斯，處子球季表現神勇，但係自從去年夏天干地成為斑馬軍團主帥之後，他就成為球隊的邊緣人，今季至今只有9次上陣機會。一月轉會窗個陣曾經有球會邀請卡錫外借加盟，但呢位塞爾維亞國腳拒絕左呢啲邀請，他承認自己做錯左決定：「一月轉會窗關閉前，熱刺和聖彼得斯堡曾邀請我加盟，但由於我以為會在祖雲達斯獲得機會，所以我拒絕了這些租借邀請，顯然我犯了錯誤，如果我接受了其中一個邀請，現在的情況會好點。」

如果熱刺一月個陣真係借用到佢，補到艾朗連濃右中場個位，就唔會搞到成日放巴利去右邊，莫迪歷就要去打左路，成個陣容變樣，成績下滑！