古語有云，單憑衣著認人好危險。其實，單憑樣貎認球星兄弟都好容易搞錯。
無關係，又撞哂樣，齋睇樣，實點錯相。以下幾位仁兄都係世界頂尖球星嘅親兄弟，不過就同隔離個位成個餅印咁嘅球員完全無關。睇返佢哋同真兄弟嘅合照，可能會令你感到好意外。
今次要有勞讀者幫幫手，憑各位閱星無數的銳利眼光，估吓邊位至係佢哋親生兄弟嚟。俾定貼士你先，呢度有齊巴塞、皇馬、馬體會、曼聯、曼城、車路士、阿仙奴各大主將嘅手足係度！
如果估唔到，可以睇埋每張相下面嘅提示.....
祖亞昆高大得嚟又夠靈活，我大佬都係一樣。不過我認，大佬係無佢咁好腳法，但無緊要，大佬而家撈得好掂，身價都不知幾高！
尼馬？佢唔係我大佬噃！不過都有一個字中。其實我大佬都係西甲前鋒，上季同今季入球都唔少得過尼馬添！
我咁靚仔，邊度似葛斯大佬呀？我細佬年紀細過佢，入波多過佢，仲係英超球會副隊長添！你哋實識佢嘅。
EC高同我大佬身型同踢法都有啲相似，佢哋同樣係出身華倫西亞，不過去到西班牙國家隊，佢見到我大佬都要叫聲師兄呀！
老馬？我點會唔識佢，我哋大家都係南美人，我細佬而家好勁，差唔多有老馬當年嘅速度同射術，仲同佢一樣踢過巴塞添！不過梗係唔會亂take嘢啦！
賓斯馬係幾有料嘅，不過同我細佬比仲差好遠！佢地兩個隊波係死對頭嚟！
伊恩拿祖唔係我細佬，不過同佢年紀差唔多，身型差唔多，而且同樣都係曼市嘅人，幾橋呀呵！
韋拿就唔係我大佬，不過韋拿踢法有啲似佢，佢哋踢過同一間球會，兩個都係西甲神鋒，而且都拎過歐國盃神射手獎。
【到下一頁睇答案】
請按此登錄後留言。未成為會員? 立即註冊