十球就係香港同越南/印尼嘅差距 精選

https://upload.cc/i1/2022/09/17/w69ecJ.png
-

大港腳早前完成不可能既任務，喺亞洲盃外圍賽2:1擊敗阿富汗同3:0大勝柬埔寨，終贏得到半世紀以黎第一張亞洲盃決賽週入場券。嚟到九月，輪到香港U20去打亞洲盃外圍賽，同組對手有越南、印尼以及東帝汶，可惜U20代表隊出師不利，先喺亞洲盃外圍賽先輸俾越南1:5，第二場再以同樣比數慘負印尼，兩場加埋失咗成十球，未打第三場已經提早出局……
-

同組對手實力雖然喺港隊之上，但如果係用現時兩隊成人隊較量，相信戰果只會係一兩球上落...睇完呢場真係感覺到其他亞洲地方足球發展得好快，港隊反而停濟不前，同其他鄰近地區嘅差距亦似乎越嚟越大。今場係可以見到香港隊球員已經態度非常積極，喺場上博到盡，但技不如人，真係無計。

-

無論喺越南定印尼，喺賽前準備、戰術設計抑或係球員個人能力，兩隊都比港隊更勝一籌。以今場為例，港隊完全無法有放阻止印尼小組組織，亦無辦法減輕對手源源不絕嘅長傳威脅，對手好容易一兩下就進入心臟地帶...而其實香港隊亦唔係無機會進攻，尤共當比數係3:1時間，其實香港有唔少時間都有空位打反擊，甚至馬菲有一球單刀機會，可惜香港隊都未能好好把握，只能憑一球十二碼補中破蛋。上場陳嘉宝都有大好良機，火喉同樣未夠。其實以香港隊呢兩場有嘅破門機會，得兩球十二碼補中入球，真係唔合格，真係至少加埋要入四至五球...
-

我哋絕對唔可以話呢班後生仔出去吸收經驗黎做開脱，我哋並唔係派出U20硬打人哋一隊，人哋同樣只係派出U20代表隊。呢兩場失十球完全可以顯示到我哋由上而下有幾咁落後。人哋U20都可以小組組織、精準長傳同冷靜射門，我地呢班小將嘅發揮就……似乎同香港隊主教練安達臣想打嘅offensive football，仲有一大段距離。