英格蘭新路向,8個防守中場

英格蘭在今屆世界盃16強賽事中,以12碼淘汰哥倫比亞,晉級8強。英格蘭今場比賽的出陣名單,與分組賽首戰鬥突尼西亞是一樣的,而綜觀整體踢法及行軍布陣,又大致相似,開首15分鐘,對哥倫比亞發動狂攻,不過哥倫比亞在往後的時間已漸漸入局,英格蘭的進攻沒有佔絕對優勢。


整體布局上,英格蘭陣式為3-1-4-2,重點是「4」的球員,包括楊格、阿里、連加特、查比亞,當防守時,4人齊回防,將防線守在禁區前,並以集中、較多的人腳優勢,搶截對方的中路進攻,這個踢法在4場決賽周比賽中的效果都理想,而對方的後路傳中球,亦一一被三中堅頂走。3中堅上前、4中場回後,力上防中軒達臣,形成在己方禁區與中場之間,形成強而有力的搶截力,行軍上可說是有8個防中,麥佳亞在分組賽第一場的表現,就可以說他是一名防中,更甚於是一名中堅。

至於攻擊方面,好多球迷認為史達寧在4場比賽都無表現,應該要抽走,我唔建議咁做,史達寧同哈利簡單拍檔打前鋒,佢嘅速度同靈活走位能力,係有力牽引對手,拉出空間比哈利簡尼,以及後上嘅連加特有機會起腳,佢嘅角色並不是為入波而存在。


哥倫比亞中堅Mina今場全力以身體優勢壓制史達寧嘅發揮,亦係深明史達寧嘅作用,史達寧活動範圍減少,英軍的進攻板斧亦相對減少。

講12碼大戰前,要講下修夫基臨陣變通的能力,喺對突尼西亞一戰時,正喺1:1時,修夫基夠膽出路夫斯捷克增強前場組織能力,這點要讚,係睇通前場創造力不足的問題,亦因為一定要攞3分,作出大膽調動。


不過今場對哥倫比亞時,下半場以1:0領先之際,英軍明顯向後縮,到81分鐘時更以戴亞入替阿里,有守到完場的打算。但問題是,哥倫比亞兩邊快速突擊、及落底傳中,喺下半場大部分時間對英軍後防有好大威脅,如果再將防線壓後到禁區一帶是非常不智,因為英軍這4場比賽可以,禁區防守不是英軍所善長,换戴亞出來是可以,但進步將防線後退是下策,以楊格及查比亞的表現來看,兩人未有死守的能耐及打算。

另一個問題是中場創造力問題,連加特、阿里都未能勝,阿里兼顧防守及進攻,而佢本身屬攻擊手,派牌能力並不是特別強。連加特亦要隨時後上突擊、起腳射腳,導致中路創造力不足。係咪要起用路夫斯捷克代替其中1人,這點亦要看臨場戰況,這是要考修夫基的功力,但今場顯然不足。而中路中軸3人,阿里、連加特、史達寧,在身體質素上不及哥倫比亞球員,每次攞波都被撞散,這亦係創造力不足的因素之一。

至於12碼大戰,真係要讚英軍整體心理質素,實在係比前輩們有大大提升(即係修夫斯XD),碧福特要讚,喺軒達臣宴客後,無分心,仲撲出12碼。華舒福要讚,加時最後幾分鐘入嚟,身體應該無咁快上力都去射12碼,而且攞角度好、有信心。最後戴亞也可讚,最後一腳、22年12碼大戰不勝的壓力盡在他身上,但都攞角度攞得好,龍門捉到路都照入。


英格蘭下場就會對傳統剋星瑞典,祝願英軍再下一城,晉身4強。

留言


請按此登錄後留言。未成為會員? 立即註冊
    快捷鍵:←
    快捷鍵:→