講到明!利雲度夫斯基:「我要去拜仁!」

無敵的拜仁時代 於 11/06/2013 發表 收藏文章
今個夏天,歐洲轉會市場最受人關注嘅球員,一定非多蒙特嘅利雲度夫斯基莫屬。傳聞一直指利雲度夫斯基會繼葛斯之後,於今夏加盟拜仁慕尼黑。不過,早前多蒙特體育總監索治就講明利雲度夫斯基一定唔會係今個夏天轉會拜仁,同時亦通知咗了利雲度夫斯基同佢嘅經理人。結果,消息一出,利雲度夫斯基本人就立即表示對球會嘅決定好失望,同時重申自己依然希望加盟拜仁嘅諗法 。
目前身在波蘭嘅利雲度夫斯基表示:「我相信,呢個唔會係多蒙特嘅最終決定,形勢總係變化得好快。我黎緊就會去渡假,我希望所有事都會有所進展,情況好快得到改變。」
好明顯,利雲度夫斯基依然希望多蒙特可以改變態度,係夏天放自己去拜仁。不過,多蒙特係葛斯俾拜仁挖走之後,根本唔想再有主力球員轉投勁敵,所以,寧願留利雲度夫斯基多一年,之後再俾佢自由轉會 。
連球員都講到出口,咁曼聯好明顯就唔會簽得到佢啦~

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→