文迪斯你玩夠未?

十號痴漢 於 13/08/2015 發表 收藏文章
今年歐洲轉會市場相對乏味,蓋星級前鋒,頂級中堅奇缺,可供交易的貨源極為有限.使錢的球隊不少,但叫人嘩一聲的收購卻欠奉.史達寧的4900萬已在標王之列,間接反映市況不濟.
一向以來,足球經理人是以球員交易賺取佣金為生.市場交投淡靜對其收入亦大有影響.以星級經理人文迪斯而言,今季只得迪馬利亞一個重磅轉會,是否感到滿意?不,迪基亞好戲仍在後頭呢!但,要等到幾時呢...

OKOK,好快有平野執,等我好消息.(設計對白)

皇馬對迪基亞有興趣已是公開秘密.而曼聯亦心知今季留到人都留唔到下季.在此背景下, 坐低洽談轉會費似是唯一出路.可惜有人機關算盡,串同新球會以球員只剩一年合約作要脅,企圖以低價挖走球員(曼迷MODE).


小朋友,續多兩年約,等球會收番多少,好來好去丫...(設計對白)

正常情況下,呢招基本上萬試萬靈,但不幸地今次對手是一個不按牌理出牌的雲高爾.大概文迪斯也沒想過,雲高爾會在高調趕走域陀華迪斯,二號門將位置懸空的情況下,狠下心腸放迪基亞入雪櫃,並以羅美路代之;更有趣的是,那邊廂皇馬簽入二號門將卡斯拿,變相宣告購入迪基亞並非必然,更遑論斥巨資收購.

老佛爺,乜搵D咁野搞呀.你咁樣我點幫你同對家FIGHT呀...喂...喂??? SHIT...(設計對白)

皇馬中途拆橋,背後原因不明.但肯定的是皇馬以此表明不會加碼,亦令文迪斯於曼聯面前底牌盡露:一局被人睇穿底牌的SHOWHAND,如何玩下去?


我幫你趕走左卡斯拿斯已經對得你住有突,你而家仲好意思走黎叫我俾多少少?呢個笑話都好好笑喎(設計對白)

可以說,文迪斯絕對不會讓迪基亞坐一季板凳,因為除不符客戶利益外,自己亦英名盡喪.經紀人的招牌比錢更重要,招牌被拆等於失去點石成金的能力,損失斷不能以帳面數字計算.但他會一如大部分曼迷的奢想,先續約再說服皇馬高價買入嗎?依我看,這條路只是死刑跟死緩的分別而已. 看看一男子,會因為亞視執笠而發牌給王維基嗎?


看倌請自備花生,欣賞文迪斯如何扭盡六壬,力保"金牌經理人"之金漆招牌.

留言


請按此登錄後留言。未成為會員? 立即註冊
  • 史杜 於 13/08/2015 評論 NO. 1

    如果曼聯係因為迪馬利亞單野入埋文迪斯數,所以企到咁硬,文迪斯會好頭痕。

  • Jojostar 於 14/08/2015 評論 NO. 2

    迪基亞如果對曼聯有情義嘅就應該學萊斯咁續約 球會唔會人材兩失

快捷鍵:←
快捷鍵:→