周末基柏阿列沙巴拿加同教練沙利發生「極大嘅誤會」之後，退居後備理所當然，亦造就咗一個機會俾後備門將卡巴尼路去證明自己。
世界盃分組賽面對克羅地亞嗰陣，卡巴尼路解圍失誤導致失波，犯下一個彌天大錯，揭開嗰一場波大敗嘅序幕。世界盃之後嘅賽事亦因為呢場表現惡劣，失去咗正選席位……
卡巴尼路生涯黃金時期效力艾爾切同馬拉加，雖然表現唔錯，但係始終唔會有強強對碰或者大賽打，唔可以向全世界證明下自己實力。上年終於有份打世界盃嘅時候，唔知係咪緊張得濟，表現極為惡劣。相信卡巴尼路心入面，一定好想再次喺大戰裡面上陣，話俾全球球迷知道，自己有力喺大戰交出表現！
到咗聯賽盃決賽，見住正選龍門基柏阿列沙巴拿加一次又一次咁坐咗喺度要軍醫治理。卡巴尼路梗加俾沙利叫去熱身，之後甚至叫球證舉牌換人。卡巴尼路可能諗機會終於黎到喇，可以出去喺互射十二碼階段大展身手……點知基柏阿列沙巴拿加拒絕換出，卡巴尼路無奈地坐番低。據說基柏阿列沙巴拿加入番更衣室之後仲要蓄意講自己勁過卡巴尼路……嗰種完全唔受人尊重嘅感謝，旁人都感受得到。
今日對陣熱刺，有正選機會。卡巴尼路雖然無神救，但係成場好專注，全場穩打穩紥，協助球隊贏波兼保持清白！穩打穩紥嘅表現，證明自己有條件打到大戰！今場波每次車路士入波，卡巴尼路都慶祝得特別高興。可以睇得到今場贏波，令卡巴尼路抑鬱喺心裡面嘅情緒，終於可以釋放哂出黎！
請按此登錄後留言。未成為會員? 立即註冊