英超今輪再次有Friday Night football 。其中一場就係小倫敦打吡，由韋斯咸主場迎戰富咸。開波40秒韋斯咸後衛沙巴列特送大禮，造就富咸前鋒巴布有單刀機會，但係佢就射唔入呢個full chance…雖然2分鐘之後，佢好快就將功補過接應施斯隆傳中篤入，幫球隊領先。領先完，慘案就發生喇……喺一次門前混戰之中，韋斯咸前鋒「小豆」查維亞靴南迪斯用手拍個波入網，球證就見唔到，判入球有效，場邊富咸教練雲里亞尼投訴都無用喇……及後富咸後防就多次犯錯，亦導致俾對手入多兩球，反勝為敗。呢場輸埋，得番11輪英超……富咸要護級成功嘅機會，開始變得有啲渺茫。
韋斯咸就繼續排喺中游，冇乜特別。不過佢哋嘅中場蘭仙尼今場終於可以復出！佢喺上年六月因為前十字韌帶斷裂，搞到要長抖，仲要錯過埋世界盃……希望一向多傷患嘅佢，可以遠離傷患、健康咁踢好波喇！佢有唔錯嘅速度同傳球能力，受傷前一直係球隊主力，佢復出對韋斯咸嚟講，絕對係一大好事！
全場精華
https://streamable.com/qcj2l
請按此登錄後留言。未成為會員? 立即註冊