傑志u18新星訪問

《足球紀元》 於 25/03/2019 發表 收藏文章
越來越多人開始留意本地波,青年球員也對球隊的長遠發展十分重要。筆者最近就找到了傑志u18的球員周卓昇,做一個簡短的訪問。


訪問內容如下。

我:嗨,不如先介紹自己?
昇:嗯。我係周卓昇,而家十七歲,係聖若瑟書院讀中五。而家喺傑志u18青年軍,以前踢過南華。我主要踢中堅,都可以踢中場。

~
問:你嘅優點同埋缺點?
昇:我其中一個優點係可以控制心情,好少燥底。我有啲隊友成日踢下就燥,但咁樣會影響踢波嘅質素同埋易啲攞牌。我覺得踢波控制心情好重要。仲有一個優點,係體能。我由細踢到大,所以有足夠嘅體能訓練,對我而家嘅發展有重要幫助。缺點係射十二碼。之前有一排連續射失幾次,所以冇乜信心再射。我可能有啲心理陰影啩!

~
問:踢波點樣可以勁啲?
昇:其中一個方法係努力啲訓練。做任何嘢都係靠天才,努力嘅訓練係最重要嘅。只要努力訓練,唔識踢波嘅人都可以變得好勁。同埋嘗試享受佢,如果你鍾意做一件事,就有大啲機會可以做得好。隊友都係一個因素,如果隊友可以令到你更有上進心,就更加好。

~
問:咁你對未來有啲咩抱負?
昇:我目標係繼續努力踢波,一路進步,未來可以進入一隊,延續我嘅足球事業。我想同我呀哥一樣,踢到入一隊。我由細到大都好享受踢波,如果可以做到職業,就更加好。我想可以兼顧到讀書同踢波,兩邊都做好。

~
問:點睇香港足球?
昇:希望大家唔好用太批判性同負面嘅言語評論球員, 好多球員都收入卑微,想轉行。年輕球員就好易為咗未來發展而唔踢波,其實我哋最需要係支持。尤其而家足球係香港慢慢發展,越嚟越多人睇波,未來發展會更好。雖然好多人話係香港做足球員無前途,但係我相信只要踢得好,都一定會有出頭天。


我:咁我祝你能夠做到心目中想做嘅事啦!
昇:多謝曬!


^周卓昇及其兄與隊友出席傑志的活動。


其他圖片:




防守




畀個like 呢個 page 啦!謝謝。


圖片來源:傑志、周卓昇

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→