凱景教練馮凱文接受守拙One Fung Call Away 訪問節目時，重提當年孫銘謙外流南韓的流產事件，強調當時主因是因為疫情方面而未能成事。他指出當時他認為外流南韓是最好的出路：「其實我都好坦白同孫銘講，因為我覺得呢條路會比較適合你，但唔代表佢自己覺得好，所以我安排咗係咁樣喇，咁你要自己諗吓，究竟馮sir安排俾你，係咪你自己想要嘅。」
最後當時孫銘謙都作出了留在香港的決定，並輾轉加盟港超前列球隊飛馬。馮凱文亦有詳細解釋當時孫銘謙的取捨「嗰陣時真係疫情啱啱開始，佢大學又轉咗科，佢又同屋企人商量過，咁始終唔知疫情之後係點，所以暫時唔過去住。」
不過他未有因此感到灰心，他笑著說滿意孫銘謙的成長：「So Far 佢都有好嘅成就，我都開心嘅。」
被問到未來會否繼續嘗試安排球員到南韓外流，馮凱文毫不猶豫肯定地確認：「有呢個打算。」
他介紹到他今季本來是想安排另一位球員外流至南韓：「原本下一個係陳嘉昊，即係我哋上年嘅守門員。」
可惜球員意願就偏向留在港超聯，馮凱文解釋當時的情況：「但係因為今年港超佢有機會去晉峰，佢都有同我講。我就話你自己揀喇，始終佢夢想都係踢港超。咁難得有機會，佢想試吓。佢今年選擇咗去晉峰先囉。」
最後他總結：「我一直都有同韓國嗰邊聯絡，只要我有好球員，佢哋都有平台俾我哋見識下。如果未來真係（有球員）過到去，嗰面會安排識英文嘅球員同教練支援球員」
近年不少香港球員都紛紛尋找機會外流，不過目的地多數也是中超、中甲聯賽。筆者期待未來會有本地球員在馮凱文教練的穿針引線下，能夠到南韓發展，見識更多地方的足球文化。各位讀者又是否希望有香港球員到南韓發展呢？如果是的話，你們又認為誰會勇敢地走出舒適圈到南韓展開一場冒險之旅？
請按此登錄後留言。未成為會員? 立即註冊