祖赫特啱啱第一次著起般尼波衫出場，為般尼面對中游球隊修咸頓比賽裡面守住大門。比賽裡面祖赫特表現標青，多次撲出對面嘅射門，查理柯士甸近門頭槌攻門、恩格斯嘅遠射都全部難唔到祖赫特，最終協助般尼喺呢場均勢嘅比賽保持清白之身，0:0完場。前幾季球迷不斷批評祖赫特狀態唔穩，到夏天世界盃嗰陣連英軍教練修夫基都唔再投佢信任一票。今場祖赫特狀態好，表現出色，相信可以一吐烏氣。
祖赫特本身一路都係曼城兼英格蘭嘅一號龍，但係前季哥迪奧拿成為曼城領隊之後就嫌祖赫特無腳法，寧願簽入巴禾同艾達臣呢啲龍門都唔肯起用長期效力曼城嘅老臣子祖赫特，之後再先後外借走祖赫特去拖連奴同韋斯咸，但係唔知係咪俾曼城棄用嘅打擊太大，表現就好一般下。上季喺韋斯咸表現太差，下半季仲要俾阿祖安取代，最後今個夏天世界盃做唔到英格蘭一號門將不特止，仲要連大軍名單都入唔到。
本身作為英超豪門曼城同英格蘭嘅一號龍門，發展本來順風順水，突然間發展落去咁差，由天堂跌落地獄咁，真係不禁令人唏噓。好彩般尼啲龍突然傷哂，普比仲要長抖，決定收購祖赫特去補強。作為昔日英軍鋼門，黎到新環境有好狀態，多次撲救幫球隊力保不失，都算係個好開始，以祖赫特嘅質素同經驗，如果keep到呢個狀態，相信祖赫特重返國家隊指日可待。。
祖赫特本身一路都係曼城兼英格蘭嘅一號龍，但係前季哥迪奧拿成為曼城領隊之後就嫌祖赫特無腳法，寧願簽入巴禾同艾達臣呢啲龍門都唔肯起用長期效力曼城嘅老臣子祖赫特，之後再先後外借走祖赫特去拖連奴同韋斯咸，但係唔知係咪俾曼城棄用嘅打擊太大，表現就好一般下。上季喺韋斯咸表現太差，下半季仲要俾阿祖安取代，最後今個夏天世界盃做唔到英格蘭一號門將不特止，仲要連大軍名單都入唔到。
本身作為英超豪門曼城同英格蘭嘅一號龍門，發展本來順風順水，突然間發展落去咁差，由天堂跌落地獄咁，真係不禁令人唏噓。好彩般尼啲龍突然傷哂，普比仲要長抖，決定收購祖赫特去補強。作為昔日英軍鋼門，黎到新環境有好狀態，多次撲救幫球隊力保不失，都算係個好開始，以祖赫特嘅質素同經驗，如果keep到呢個狀態，相信祖赫特重返國家隊指日可待。。
請按此登錄後留言。未成為會員? 立即註冊