莫斯奧為學業捨足球

曾經效力黃大仙、上季重投流浪嘅巴西外援後衛莫斯奧今季暫時並無出現喺香港超聯任何一支球隊嘅名單裡面，佢喺社交網站亦無公佈過任何去向，相信大家或者都有啲奇怪佢究竟去咗邊。
佢接受筆者查詢時就樂意同球迷大家分享佢嘅近況，佢就話自己因為要專注學業，足球事業暫時放埋一邊。「我暫時要專注喺學業方面，我而家做梗一個大學畢業嘅project，希望將精神放哂落去先。足球？暫時都要捨棄一陣先，我都無辦法。」

或者球迷會想問佢，咁係咪港超從此就再見唔到佢，咁又未必。佢話：「都有啲球隊揾過我，但我表明下半季先available。返港超踢？絕對有可能，我知道有隊渴望我可以加盟。」