“Respect, Respect, Respect” 摩連奴成日都話要尊重，而佢嘅舊東方車路士啱啱喺聯賽盃決賽就發生咗一個球員極為唔尊嚴教練嘅事件。
車路士喺聯賽盃決賽力拼到十二碼階段先俾曼城，車路士教練沙利嘅工作認真危危乎。不過比賽喺加時嗰陣發生咗一件罕有嘅事件，車路士門將阿列沙巴拿卡隻腳明顯有啲受傷，教練沙利以防萬一決定用卡巴尼路入替，阿列沙巴拿卡竟然企硬堅持唔離場！最後搞咗兩三分鐘都唔肯走，換人唯有作罷……沙利更加嬲到想即時離開球場！
換人係教練嘅工作同權力，教練決定換走你，你就只可以尊重嘅決定。無可能係唔肯走，咁做等同架空梗你教練嘅權力呀！球員大過領隊呀而家？就算你對教練幾咁不滿都好，你都無可能去干涉教練嘅決定㗎嘛……普巴之前同摩連奴不和，摩連奴又成日換走佢，佢都唔會唔肯走出黎喇！阿列沙巴拿卡咁做，猶如喺幾萬人面前表示你管唔到我㗎喇，一啲都唔尊重教練！我係沙利嘅話，接下黎嘅比賽，為咗自己嘅尊嚴同權威，一定放佢入雪櫃，以後唔再用佢。唔係嘅話，以後仲有邊個聽你講野？
最後，恭喜曼城成功衛冕聯賽盃！
請按此登錄後留言。未成為會員? 立即註冊