訪問錄影👇🏻
https://youtu.be/pjB34URp8hI?si=iQ6n2VgVPUZmAgA_
凱景教練馮凱文接受守拙One Fung Call Away 訪問節目時，認為在培養年輕球員時，思考是至關重要。「因為我發覺其實而家好多小朋友踢波唔係唔叻，但係只不過太依賴我哋教練去俾一啲指令佢。佢可以執行到個指令，但係佢無乜去自己思考，所以我就希望佢哋從細練波就要習慣去諗。」
他詳細解釋了這個練習過程：「 我今日set一個練習，佢就要諗點樣去做。到佢做咗之後，我又會問佢問題，我會問邊方面會係好啲呀？又問吓佢哋點解馮sir今日會set呢個練習俾你。」
他接著再次強調這個做法的目的：「希望佢哋會有思考嘅能力，而唔係淨係負責執行教練指示去做。」
筆者問到這種練習對球員成長有何好處時，馮凱文就表示他比較喜歡球員有創意。「我唔介意球員練習嗰陣做啲天馬行空嘅事，起碼佢會有腦筋去認可唔可行。如果佢練習上發覺呢樣嘢係唔得嘅，咁佢咪自然唔再去做。」他又指出球員在訓練已經習慣思考，在球場上便不會依賴教練的提點，這對年輕球員成長十分重要。
不過馮凱文教練及後就強調他十分著重年輕球員的態度。「我好介意佢哋嘅態度，你黎到練波就一定要百分之一百投入，唔可以hea。場外你都要讀好啲書，操守都好重要。」
當然對球員心態的要求，不只套用在年輕球員，他對外援也有要求，他在訪問中亦談及季中不惜買機票請走一名凱景南韓外援的經過。「我請佢離開之前都請佢傾過幾次，俾咗幾次機會佢。咁大家踢開波都明白嗰啲態度會傳染。」
他認為教練必須要控制好隊內的態度，他不想年輕球員感覺外援是「高人一等」。他又批評該南韓外援的練球表現不理想，在比賽時很多埋怨，「甚至完場時鬧自己隊友」，所以在無法接受的情況下，他最後不惜以自己的金錢請走該名南韓外援。
他指出若然年輕球員態度不理想，經警告而不改善，他也會請他離開，但強調隊內一般球員心態都沒有問題。
筆者在訪問尾聲就問到馮凱文教練對於近年本地年輕進攻球員被安排打閘位的看法時，他表示沒有太多意見。「每個教練、每支球隊都有佢哋自己嘅要求、戰術部署、或者打法。我相信教練最清楚球員特性，咁佢安排得一個進攻球員打個閘位，我相信佢有佢嘅諗法。」
最後香港U23近期傳出有散班風險，馮凱文就表示很欣賞球隊堅持自己的風格，相信會對年輕球員成長有一定幫助，有保留的價值。「我本身有球員喺裡面踢波，都見到佢哋嘅成長。好簡單，呢批U23第時都有機會接大港腳。球員要進步，就要多落場吸收比賽經驗。雖然成績唔理想，但係年輕球員有參與港超比賽，對唔止球隊，對香港足球未來會有幫助！」
請按此登錄後留言。未成為會員? 立即註冊