想贏怕輸的曼市打比

十號痴漢 於 27/10/2015 發表 收藏文章
今屆英超其中一場焦點賽事 --- 曼市打比,在雙方都以“唔贏唔緊要,最緊要唔好輸”嘅心態出戰下,以00完場。


作客的曼城有主力阿古路,施華缺陣,被迫以邦尼作箭頭,YAYA作攻守串連。然而教練保守思想深植腦海,基本上只以史達寧,迪布尼在兩翼聊作騷擾,全場沒有真正攻勢可言。
坐鎮主場的曼聯又如何?他們看起來積極一些,華倫西亞似乎能在高拉洛夫上身取得甜頭,可惜未能轉化為入球。下半場開局的搶攻未能得逞,後備入替的連加特產生不少威脅卻沒有得到幸運女神之助,未能取勝相對是可惜。



看完這場既不精采亦不緊張的打比,球迷們會有什麼話題 --- 問到口臭都仲要問朗尼點可能仲係正選? 發現曼城的邦尼一樣咁廢,令場波變成10打10,再無著數蝕底? 抑或發覺英超唔係得一隊強隊識泊大巴? 仲要越係強隊,越會唔理球迷感受,為左唔輸咩踢法都拎得出黎?


一場令人無法有激情,有回憶的打比戰,實在令球迷氣餒。若再看到賽後教練一分已袋,得意洋洋的訪問,所產生的無力感,足以摧毀任何一位忠實球迷的熱情。但你得接受,因為你只是局外人,你不會因為輸波被炒,不會因為少了一分而丢了冠軍。

你,只能選擇轉台。

http://www.skysports.com/football/man-utd-vs-man-city/341282#ooid=x4azlleDqhgaKcuXigtmFuyYo0T40DtM

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→