italic text圖片取自upower
曼聯最風光嘅時期莫過於 1998-1999年度球季一次過拎哂英超、足總盃同歐聯嘅冠軍寶座。咁曼聯當年嘅陣式係442，大打傳統英式足球，入波靠嘅就係約基同高爾組成嘅黑雙煞組合！
黎到2018年，陣式用442、大打傳統英式足球嘅球隊已經好少，大多數都改哂打地面組織，用433陣式為主。不過我哋香港隊反而就逆道而行，請咗英籍教練「白咖哩」加利韋特，大打442英式足球之餘，仲組成一個全新嘅香港黑雙煞組合！以前金判坤領軍晚期打352陣式，兩個箭頭就試過放高梵拍艾力士，組成一個香港嘅雙黑煞。不過加利韋特上台之後，高梵完全不受重用，連初選都唔入，艾力士嘅拍檔就變咗做高高大大嘅基奧。
加利韋利首兩場領軍都係用艾力士拍基奧呢個前鋒組合，一個高大、一個速度快嘅前鋒組成雙箭頭看似都幾合理嘅，加上艾力士同基奧私底下都幾熟，溝通上一定唔會構成問題。仲有佢哋兩位都係好勤力、態度好嘅球員，落到場一定同你博盡，亦係一個吸引教練加利韋特重用佢哋嘅誘因。只係佢兩個本身波底都有啲差，要佢哋去衝去撞冇乜問題，但係要停個波、做前場支點就有啲難為咗佢地。上場對印尼已經見到當球隊面對密集，要慢慢組織攻擊嘅時候，佢哋兩個做連結都好差下。佢兩個一齊出，中場又得兩個防中，成隊波創造力都有限，究竟艾力士拍基奧呢個前鋒組合係咪真係適合港隊呢？
始終仲係運作一段好短嘅時間，係咪真係適合港隊，或者唔可以太早落定論。港隊今個星期日就要打東亞盃外圍賽，希望佢哋發揮得好似曼聯個陣嗰雙黑煞咁勁喇！不如大家一齊支持港隊，支持港隊三場贏哂，出線晉級！
曼聯最風光嘅時期莫過於 1998-1999年度球季一次過拎哂英超、足總盃同歐聯嘅冠軍寶座。咁曼聯當年嘅陣式係442，大打傳統英式足球，入波靠嘅就係約基同高爾組成嘅黑雙煞組合！
黎到2018年，陣式用442、大打傳統英式足球嘅球隊已經好少，大多數都改哂打地面組織，用433陣式為主。不過我哋香港隊反而就逆道而行，請咗英籍教練「白咖哩」加利韋特，大打442英式足球之餘，仲組成一個全新嘅香港黑雙煞組合！以前金判坤領軍晚期打352陣式，兩個箭頭就試過放高梵拍艾力士，組成一個香港嘅雙黑煞。不過加利韋特上台之後，高梵完全不受重用，連初選都唔入，艾力士嘅拍檔就變咗做高高大大嘅基奧。
加利韋利首兩場領軍都係用艾力士拍基奧呢個前鋒組合，一個高大、一個速度快嘅前鋒組成雙箭頭看似都幾合理嘅，加上艾力士同基奧私底下都幾熟，溝通上一定唔會構成問題。仲有佢哋兩位都係好勤力、態度好嘅球員，落到場一定同你博盡，亦係一個吸引教練加利韋特重用佢哋嘅誘因。只係佢兩個本身波底都有啲差，要佢哋去衝去撞冇乜問題，但係要停個波、做前場支點就有啲難為咗佢地。上場對印尼已經見到當球隊面對密集，要慢慢組織攻擊嘅時候，佢哋兩個做連結都好差下。佢兩個一齊出，中場又得兩個防中，成隊波創造力都有限，究竟艾力士拍基奧呢個前鋒組合係咪真係適合港隊呢？
始終仲係運作一段好短嘅時間，係咪真係適合港隊，或者唔可以太早落定論。港隊今個星期日就要打東亞盃外圍賽，希望佢哋發揮得好似曼聯個陣嗰雙黑煞咁勁喇！不如大家一齊支持港隊，支持港隊三場贏哂，出線晉級！
請按此登錄後留言。未成為會員? 立即註冊