港超第一周有乜睇？

.港超聯八月三十一日，亦即係聽日，就會重燃戰火！相信睇開本地波嘅球迷都好餓波㗎喇，不如而家就同大家睇吓第一周有乜戲碼、有乜睇頭喇！

理文 vs 傑志
8月31日 20:00 將軍澳運動場


繼上季將傑志惡鬥東方呢場大戰放喺開幕戰之後，今季亦有理文惡鬥傑志嘅大戰放喺開幕戰！

雖然上季理文只係一支中下游球隊，但係經過今個夏天瘋狂掃貨，簽入袁晧俊、方柏倫、余煒廉呢啲球員，實力至少提升到同班霸傑志有得fight ! 理文狂買球員之餘，亦請咗經驗豐富嘅陳曉明出山領軍，更加係請到前南韓國腳白智勳加盟！組軍積極兼有大打悅目足球嘅陳曉明領軍，今季理文嘅表現值得關注！面對有前利物浦球星施素高加盟嘅傑志，儘管睇下佢吔會打成點喇！

冠忠南區 vs 凱景
9月1日 14:30 香港仔運動場

今季有前南華前鋒高美斯加盟嘅冠忠南區會喺星期六晏晝面對今季新軍嘅凱景。

南區新簽入嘅迪亞高由於受傷應該好難喺呢場處子登場，意味著呢場好大機會可以先睇另一新加盟前鋒高美斯伙拍蘇沙嘅新鋒線組合發揮成點。若果中場中係陸志豪拍住今季新加盟狄卡奧上場，就會重組八年前嘅南華中場組合，亦值得南華球迷回味！面對住實力唔錯嘅南區，凱景又會點樣應戰？

夢想Fc vs 香港飛馬9月1日 17:30 青衣運動場

今季林樂勤由飛馬轉投夢想，首仗就倒戈面對住舊東家飛馬！上季林樂勤喺飛馬出場機會少，擔任副選為主。黎到夢想勢必成為主力，倒戈飛馬可唔可以「報復」入波一吐烏氣呢？

飛馬雖然有大量球員流失，主教練楊正光亦遭挖角，換上無經驗嘅柏度上場領軍，但都簽入大量球員積斯利、佐佐木周、劉智樂呢啲球員補充戰力嘅。即管睇下飛馬球員喺大換血之下，又融唔融合到呢？

佳聯元朗 vs 和富大埔
9月2日 14:30 元朗大球場

上季拎銀牌但又差啲降班嘅元朗再一次俾人拆骨，要再次用青春班應戰，唯一值得期待就係有啲實力踢過日職嘅正中鋒慕沙。大埔方面除咗陳俊樂走咗之外，其他主力黃威、伊高沙托尼紛纷留隊，加上盧高、歐陽耀沖、陳肇均呢啲球員加盟，實力有增無減，面對元朗一糸列嘅新球員登場令人值得期待！
東方龍獅. Vs 富力RF
9月2日 17:30 香港大球場

移師主場到大球場嘅東方第一次喺大球場出擊，有宿敵來投嘅林嘉緯首次登場，面對大搞嘅富力！富力就購入多位本地球員，唔知發揮會唔會有改善呢？