公關災難

十號痴漢 於 31/12/2015 發表 收藏文章
近期面書新增了一個關於公關災難的專頁,記錄了不少公眾人物/機構因拙於言詞或表達技巧欠佳而出醜的個案。簡而言之,是柒事大全。
廣東俗語有云:唔出聲冇人話你啞。慎言是美德,作為公眾人物/機構,若沒有十足把握,更應以少說少錯為原則,否則小事變大事,大事變柒事,而不會有人可憐。



數日前,我們的本土王牌射手意圖或企圖以托迪成名妙技勺子主罰十二碼,卻因"踢完百二分鐘後腳唔聽使"(事後辯解理由)/學藝未精(個人推測)而射失。以王牌射手在本地的號召力,主罰十二碼的整個過程自然於網絡瘋傳,網民亦自然議論紛紛,指責我們的黃金右腳輕鬆/挑地主理這個十二碼,直接連累球隊出局。

https://youtu.be/B2kYWxuFSvs

十二碼一係入一係唔入,球員本應只需對球隊/隊友負責,是玩野還是認真,要原諒還是抽插,也輪不到街外人說事;同樣外間的冷言冷語甚或落井下石,作為公眾人物可做的實在不多,意圖或企圖還拖只會招惹更多是非。若果自己文筆不佳,EQ欠奉,卻又堅持想為自己"討回公道",只會小事化大,沒完沒了。



Chan Siu Ki
12月27日 21:56 ·
如果你你你同你覺得我係玩野,請你黎睇下我練波時有冇咁練過,或者去YouTube睇下我有冇咁入過。
當你面對一個好熟悉自己嘅守門員而選擇一個射法但射失你覺得我係玩野,咁我仲咩要咁辛苦係打少個仲跑到死咁幫球隊?
仲有, 咩叫輕鬆射十二碼???
最後係呢到恭喜東方,一月十號聯賽再同你地死過!!



不知道網友看到以上的留言有什麼感覺,我看到的是又一幕自製的公關災難。

如果喜歡我們的文章,請即分享到︰

留言


請按此登錄後留言。未成為會員? 立即註冊
  • KinPo Tsang 於 31/12/2015 評論 NO. 1

    陳七真係,,,, 唉 其實冇乜野 我以前都經常接觸佢 但還拖呢下 我真係覺得 佢想點?

  • 史杜 於 31/12/2015 評論 NO. 2

    成件事其實可以好簡單: fb sorry,講完收線。做多左無謂野自己申請負皮,幫佢唔到。

快捷鍵:←
快捷鍵:→