下午三時比賽令東方新外援中暑休克引發爭議 港超開賽時間如何處理？

東方新外援賀爾晏晝三點友賽中暑，令到港超球員教練都發聲，認為晏晝開波實在太熱，希望港超夏天比賽延遲到黃昏先開波。不過港超比賽時間編排要延遲要考慮唔少因素。
第一，究竟嗰啲比賽場地夜晚有冇其他團體book到？畢竟除咗港會場之外，其餘場地都係公家嘅。

第二，場地照明系統符唔符合夜晚比賽規格？

當頭兩個因素解決到先，本身六點係港超夜場，如果全部改六點開，咪有可能要搞到三場一齊開波？咁只會分散已經唔多人入場嘅觀眾，令每一場入場人數更少。

咁如果推到夜場八點先開呢？咁又會撞歐洲聯賽開波時間，令部分球迷入場意欲減少。

其實又有無得再諗闊啲呢？天馬行空啲？如果編港超朝早九點半開波又如何呢？
唔洗開燈之餘，天氣又無咁熱。

抑或將本身編星期六日嘅早場，
改成星期一、四、五各開一場夜波？
變相星期一、四、五、六同日都有港超比賽
咁樣咪可以避開炎熱嘅晏晝之餘，
又唔會分散哂啲球迷，
仲可以令港超賽程分散到每日都有咁濟。

大家又點睇呢？